¹ Сии же суть сынове страны, иже взыдоша от плена преселения, ихже пресели Навуходоносор царь Вавилонский в Вавилон: и возвратишася во Иерусалим и Иудею кийждо муж во град свой.

² Иже приидоша с Зоровавелем: Иисус, Неемиа, Сараиа, Реелиа, Мардохей, Валасан, Масфар, Вагуй, Реум, Ваана. Сие число мужем людий Израилевых:

³ сынове Фаресовы две тысящы сто седмьдесят и два,

⁴ сынове Сафатиевы триста седмьдесят два,

⁵ сынове Аресовы седмь сот седмьдесят пять,

⁶ сынове Фааф-Моавли от сынов Иисуевух и Иоавлих две тысящы осмь сот дванадесять,

⁷ сынове Еламли тысяща двести пятьдесят четыри,

⁸ сынове Зафуевы девять сот четыредесять пять,

⁹ сынове Закхани седмь сот шестьдесят,

¹⁰ сынове Вануевы шесть сот четыредесять два,

¹¹ сынове Ваваевы шесть сот двадесять три,

¹² сынове Авгадовы тысяща двести двадесять два,

¹³ сынове Адоникамовы шесть сот шестьдесят шесть,

¹⁴ сынове Вагуевы две тысящы пятьдесят шесть,

¹⁵ сынове Адины четыриста пятьдесят четыри,

¹⁶ сынове Атировы, иже бяху от Езекии, девятьдесят осмь,

¹⁷ сынове Вассуевы триста двадесять три,

¹⁸ сынове Иоравовы сто дванадесять,

¹⁹ сынове Асумли двести двадесять три,

²⁰ сынове Гаверовы девятьдесят пять,

²¹ сынове Вефлаемли сто двадесять три,

²² сынове Нетофаевы пятьдесят шесть,

²³ сынове Анафофовы сто двадесять осмь,

²⁴ сынове Азмофовы четыредесять три,

²⁵ сынове Кариафиаримли, Хафира и Вироф, седмь сот четыредесять три,

²⁶ сынове от Рамы и Гаваи шесть сот двадесять един,

²⁷ мужей Махмаских сто двадесять два,

²⁸ мужей Вефилских и Гайских четыреста двадесять три,

²⁹ сынове от Навы пятьдесят два,

³⁰ сынове Магевисовы сто пятьдесят шесть,

³¹ сынове Иламаровы тысяща двести пятьдесят четыри,

³² сынове Ирамли триста двадесять,

³³ сынове Лиддоновы, Лодадидовы и Оновы седмь сот двадесять пять,

³⁴ сынове Иерихони триста четыредесять пять,

³⁵ сынове Сеннааевы три тысящы шесть сот тридесять.

³⁶ Священницы же: сынове Иедуевы в дому Иисуеве девять сот седмьдесят три,

³⁷ сынове Еммировы тысяща пятьдесят два,

³⁸ сынове Фассуровы тысяща двести четыредесять седмь,

³⁹ сынове Иремли тысяща седмьнадесять.

⁴⁰ Левити же сынове Иисуевы и Кадмиили от сынов Одуиевых седмьдесят четыри.

⁴¹ Певцы же сынове Асафовы сто двадесять осмь.

⁴² Сынове дверников: сынове Селлумли, сынове Атироы, сынове Телмоновы, сынове Акувовы, сынове Атитовы, сынове Соваиевы, всех сто тридесять девять.

⁴³ Нафинее: сынове Суавли, сынове Суфатовы, сынове Тавваофли,

⁴⁴ сынове Кирасовы, сынове Сирсавли, сынове Фадонины,

⁴⁵ сынове Лавановы, сынове Агавовы, сынове Акувовы,

⁴⁶ сынове Агавовы, сынове Селамиины, сынове Анановы,

⁴⁷ сынове Геддилины, сынове Гааровы, сынове Раиаевы,

⁴⁸ сынове Расоновы, сынове Некодовы, сынове Газемли,

⁴⁹ сынове Азоковы, сынове Фасиевы, сынове Расиины,

⁵⁰ сынове Асенаевы, сынове Мунниновы, сынове Нефусимли,

⁵¹ сынове Ваквуковы, сынове Акуфаевы, сынове Ануровы,

⁵² сынове Васалофовы, сынове Мидановы, сынове Арсановы,

⁵³ сынове Варкосовы, сынове Сисарины, сынове Фемавли,

⁵⁴ сынове Нафиевы, сынове Атифовы.

⁵⁵ Сынове слуг Соломоновых: сынове Сотаевы, сынове Сефирины, сынове Фадуровы,

⁵⁶ сынове Иеалаевы, сынове Дерконовы, сынове Геддилины,

⁵⁷ сынове Сафатиевы, сынове Аттилевы, сынове Фахерафовы, сынове Асевоимли, сынове Имеевы:

⁵⁸ вси нафанимовы и сынове слуг Соломоновых триста девятьдесят два.

⁵⁹ И сии, иже восхождаху от Фелмелеха, Фелариса, Херув, Идан, Еммир, и не могоша сказати дому отечества своего и семене своего, от Израиля ли быша:

⁶⁰ сынове Далаиевы, сынове Товиевы, сынове Некодаевы, шесть сот пятьдесят два:

⁶¹ и от сынов священнических сынове Оваиевы, сынове Аккусовы, сынове Верзеллаевы, иже поя от дщерей Верзеллаа Галаадитина жену и наречеся именем их:

⁶² тии искаша писания роду своему и не обретоша, и изгнани суть от священства.

⁶³ И рече Аферсафа им, да не ядят от святаго святых, дондеже востанет священник со изявлением и истиною.

⁶⁴ Все же множество купно яко четыри тмы две тысящы триста шестьдесят,

⁶⁵ кроме рабов их и рабынь их, сих седмь тысящ триста тридесять седмь: и сии певцы и певницы двести.

⁶⁶ Коней их седмь сот тридесять шесть, мсков их двести четыредесять пять,

⁶⁷ велблюдов их четыреста тридесять пять, ослов их шесть тысящ седмь сот двадесять.

⁶⁸ И от князей отечеств, егда вхождаху тии в церковь Господню, яже во Иерусалиме, добровольно принесоша в дом Божий, поставити его на основании его:

⁶⁹ по силе своей даша в росход дела, злата драхм шестьдесят тысящ и тысящу, и сребра мнас пять тысящ, и одеяний священнических сто.

⁷⁰ И седоша священницы и левити, и иже от людий, и певцы и дверницы и нафинимляне во градех своих, и весь Израиль во градех своих.