¹ ¶ Na profet Ilaisa i singautim wanpela bilong ol pikinini bilong ol profet, na tokim em, Pasim strong ol namel bilong bel bilong yu, na kisim dispela bokis wel long han bilong yu, na go long Ramot-gileat

² Na taim yu kam long dispela hap, painim long dispela hap Jehu, pikinini man bilong Jehosafat, pikinini man bilong Nimsi, na go insait, na mekim em kirap long namel bilong ol brata bilong em, na karim em i go long wanpela rum insait.

³ Nau kisim dispela bokis wel, na kapsaitim dispela antap long het bilong em, na tok, BIKPELA i tok olsem, Mi bin makim yu king long bosim Isrel. Nau opim dua, na ranawe, na yu no ken stap yet.

⁴ Olsem na dispela yangpela man, yes, dispela yangpela man dispela profet, i go long Ramot-gileat.

⁵ Na taim em i kam, lukim, ol kepten bilong ami i sindaun. Na em i tok, Mi gat wanpela wok long yu, O kepten. Na Jehu i tok, Long husat namel long mipela olgeta? Na em i tok, Long yu, O kepten.

⁶ Na em i kirap, na go insait long haus. Na em i kapsaitim wel antap long het bilong em, na tokim em, God BIKPELA bilong Isrel, i tok olsem, Mi bin makim yu king long bosim ol manmeri bilong BIKPELA, yes, long bosim Isrel.

⁷ Na yu bai paitim hauslain bilong Ehap, bikman bilong yu, inap long Mi ken bekim pe nogut long blut bilong ol wokboi bilong Mi ol profet, na blut bilong olgeta wokboi bilong BIKPELA, long han bilong Jesebel.

⁸ Long wanem, hauslain olgeta bilong Ehap bai dai olgeta. Na Mi bai rausim olgeta long Ehap em husat i save pispis long banis, na em husat i pas na i stap yet long Isrel.

⁹ Na Mi bai mekim hauslain bilong Ehap wankain olsem hauslain bilong Jeroboam, pikinini man bilong Nibat, na wankain olsem hauslain bilong Beasa, pikinini man bilong Ahaisa.

¹⁰ Na ol dok bai kaikai Jesebel long hap skel bilong Jesril, na bai i no gat wanpela long planim em. Na em i opim dua, na ranawe.

¹¹ ¶ Nau Jehu i kam ausait long ol wokboi bilong bikman bilong em. Na wanpela i tokim em, Olgeta samting i orait? Olsem wanem na dispela longlong man i kam long yu? Na em i tokim ol, Yupela save long dispela man, na toktok bilong em.

¹² Na ol i tok, Em i giaman samting. Tokim mipela nau. Na em i tok, Olsem na olsem em i toktok long mi, i spik, BIKPELA i tok olsem, Mi bin makim yu king long bosim Isrel.

¹³ Nau ol i hariap, na olgeta wan wan man i kisim klos bilong em, na putim dispela aninit long em antap long lata, na winim ol biugel, i spik, Jehu em i king.

¹⁴ Olsem na Jehu, pikinini man bilong Jehosafat, pikinini man bilong Nimsi, i pasim tok hait long birua long Joram. (Nau Joram i bin lukautim gut Ramot-gileat, em na olgeta Isrel, bilong wanem, Hasel, king bilong Siria i stap.

¹⁵ Tasol king Joram i go bek long Jesril long kamap orait long ol dispela bagarap ol lain Siria i bin givim em, taim em i pait wantaim Hasel, king bilong Siria.) Na Jehu i tok, Sapos em i tingting bilong yupela, orait yupela i no ken larim wanpela man go ausait o ranawe long biktaun bilong go tokaut long dispela long Jesril.

¹⁶ ¶ Olsem na Jehu i ran antap long wanpela karis, na go long Jesril. Long wanem, Joram i slip long dispela hap. Na Ehasaia, king bilong Juda, i kam daun long lukim Joram.

¹⁷ Na i gat wanpela wasman i sanap long taua long Jesril, na em i lukim lain ami bilong Jehu taim em i kam, na tok, Mi lukim wanpela lain ami. Na Joram i tok, Kisim wanpela man i ran long hos, na salim em long bungim ol, na larim em tok, Em i bel isi?

¹⁸ Olsem na wanpela i ran antap long hos long bungim em, na tok, King i tok olsem, Em i bel isi? Na Jehu i tok, Yu gat wanem wok wantaim bel isi? Yu tanim na bihainim mi. Na wasman i stori, i spik, Mausman i kamap long ol, tasol em i no kam bek gen.

