¹ ואתה הקריב אליך את אהרן אחיך ואת בניו אתו מתוך בני ישראל לכהן לי אהרן נדב ואביהוא אלעזר ואיתמר בני אהרן

² ועשית בגדי קדש לאהרן אחיך לכבוד ולתפארת

³ ואתה תדבר אל כל חכם לב אשר מלאתיו רוח חכמה ועשו את בגדי אהרן לקדשו לכהן לי

⁴ ואלה הבגדים אשר יעשון חשן ואפוד ומעיל כיתנת תשבץ מצנפת ואבניט ועשו בגדי קדש לאהרן אחיך ולבניו לכהן לי

⁵ והם יקחו את הזהב ואת התכלת ואת הארגמן ואת התולעת השני ואת השש

⁶ ועשו את האפוד זהב תכלת וארגמן ותולעת שני ושש משזר מעשה חשב

⁷ שתי כתפות חברות יהיה לו על שני קצתיו יחבר

⁸ וחשב אפדתו אשר עליו כמעשהו ממנו יהיה זהב תכלת וארגמן ותולעת שני ושש משזר

⁹ ולקחת את שתי אבני השהם ופתחת עליהן את שמות בני ישראל

¹⁰ ששה משמתם על האבן האחת ואת שמות הששה הנותרים על האבן השנית כתולדתם

¹¹ מעשה חרש אבן פתוחי חתם תפתח את שתי האבנים על שמות בני ישראל מוסבת משבצות זהב תעשה אתם

¹² ושמת את שתי האבנים על כתפות האפוד אבני זכרון הנה לבני ישראל ונשא אהרן את שמותם לפני יהוה על שתי כתפתיו לזכרון

¹³ ועשית משבצות זהב

¹⁴ ושתי שרשרות זהב טהור מגבלות תעשה אתם מעשה עבות ונתתה את שרשרות העבתות על המשבצות

¹⁵ ועשית חשן משפט מעשה חשב כמעשה האפוד תעשנו זהב תכלת וארגמן ותולעת שני ושש משזר תעשה אתו

¹⁶ רבוע יהיה כפול זרת ארכו וזרת רחבו

¹⁷ ומלאת בו מלאת אבן ארבעה טורים . טור אדם פטדה וברקת הטור האחד

¹⁸ והטור השני נפך ספיר ויהלם

¹⁹ והטור השלישי לשם שבו ואחלמה

²⁰ והטור הרביעי תרשיש שהם וישפה וישפה מוסבת משבצות זהב יהיו במלאתם

²¹ והאבנים תהיינה על שמות בני ישראל שתים עשרה על שמותם פתוחי חתם איש על שמו תהיינה לשנים עשר שבט

²² ועשית על החשן שרשרות גבלות מעשה עבות זהב טהור

²³ ועשית על החשן שתי משבצות זהב ושתי טבעות זהב ונתתה את . הטבעות על . קצות החשן

²⁴ ונתתה את שתי עבתות הזהב על שתי הטבעות על קצות החשן

²⁵ ואת שתי הקצות שתי העבתות תתן על שתי המשבצות ונתתה על כתפות האפוד אל מול פניו

²⁶ ועשית שתי טבעות זהב ושמת אתם על שני קצות החשן על שפתו אשר על עבר האפוד ביתה

²⁷ ועשית שתי טבעות זהב ונתתה אתם על שתי כתפות האפוד מלמטה ממול פניו לעמת מחברתו ממעל לחשב האפוד

²⁸ וירכסו את החשן מטבעתו אל טבעת האפוד בפתיל תכלת להיות על חשב האפוד ולא יזח החשן מעל האפוד

²⁹ ונשא אהרן את שמות בני ישראל בחשן המשפט על לבו בבאו אל הקדש לזכרון לפני יהוה תמידה ועשית את הארים ואת התמים

³⁰ ונתתה על חשן המשפט את הארים ואת התמים והיו על לב אהרן בבאו לפני יהוה ונשא אהרן את משפט בני ישראל על לבו לפני יהוה תמידה

³¹ ועשית את מעיל האפוד כליל תכלת

³² והיה פי ראשו בתוכו שפה יהיה לפיו סביב מעשה ארג כפי תחרא יהיה לו לא יקרע

³³ ועשית על שוליו רמוני תכלת וארגמן ותולעת שני ושש משזר על שוליו סביב ופעמוני זהב בתוכם סביב

³⁴ פעמון זהב ורמון פעמון זהב ורמון על שולי המעיל סביב

³⁵ והיה על אהרן לשרת ונשמע קולו בבאו אל הקדש לפני יהוה ובצאתו ולא ימות

³⁶ ועשית ציץ זהב טהור ופתחת עליו פתוחי חתם קדש ליהוה

³⁷ ושמת אתו על פתיל תכלת והיה על המצנפת אל מול פני המצנפת יהיה

³⁸ והיה על מצח אהרן ונשא אהרן את עון הקדשים אשר יקדישו בני ישראל לכל מתנות קדשיהם והיה על מצחו תמיד לרצון להם לפני יהוה

³⁹ ושבצת את הכתנת שש ועשית מצנפת שש ואבניט תעשה מעשה רקם

⁴⁰ ולבני אהרן תעשה כיתנת ועשית להם אבנטים ומגבעות תעשה להם לכבוד ולתפארת

⁴¹ והלבשת אתם את אהרן אחיך ואת בניו אתו ומשחת אתם ומלאת את ידם וקדשת אתם וכהנו לי

⁴² ועשה להם מכנסי בד לכסות בשר ערוה ממתנים ועד ירכים יהיו

⁴³ והיו על אהרן ועל בניו בבאם אל אהל מועד או בגשתם אל המזבח לשרת בקדש ולא ישאו עון ומתו חקת עולם לו ולזרעו אחריו