¹ ¶ Na taim pikinini man bilong Sol i harim long Apner i dai pinis long Hibron, tupela han bilong em i no gat strong, na olgeta lain Isrel i pilim trabel.

² Na pikinini man bilong Sol i gat tupela man husat i stap ol kepten bilong ol liklik lain ami. Nem bilong wanpela em Beana, na nem bilong arapela em Rekap, ol pikinini man bilong Rimon, wanpela man Berot, bilong ol pikinini bilong Benjamin. (Long wanem, Berot tu ol i kaunim long ol lain Benjamin.

³ Na ol lain Berot i ranawe i go long Gitaim, na stap ol waira long dispela hap inap long tude.)

⁴ Na Jonatan, pikinini man bilong Sol, i gat wanpela pikinini man husat tupela fut bilong em i no gat strong. Em i gat faipela krismas taim nius bilong Sol na Jonatan i kam ausait long Jesril, na wasmama i kisim em i kam antap, na ranawe. Na em i kamap olsem, taim em i wok hariap long ranawe, long em i pundaun, na kamap lek nogut. Na nem bilong en em Mefiboset.

⁵ Na tupela pikinini man bilong man Berot Rimon, Rekap na Beana, i go, na kam nabaut long taim hat bilong de long haus bilong Is-boset, husat i slip long wanpela bet long belo.

⁶ Na ol i kam long dispela hap insait long namel bilong haus, olsem ol i gat laik long kisim sampela wit. Na ol i paitim em aninit long namba faiv bun bilong banis. Na Rekap na Beana, brata bilong em, i ranawe.

⁷ Long wanem, taim ol i kam insait long haus, em i slip long bet bilong em long rum bilong slip, na ol i paitim em, na kilim em i dai, na rausim het bilong em, na kisim het bilong em, na kisim ol yet i go brukim dispela ples stret olgeta hap bilong nait.

⁸ Na ol i bringim het bilong Is-boset long Devit long Hibron, na tokim king, Lukim het bilong Is-boset, pikinini man bilong birua bilong yu Sol, husat i painim laip bilong yu. Na BIKPELA i bin helpim king, bikman bilong mi, na bekim pe nogut tude long Sol, na long tumbuna pikinini bilong em.

⁹ ¶ Na Devit i bekim Rekap na Beana, brata bilong em, tupela pikinini man bilong man Berot Rimon, na tokim tupela, Olsem BIKPELA i stap laip, husat i bin baim bek tewel bilong mi i kam ausait long olgeta kain kain hevi,

¹⁰ Taim wanpela i tokim mi, i spik, Lukim, Sol i dai pinis, taim em i ting olsem em i bin bringim ol gutpela nius, Mi holim em, na kilim em i dai long Siklak, husat em i bin ting long mi bai givim em wanpela pe long nius bilong em.

¹¹ Na hamas moa, taim tupela man nogut i bin kilim i dai wanpela stretpela man long haus bilong em yet long bet bilong em yet? Olsem na nau ating i yes long mi bai strong long askim long blut bilong em long han bilong yutupela, na tekewe yutupela long dispela graun?

¹² Na Devit i tok strong long ol yangpela man bilong em, na ol i kilim tupela i dai, na katim i go olgeta ol han bilong ol na ol fut bilong ol, na hangamapim tupela antap long liklik raunwara long Hibron. Tasol ol i kisim het bilong Is-boset, na planim dispela long matmat bilong Apner long Hibron.