¹ И призва Товиа Рафаила и рече ему:

² Азариа брате возми с собою отрока и два велблюда, и пойди в Раги Мидииския ко Гаваилу, и принеси ми сребро, и самого приведи ми на брак,

³ понеже закля Рагуил не исходити ми,

⁴ а отец мой сочисляет дни, и аще премедлю много, скорбети будет зело.

⁵ И иде Рафаил, и пребысть у Гаваила, и даде ему рукописание: он же изнесе мешцы с печатьми и вдаде ему.

⁶ И обутреневаста купно и приидоста на брак. И благослови Товиа жену свою.