¹ ¶ Long namba tri yia king Belsasar i bosim kingdom wanpela samting olsem driman i kam long mi, yes long mi Danyel, bihain long dispela samting i bin kam long mi pastaim.

² Na mi lukluk long wanpela samting olsem driman, na em i kamap olsem taim mi lukluk, mi luksave long mi stap long Susan insait long dispela bikhaus, na em i stap insait long dispela provins bilong Ilam. Na mi lukluk long wanpela samting olsem driman, na mi stap arere long dispela wara Ulai.

³ Long dispela taim mi litimapim tupela ai bilong mi i go antap, na mi lukluk i stap, na harim, wanpela sipsip man i gat tupela kom i sanap klostu long dispela wara. Na dispela tupela kom i stap antap, tasol wanpela i antap moa long arapela, na dispela i antap moa na winim arapela em i kamap bihain.

⁴ Na mi lukim dispela sipsip man i subim i go long hap san i go daun, na long hap not, na long hap saut, inap long i no gat wanpela animal i ken sanap long pes bilong em, na tu i no gat wanpela i ken kisim bek narapela long han bilong em. Tasol em i mekim ol samting bilong bihainim laik bilong em, na em i kamap bikpela.

⁵ Na taim mi tingim na skelim dispela, harim, wanpela meme man i kam long hap san i go daun antap long pes bilong olgeta hap bilong dispela graun, na em i no putim lek long graun. Na dispela meme i gat wanpela kom i stap ples klia namel long tupela ai bilong em.

⁶ Na em i kam long dispela sipsip man i gat tupela kom, mi bin lukim em i stap klostu long dispela wara, na dispela meme i ran i go long em long belhat tru bilong pawa bilong em.

⁷ Na mi lukim em i kam klostu long dispela sipsip man, na bel bilong em i kirap long birua long em, na em i paitim dispela sipsip man, na brukim tupela kom bilong em. Na i no gat strong i stap insait long sipsip man yet long sanap long pes bilong em, nogat. Tasol meme i tromoi em i go daun long graun, na em i krungutim em, na i no gat wanpela em inap long kisim bek dispela sipsip man long han bilong em.

⁸ Olsem na dispela meme man i kamap bikpela moa. Na taim em i stap strongpela dispela bikpela kom i bruk, na bilong senisim dispela, fopela arapela kom i kam antap ples klia na ol i poin i go long fopela win bilong heven.

⁹ Na long wanpela bilong ol i kam wanpela liklik kom, em i kamap na kisim planti pawa moa yet, i go long hap saut, na i go long hap san kamap, na i go long dispela graun i naispela tru.

¹⁰ Na em i kamap bikpela yes inap long dispela bikpela lain bilong heven. Na em i tromoi i go daun long graun sampela bilong dispela bikpela lain na sampela bilong ol sta, na em i krungutim ol.

¹¹ Tru tumas, em i apim nem bilong em yet yes long hetman bilong dispela bikpela lain, na em i tekewe dispela sakrifais bilong olgeta wan wan de, na ples holi bilong em i pundaun.

¹² Na wanpela i givim bikpela lain soldia long em inap long taim bilong dispela sakrifais long olgeta wan wan de long wanem pasin bilong kalapim lo i stap. Na dispela i tromoi i go daun long graun ol samting i tru, na dispela i mekim, na kamap gutpela.

¹³ Long dispela taim mi harim wanpela seint i tok, na narapela seint i tok olsem long dispela seint i bin tok, Dispela samting olsem driman i tok long dispela sakrifais long olgeta wan wan de, na dispela pasin bilong kalapim lo i bilong bagarap moa, na i wok long givim i go dispela ples i holi wantaim dispela bikpela lain long ol i stap aninit long krungutim long lek, dispela bai stap long hamas taim?

¹⁴ Na em i tok long mi, I go inap long 2 tausen na 3 handet de, na long dispela taim ples holi bai kamap klin.

¹⁵ ¶ Na em i kamap olsem, taim mi, yes mi Danyel i lukim dispela samting olsem driman, na mi wok long painim as tingting bilong em. Long dispela taim, harim, long pes bilong mi samting i sanap i luk olsem wanpela man.

¹⁶ Na mi harim nek bilong wanpela man namel long ol arere bilong wara Ulai, na nek i singaut na tok, Gebriel, mekim dispela man i save gut long dispela samting olsem driman.

¹⁷ Olsem na em i kam klostu long hap mi sanap long en, na taim em i kam, mi pret na pundaun long pes bilong mi. Tasol em i tokim mi, Save gut, O pikinini man bilong man, long wanem dispela samting olsem driman bai stap long taim bilong pinis.

¹⁸ Nau long taim em i toktok wantaim mi, mi stap insait long wanpela slip i dai em i strong tru na mi stap long pes bilong mi yet long graun. Tasol em i putim han long mi, na sanapim mi stret.

¹⁹ Na em i tok, Harim, bai mi mekim yu i save long wanem samting bai i stap long pinis tru bilong dispela bel nogut. Long wanem long taim God i bin makim bai pinis i stap.

²⁰ Dispela sipsip man yu bin lukim i gat tupela kom em i ol king bilong Mida na Persia.

²¹ Na dispela meme i gat longpela gras em i king bilong Grisia, na dispela bikpela kom i stap namel long ol ai bilong em, em i namba wan king.

²² Nau long dispela i bruk pinis, olsem na fopela i sanap bilong senisim em, fopela kingdom bai sanap bilong senisim dispela kantri, tasol i no long pawa bilong em.

²³ Na long las taim bilong kingdom bilong ol, taim ol lain bilong kalapim lo i kam long pulap, wanpela king bilong pes i givim pret na em i gat gutpela save long ol tok i tudak bai sanap.

²⁴ Na pawa bilong em bai stap strong, tasol i no long pawa bilong em yet. Na em bai winim tingting long pasin bilong bagarapim, na brukim ol samting. Na em bai kamap gutpela, na mekim, na em bai bagarapim na brukim ol strongpela man na ol manmeri i holi.

²⁵ Na long save bilong em tu bai em i mekim ol giaman pasin i kamap gutpela long han bilng em, na em bai litimapim nem long em yet long bel bilong em, na long pasin bilong givim bel isi bai em i bagarapim planti manmeri. Na tu bai em i sanap na birua long dispela Hetman bilong ol hetman, tasol em bai kisim bagarap na dispela i no kam long wanpela han.

²⁶ Na dispela samting olsem driman bilong nait na moning em i toksave na em i tru. Olsem na pasim gut dispela samting olsem driman, long wanem em bai i stap long planti de.

²⁷ Na mi Danyel i hap i dai, na i stap sik sampela de. Bihain mi kirap na mekim ol wok bilong king. Na mi kirap nogut long dispela samting olsem driman, tasol i no gat wanpela i gat save long dispela samting.