¹ Dette var sønerne åt Israel: Ruben, Simeon, Levi og Juda, Issakar og Sebulon,

² Dan, Josef og Benjamin, Naftali, Gad og Asser.

³ Sønerne åt Juda var Er og Onan og Sela; desse tri fekk han med dotter åt Sua, kananitarkvinna; men Herren tykte ille um Er, eldste son åt Juda, og han laga det so at han døydde.

⁴ Med Tamar, sonekona si, fekk Juda sønerne Peres og Zerah, so sønerne åt Juda var fem i alt.

⁵ Sønerne åt Peres var Hesron og Hamul.

⁶ Og sønerne åt Zerah var Zimri og Etan og Heman og Kalkol og Dara; fem i alt.

⁷ Og son åt Karmi var Akar, som førde Israel i ulukka, med di han ikkje for ærleg åt med det som var vigt til Herren.

⁸ Og son hans Etan var Azarja.

⁹ Og sønerne som Hesron fekk, var Jerahme’el, Ram og Kelubai.

¹⁰ Og Ram fekk sonen Amminadab, og Amminadab fekk sonen Nahson, hovdingen for Juda-sønerne.

¹¹ Og Nahson fekk sonen Salma, og Salma fekk sonen Boaz.

¹² Og Boaz fekk sonen Obed, og Obed fekk sonen Isai.

¹³ Isai fekk sonen Eliab, det var fyrste sonen hans, og Abinadab var den andre, og Simea den tridje,

¹⁴ Netanel den fjorde, Raddai den femte,

¹⁵ Osem den sette, David den sjuande.

¹⁶ Og systerne deira var Seruja og Abiga’il. Og sønerne åt Seruja var Absai og Joab og Asael, tri i talet.

¹⁷ Og Abiga’il åtte Amasa, og far åt Amasa var Jeter, ismaeliten.

¹⁸ Og Kaleb, son åt Hesron, fekk born med Azuba, kona si, og med Jeriot; sønerne hennar var Jeser og Sobab og Ardon.

¹⁹ Då Asuba døydde, tok Kaleb seg Efrat til kona, og med henne fekk han sonen Hur.

²⁰ Og Hur fekk sonen Uri, og Uri fekk sonen Besalel.

²¹ Sidan gjekk Hesron inn til dotter åt Makir, som var far åt Gilead; henne tok han til kona då han var seksti år gamall, og han fekk sonen Segub med henne.

²² Og Segub fekk sonen Ja’ir; han åtte tri og tjuge byar i Gileadlandet.

²³ Men gerusitarne og aramæarane tok frå deim byarne hans Ja’ir, og dessutan Kenat med seksti byar som låg ikring. Alle desse var søner åt Makir, far åt Gilead.

²⁴ Og Hesron fekk sonen Ashur, far åt Tekoa, med Abia, kona si; ho åtte honom etter Hesron var dåen i Kaleb-Efrata.

²⁵ Og sønerne åt Jerahme’el, eldste son hans Hesron, det var Ram, den eldste, og Buna og Oren og Osem med Ahia.

²⁶ Men Jerahme’el hadde ei onnor kona og, som heitte Atara; ho var mor åt Onam.

²⁷ Sønerne åt Ram, fyrste sonen hans Jerahme’el, det var Ma’as og Jamin og Eker.

²⁸ Og sønerne åt Onam var Sammai og Jada. Og sønerne åt Sammai var Nadab og Abisur.

²⁹ Og kona hans Abisur heitte Abiha’il; med henne fekk han sønerne Ahban og Molid.

³⁰ Sønerne åt Nadab var Seled og Appajim. Seled døydde barnlaus.

³¹ Men sønerne åt Appajim var Jisi; sønerne åt Jisi var Sesan, og sønerne åt Sesan var Ahlai.

³² Og sønerne åt Jadas, bror hans Sammai, var Jeter og Jonatan. Jeter døydde barnlaus.

³³ Men sønerne hans Jonatan var Pelet og ZaZa. Dette var sønerne åt Jerahme’el.

³⁴ Men Sesan hadde ingi søner, anna berre døtter. No hadde Sesan ein egyptisk dreng, som heitte Jarha.

³⁵ Og Sesan gav Jarha, drengen sin, dotter si til kona, og med henne fekk han sonen Attai.

³⁶ Attai fekk sonen Natan, og Natan fekk sonen Zabad,

³⁷ og Zabad fekk sonen Eflal, og Eflal fekk sonen Obed,

³⁸ og Obed fekk sonen Jehu, og Jehu fekk sonen Azarja,

³⁹ og Azarja fekk sonen Hales, og Hales fekk sonen Elasa,

⁴⁰ og Elasa fekk sonen Sismai, og Sismai fekk sonen Sallum,

⁴¹ og Sallum fekk sonen Jekamja, og Jekamja fekk sonen Elisama.

⁴² Og sønerne åt Kaleb, bror hans Jerahme’el, var Mesa, som var eldst - han var far åt Zif - og sønerne åt Maresa, far hans Hebron.

⁴³ Og sønerne åt Hebron var Korah og Tappuah og Rekem og Sema.

⁴⁴ Sema fekk sonen Raham, far åt Jorkeam, og Rekem fekk sonen Sammai.

⁴⁵ Son hans Sammai var Maon, og Maon var far åt Betsur.

⁴⁶ Og Efa, fylgjekona hans Kaleb, åtte sønerne Haran og Mosa og Gazez, og Haran fekk sonen Gazez.

⁴⁷ Og sønerne åt Jehdai var Regem og Jotam og Gesan og Pelet og Efa og Sa’af.

⁴⁸ Ma’aka, fylgjekona hans Kaleb, åtte sønerne Seber og Tirhana.

⁴⁹ Ho åtte og Sa’af, far åt Madmanna, og Seva, far åt Makbena og Gibea. Og dotter hans Kaleb var Aksa.

⁵⁰ Dette var sønerne hans Kaleb: son åt Hur, som var eldste son åt Efrata, det var Sobal, far åt Kirjat-Jearim,

⁵¹ Salma, far åt Betlehem, og Haref, far åt Bet-Gader.

⁵² Sønerne hans Sobal, far åt Kirjat-Jearim, var Haroe og helvti av Hammenuhot-ætti.

⁵³ Men ættgreinerne frå Kirjat-Jearim var jitritarne, putitarne, sumatitarne og misra’itarne; frå deim hev soratitarne og estaolitarne kome.

⁵⁴ Sønerne åt Salma var Betlehem og netofatitarne, Atrot-Bet-Joab og helvti av manahtitarne, soritarne.

⁵⁵ Og ætterne av dei skriftlærde som budde i Jabes, var tiratitar, simatitar og sukatitar. Dette var dei kinitarne som var ætta frå Hammat, far for åt Rekab-huset.