¹ ¶ Ol dispela em ol pikinini man bilong Isrel, Ruben, Simion, Livai, na Juda, Isakar, na Sebyulan,

² Dan, Josep, na Benjamin, Naptalai, Gat, na Aser.

³ Ol pikinini man bilong Juda, Er, na Onan, na Sela. Dispela tripela, pikinini meri bilong meri Kenan Sua i karim long em. Na Er, namba wan pikinini bilong Juda, em i nogut long ai bilong BIKPELA. Na Em i kilim em i dai.

⁴ Na Temar, tambu pikinini meri bilong em, i karim long em Fares na Sera. Olgeta pikinini man bilong Juda em i faipela.

⁵ Ol pikinini man bilong Fares, Hesron, na Hamul.

⁶ Na ol pikinini man bilong Sera, Simri, na Etan, na Heman, na Kalkol, na Dara, faipela bilong ol olgeta.

⁷ Na ol pikinini man bilong Karmi, Ekar, man bilong givim wari long Isrel, husat i kalapim lo long samting i tambu olgeta.

⁸ Na ol pikinini man bilong Etan, Asaraia.

⁹ Ol pikinini man tu bilong Hesron, husat meri i karim long em, Jeramel, na Ram, na Kelubai.

¹⁰ Na Ram i kamapim Aminadap. Na Aminadap i kamapim Nason, hetman bilong ol pikinini bilong Juda.

¹¹ Na Nason i kamapim Salma, na Salma i kamapim Boas,

¹² Na Boas i kamapim Obet, na Obet i kamapim Jesi,

¹³ Na Jesi i kamapim namba wan pikinini bilong em Eliap, na Abinadap namba tu, na Sima namba tri,

¹⁴ Netanel namba foa, Radai namba faiv,

¹⁵ Osem namba sikis, Devit namba seven.

¹⁶ Husat ol susa bilong ol em i Seruaia, na Abigel. Na ol pikinini man bilong Seruaia, Abisai, na Joap, na Asahel, tripela.

¹⁷ Na Abigel i karim Amasa. Na papa bilong Amasa em i man Ismel Jeter.

¹⁸ ¶ Na Kelep, pikinini man bilong Hesron, i kamapim ol pikinini long meri bilong em Asuba, na long Jeriot. Ol pikinini man bilong en em i ol dispela, Jeser, na Sobap, na Ardon.

¹⁹ Na taim Asuba i dai pinis, Kelep i kisim bilong em Efrat, husat i karim Hur long em.

²⁰ Na Hur i kamapim Uri, na Uri i kamapim Besalel.

²¹ Na bihain long en Hesron i go long pikinini meri bilong Makir, papa bilong Gileat, husat em i maritim taim em i gat 60 krismas. Na em i karim Segup long em.

²² Na Segup i kamapim Jair, husat i gat 23 biktaun insait long hap bilong Gileat

²³ Na em i kisim Geser, na Aram, wantaim ol taun bilong Jair, long ol, wantaim Kenat, na ol taun bilong en, yes, 60 biktaun. Olgeta dispela i bilong ol pikinini man bilong Makir, papa bilong Gileat

²⁴ Na bihain long Hesron i dai pinis long Kelep-efrata, nau Abia, meri bilong Hesron, i karim long em Asur, papa bilong Tekoa.

²⁵ Na ol pikinini man bilong Jeramel, namba wan pikinini bilong Hesron, em, Ram, namba wan pikinini, na Buna, na Oren, na Osem, na Ahaisa.

²⁶ Jeramel tu i gat narapela meri, husat nem bilong en em i Atara. Em i mama bilong Onam.

²⁷ Na ol pikinini man bilong Ram, namba wan pikinini bilong Jeramel, em, Meas, na Jamin, na Eker.

²⁸ Na ol pikinini man bilong Onam em, Samai, na Jada. Na ol pikinini man bilong Samai, Nedap, na Abisur.

