¹ Sønerne åt Juda var Peres, Hesron og Karmi og Hur og Sobal.

² Og Reaja, son åt Sobal, vart far til Jahat, og Jahat vart far til Ahumai og Lahad; dette var soratit-ætterne.

³ Og dette var sønerne åt Abi-Etam: Jizre’el og Jisma og Jidbas - og syster deira heitte Haslelponi -

⁴ og dessutan Penuel, far åt Gedor, og Ezer, far åt Husa. Desse var søner åt Hur, eldste son hans Efrata, far åt Betlehem.

⁵ Og Ashur, far åt Tekoa, hadde tvo konor, Hela og Na’ara.

⁶ Med Na’ara fekk han Ahuzzam og Hefer, og Temeni og ahastaritarne; dette var sønerne hennar Na’ara.

⁷ Og sønerne hennar Hela var Seret og Jishar og Etnan.

⁸ Og Kos vart far til Anub og Hassobeba, og ætterne hans Aharhel, son åt Harum.

⁹ Men Jabes var den gjævaste av brørne; mor hans hadde gjeve honom namnet Jabes, med di ho sagde: «Med verk og vande hev eg ått honom.»

¹⁰ Og Jabes kalla på Israels Gud og sagde: «Um du vilde velsigna meg og auka landviddi mi og lata di hand vera med meg, og um du vilde bægja for det som vondt er, so eg slepp å kjenna nokon verk!» Og Gud let det verta soleis som han bad um.

¹¹ Og Kelub, bror hans Suha, fekk sonen Mehir; han var far åt Eston.

¹² Og Eston var far til Bet-Rafa, Paseah og Tehinna, far åt Ir-Nahas. Dette var mennerne frå Reka.

¹³ Og sønerne hans Kenaz var Otniel og Seraja; og son åt Otniel var Hatat.

¹⁴ Og Meonotai fekk sonen Ofra, og Seraja fekk sonen Joab, far til ætti i Timbremannsdalen; for dei var timbremenner.

¹⁵ Og sønerne hans Kaleb Jefunneson var Iru, Ela og Na’am, og son åt Ela var Kenaz.

¹⁶ Og sønerne hans Jehallelel var Zif og Zifa, Tirja og Asarel.

¹⁷ Og sønerne hans Ezra var Jeter og Mered og Efer og Jalon. Og kvinna vart med barn og åtte Mirjam, Sammai og Jisbah, far åt Estemoa.

¹⁸ Og jøde-kona hans åtte Jered, far hans Gedor, og Heber, far åt Soko, og Jekutiel, far åt Zanoah; men dei hine var søner åt Bitja, dotter åt Farao, som Mered hadde teke til kona.

¹⁹ Og sønerne åt kona hans Hodia, syster hans Naham, var far åt Ke’ila, garmiten, og ma’akatiten Estemoa.

²⁰ Og sønerne hans Simon var Amnon og Rinna, Ben-Hanan og Tulon. Og sønerne hans Jisi var Zohet og son åt Zohet.

²¹ Og sønerne hans Sela Judason var Er, far åt Leka, og Lada, far åt Maresa, og linarbeidar-ætterne av Asbea-huset,

²² dessutan Jokim og mennerne i Kozeba og Joas og Saraf, som vart herre yver Moab, og dertil Jasubi-Lehem. Men dette høyrer til gamall tid.

²³ Dette var pottemakarane og folket Netajim og Gedera; dei budde der hjå kongen og var i hans arbeid.

²⁴ Sønerne hans Simeon var Nemuel og Jamin, Jarib, Zerah, Saul.

²⁵ Son hans var Sallum; hans son var Mibsam; hans son var Misma.

²⁶ Sønerne åt Misma var Hammuel, son hans, Zakkur, hans son, og Sime’i, hans son.

²⁷ Og Sime’i hadde sekstan søner og seks døtter; men brørne hans hadde ikkje mange born. Og heile ætti deira aukast ikkje so mykje som Juda-sønerne.

²⁸ Og dei budde i Be’erseba og Molada og Hasar-Sual,

²⁹ i Bilha, Esem og i Tolad,

³⁰ i Betuel, i Horma og Siklag,

³¹ i Bet-Markabot, i Hasar-Susim, i Bet-Biri og i Sa’arajim. Dette var byarne deira alt til David vart konge.

³² Og i landsbyarne deira var Etam og Ajin, Rimmon, Token og Asan, fem byar,

³³ og dertil alle bygderne deira som låg ikring desse byarne, alt til Ba’al; dette var bustaderne deira, og dei hadde ei ættarlista for seg sjølve.

³⁴ Og Mesobab, Jamlek og Josa, son åt Amasja,

³⁵ og Joel og Jehu, son åt Josibja, son åt Seraja, son åt Asiel,

³⁶ og Eljoenai, Ja’akoba, Jesohaja, Asaja, Adiel, Jesimiel og Benaja,

³⁷ og Ziza, son åt Sifi, son åt Allon, son åt Jedaja, son åt Simri, son åt Semaja.

³⁸ Desse som no er nemnde, var hovdingar i ætterne sine, og ættgreinerne deira breidde seg ut og vart mangmente.

³⁹ Og dei drog fram mot Gedor alt til austsida av dalen og skulde finna beite åt buskapen sin.

⁴⁰ Og dei fann feitt og godt beite, og landet var vidt og romt, og det var stilt og fredsamt; for dei som budde der fyreåt, var ætta frå Kham.

⁴¹ Men desse som her er uppskrivne med namn, kom då Hizkia var konge i Juda, og øydelagde tjeldbuderne deira og hogg ned dei me’unitarne som der var, og bannstøytte deim, so dei no ikkje meir er til, og dei slo seg ned der i staden deira; for der var det beite for buskapen deira.

⁴² Og det var fem hundrad mann av deim, av Simeons-sønerne, som for til Se’irfjelli, og Pelatja og Nearja og Refaja og Uzziel, sønerne hans Jisi, var fyregangsmennerne deira.

⁴³ Og dei drap den siste leivningen amalekitarne; so slo dei seg ned der, og bur der den dag i dag.