¹⁹ Nau em i salim i go ausait namba tu man antap long hos, husat i kamap long ol, na tok, King i tok olsem, Em i bel isi? Na Jehu i bekim tok, Yu gat wanem wok wantaim bel isi? Yu tanim na bihainim mi.

²⁰ Na wasman i stori, i spik, Em i kamap, yes, long ol, na em i no kam gen. Na ran bilong karis em i olsem ran bilong Jehu, pikinini man bilong Nimsi. Long wanem, em i ranim karis hariap nogut tru.

²¹ Na Joram i tok, Redim. Na ol i redim karis bilong em. Na Joram, king bilong Isrel, na Ehasaia, king bilong Juda, i go ausait, wan wan long karis bilong em yet, na ol i go ausait klostu long Jehu, na bungim em long dispela hap skel bilong man Jesril Nebot.

²² Na em i kamap olsem, taim Joram i lukim Jehu, long em i tok, Em i bel isi, Jehu? Na em i bekim tok, Wanem bel isi, taim ol pasin pamuk bilong mama bilong yu Jesebel i stap yet olsem na ol poisin pasin bilong em i planti olsem?

²³ Na Joram i tanim tupela han bilong em, na ranawe, na tokim Ehasaia, I gat trik pasin, O Ehasaia.

²⁴ Na Jehu i taitim wanpela banara wantaim olgeta strong bilong em, na paitim Jehoram namel long tupela han bilong em, na spia i go ausait long klok bilong em, na em i go daun isi isi insait long karis bilong em.

²⁵ Nau Jehu i tokim Bitkar, kepten bilong em, Kisim em i go antap, na tromoi em long hap skel bilong bikpela gaden bilong man Jesril Nebot. Long wanem, tingim gen, taim mi na yu i ran wantaim bihain long Ehap, papa bilong em, long BIKPELA i putim dispela hevi antap long em olsem wanem,

²⁶ Tru tumas, Mi bin lukim asde blut bilong Nebot, na blut bilong ol pikinini man bilong em, BIKPELA i tok. Na Mi bai bekim pe long yu long dispela hap, BIKPELA i tok. Olsem na nau, kisim na tromoi em i go long dispela hap graun, bilong bihainim tok bilong BIKPELA.

²⁷ Tasol taim Ehasaia, king bilong Juda, i lukim dispela, em i ranawe long rot bilong haus gaden. Na Jehu i bihainim em, na tok, Paitim em tu long karis. Na ol i mekim olsem long hap i go antap long Gur, dispela i klostu long Ipleam. Na em i ranawe i go long Megido, na dai pinis long dispela hap.

²⁸ Na ol wokboi bilong em i karim em insait long wanpela karis i go long Jerusalem, na planim em long matmat bilong em wantaim ol tumbuna papa bilong em long biktaun bilong Devit.

²⁹ Na long namba 11 yia bilong Joram, pikinini man bilong Ehap, Ehasaia i stat long bosim kingdom long Juda.

³⁰ ¶ Na taim Jehu i kam long Jesril, Jesebel i harim stori long dispela. Na em i penim pes bilong em, na bilasim het bilong em, na lukluk i go ausait long wanpela windo.

³¹ Na taim Jehu i wok long kam insait long dua bilong banis, meri i tok, Ating Simri i gat bel isi, husat i kilim i dai bikman bilong em?

³² Na man i apim pes bilong em long dispela windo, na tok, Husat i stap long sait bilong mi? Husat? Na i gat tupela o tripela yunik husat i lukluk long em i kam ausait.

³³ Na em i tok, Tromoi em i kam daun. Olsem na ol i tromoi em i kam daun. Na sampela blut bilong em i sut i go isi isi long banis, na antap long ol hos. Na em i krungutim em aninit long fut.

³⁴ Na taim em i kam insait, em i bin kaikai na dring, na tok, Go, lukluk nau long dispela meri nogut tru, na planim em. Long wanem, em i pikinini meri bilong wanpela king.

³⁵ Na ol i go long planim em. Tasol ol i no lukim hap moa bilong em , bun bilong het, na tupela fut, na ol insait bilong tupela han bilong em tasol.

³⁶ Olsem na ol i kam gen, na tokim em. Na em i tok, Dispela em i tok bilong BIKPELA, dispela Em i toktok long maus bilong wokboi bilong Em, man Tisbe Ilaija, i spik, Long dispela hap skel bilong Jesril ol dok bai kaikai mit bilong Jesebel.

³⁷ Na daibodi bilong Jesebel bai stap olsem pekpek antap long pes bilong ples kunai long hap skel bilong Jesril, inap long ol bai i no inap tok, Dispela em i Jesebel.