²⁹ Na nem bilong meri bilong Abisur em i Abihail, na em i karim Aban long em, na Molit.

³⁰ Na ol pikinini man bilong Nedap, Selet, na Apaim. Tasol Selet i dai pinis na em i no gat pikinini.

³¹ Na ol pikinini man bilong Apaim, Isi. Na ol pikinini man bilong Isi, Sesan. Na ol pikinini bilong Sesan, Alai.

³² Na ol pikinini man bilong Jada, brata bilong Samai, Jeter, na Jonatan. Na Jeter i dai pinis na em i no gat pikinini.

³³ Na ol pikinini man bilong Jonatan, Pelet, na Sasa. Ol dispela em i ol pikinini man bilong Jeramel.

³⁴ Nau Sesan i no gat ol pikinini man, ol pikinini meri tasol. Na Sesan i gat wanpela wokboi, wanpela man Isip, husat nem bilong en em i Jarha.

³⁵ Na Sesan i givim pikinini meri bilong em long Jarha, wokboi bilong em, bilong maritim. Na em i karim Atai long em.

³⁶ Na Atai i kamapim Netan, na Netan i kamapim Sabat,

³⁷ Na Sabat i kamapim Eflal, na Eflal i kamapim Obet,

³⁸ Na Obet i kamapim Jehu, na Jehu i kamapim Asaraia,

³⁹ Na Asaraia i kamapim Heles, na Heles i kamapim Eleasa,

⁴⁰ Na Eleasa i kamapim Sisamai, na Sisamai i kamapim Salum,

⁴¹ Na Salum i kamapim Jekamaia, na Jekamaia i kamapim Elisama.

⁴² Nau ol pikinini man bilong Kelep, brata bilong Jeramel, em, Mesa, namba wan pikinini bilong em, husat i papa bilong Sif, na ol pikinini man bilong Maresa, papa bilong Hibron.

⁴³ Na ol pikinini man bilong Hibron, Kora, na Tapua, na Rekem, na Sema.

⁴⁴ Na Sema i kamapim Raham, papa bilong Jorkoam. Na Rekem i kamapim Samai.

⁴⁵ Na pikinini man bilong Samai em i Meon. Na Meon em i papa bilong Bet-sur.

⁴⁶ Na Ifa, namba tu lain meri bilong Kelep, i karim Haran, na Mosa, na Gases. Na Haran i kamapim Gases.

⁴⁷ Na ol pikinini man bilong Jadai, Regem, na Jotam, na Gesan, na Pelet, na Ifa, na Seaf.

⁴⁸ Meaka, namba tu lain meri bilong Kelep, i karim Seber, na Tirhana.

⁴⁹ Em i karim tu Seaf, papa bilong Matmana, Seva, papa bilong Makbena, na papa bilong Gibea. Na pikinini meri bilong Kelep em i Aksa.

⁵⁰ Ol dispela em i ol pikinini man bilong Kelep, pikinini man bilong Hur, namba wan pikinini bilong Efrata, Sobal, papa bilong Kiriat-jerim,

⁵¹ Salma, papa bilong Betlehem, Harep, papa bilong Bet-gader.

⁵² Na Sobal, papa bilong Kiriat-jerim i gat ol pikinini man, Haroe, na hap bilong ol lain Manahet.

⁵³ Na ol famili bilong Kiriat-jerim, ol lain Itra, na ol lain Put, na ol lain Suma, na ol lain Misra. Bilong ol ol lain Sareat, na ol lain Estaul, i kam.

⁵⁴ Ol pikinini man bilong Salma, Betlehem, na ol lain Netofa, Atarot, hauslain bilong Joap, na hap bilong ol lain Manahet, ol lain Sora.

⁵⁵ Na ol famili bilong ol man bilong rait husat i stap long Jabes, ol lain Tira, ol lain Simeat, na ol lain Sukot. Ol dispela em i ol lain Ken husat i kam long Hemat, papa bilong hauslain bilong Rekap.