¹ ¶ Na ol pikinini bilong Isrel i mekim pasin nogut long ai bilong BIKPELA. Na BIKPELA i givim ol i go long han bilong ol lain Midian sevenpela yia.

² Na han bilong Midian i winim Isrel. Na bikos ol i pretim ol lain Midian, ol pikinini bilong Isrel i wokim ol rum, dispela i stap insait long ol maunten, na ol hul i go insait long ol maunten, na ol strongpela ples hait.

³ Na em i stap olsem, taim Isrel i bin planim kaikai, long ol lain Midian i kam antap, na ol lain Amalek, na ol pikinini bilong hap is, yes, ol i kam antap i birua long ol.

⁴ Na ol i wokim kem i birua long ol, na bagarapim olgeta ol win kaikai bilong graun, inap long yu kamap long Gasa, na ol i no lusim sampela kaikai bilong Isrel, o sipsip, o bulmakau man, o donki.

⁵ Long wanem, ol i kam antap wantaim ol bulmakau samting bilong ol na ol haus sel bilong ol, na ol i kam olsem ol grasop, long wanem, ol i planti tru. Long wanem, ol na ol kemel bilong ol wantaim i no gat namba. Na ol i go insait long dispela hap graun long bagarapim dispela olgeta.

⁶ Na Isrel i kamap rabis tru bikos ol lain Midian i bagarapim ol. Na ol pikinini bilong Isrel i krai i go long BIKPELA.

⁷ ¶ Na em i kamap olsem, taim ol pikinini bilong Isrel i krai i go long BIKPELA bikos ol lain Midian i bagarapim ol,

⁸ Long BIKPELA i salim wanpela profet i go long ol pikinini bilong Isrel, husat i tokim ol, God BIKPELA bilong Isrel i tok olsem, Mi bringim yupela i lusim Isip i kam antap, na bringim yupela i kam ausait long haus bilong kalabus.

⁹ Na Mi kisim bek yupela ausait long han bilong ol lain Isip, na ausait long han bilong olgeta husat i givim hevi long yupela, na ranim ol i go ausait long ai bilong yupela, na givim yupela hap bilong ol.

¹⁰ Na Mi tokim yupela, Mi stap BIKPELA, God bilong yupela. No ken pretim ol god bilong ol lain Amor, husat yupela i stap long hap bilong ol. Tasol yupela no bin bihainim nek bilong Mi.

¹¹ ¶ Na i gat wanpela ensel bilong BIKPELA i kam, na sindaun aninit long wanpela ok, dispela i stap long Ofra, dispela i bilong man Abieser Joas. Na pikinini man bilong em Gidion i klinim wit klostu long masin bilong krungutim wain, long haitim dispela long ol lain Midian.

¹² Na ensel bilong BIKPELA i kamap ples klia long em, na tokim em, BIKPELA i stap wantaim yu, yu strongpela man bilong pait.

¹³ Na Gidion i tokim Em, O, Bikpela bilong mi, sapos BIKPELA i stap wantaim mipela, bilong wanem nau olgeta dispela em i pundaun long mipela? Na olgeta mirakel bilong Em i stap we, dispela ol tumbuna papa bilong mipela i stori long mipela long en, i spik, Ating i yes long BIKPELA i bringim mipela i kam ausait long Isip? Tasol nau BIKPELA i bin givim baksait long mipela, na givim mipela i go long han bilong ol lain Midian.

¹⁴ Na BIKPELA i lukluk long em, na tok, Go long dispela strong bilong yu, na yu bai kisim bek Isrel long han bilong ol lain Midian. Ating i yes long Mi salim yu?

¹⁵ Na em i tokim Em, O Bikpela bilong mi, mi bai kisim bek Isrel wantaim wanem samting? Lukim, hauslain bilong mi em i rabis lain long Manasa, na Mi stap las insait long hauslain bilong papa bilong mi.

¹⁶ Na BIKPELA i tokim em, Tru tumas, Mi bai stap wantaim yu, na yu bai paitim ol lain Midian olsem wanpela man.

¹⁷ Na em i tokim Em, Sapos nau mi bin painim pinis marimari long ai bilong Yu, orait soim mi wanpela mak long Yu toktok wantaim mi.

¹⁸ No ken lusim hia, mi askim Yu plis, inap long mi kam long Yu, na bringim i kam ausait presen bilong mi, na putim dispela long ai bilong Yu. Na Em i tok, Mi bai stap yet inap long yu kam gen.

¹⁹ Na Gidion i go insait, na redim wanpela pikinini meme, na ol kek i no gat yis bilong wanpela ifa plaua. Na abus em i putim long wanpela basket, na em i putim sup long wanpela sospen, na bringim dispela ausait i go long Em aninit long ok, na givim dispela long Em.

²⁰ Na ensel bilong God i tokim em, Kisim abus na ol kek i no gat yis, na slipim ol antap long dispela ston, na kapsaitim sup. Na em i mekim olsem.

²¹ Nau ensel bilong BIKPELA i putim i go ausait arere bilong dispela stik wokabaut i stap long han bilong Em, na tasim abus na ol kek i no gat yis. Na i gat wanpela paia i kirap i kam ausait long ston, na kaikai olgeta dispela abus na ol kek i no gat yis. Nau ensel bilong BIKPELA i go ausait long hap em i inap long lukim.

²² Na taim Gidion i kisim save long em i wanpela ensel bilong BIKPELA, Gidion i tok, Sori tru, O GOD Bikpela! Long wanem, bikos mi bin lukim wanpela ensel bilong BIKPELA pes i go long pes.

²³ Na BIKPELA i tokim em, Bel isi i stap wantaim yu. No ken pret, bai yu no inap dai.

²⁴ Nau Gidion i wokim wanpela alta long dispela hap i go long BIKPELA, na kolim dispela Jehova-salom. I kam inap long tude em i stap yet long Ofra bilong ol lain Abieser.

²⁵ ¶ Na em i kamap olsem long dispela nait stret, long BIKPELA i tokim em, Kisim yangpela bulmakau man bilong papa bilong yu, yes, namba tu bulmakau man i gat sevenpela krismas, na tromoi i go daun dispela alta bilong Beal papa bilong yu i gat, na katim i go daun dispela lain diwai i stap klostu long en.

²⁶ Na wokim wanpela alta i go long BIKPELA, God bilong yu, antap long dispela ston, long ples i lain gut, na kisim namba tu bulmakau man, na ofaim wanpela sakrifais i kuk olgeta wantaim ol diwai bilong dispela lain diwai yu bai katim i go daun.

²⁷ Nau Gidion i kisim tenpela man bilong ol wokboi bilong em, na mekim olsem BIKPELA i bin tokim em. Na em i stap olsem, bikos em i pretim hauslain bilong papa bilong em, na ol man bilong biktaun, long em i no inap wokim dispela long san, long em i mekim dispela long nait.

²⁸ Na taim ol man bilong biktaun i kirap long moning tru, lukim, alta bilong Beal ol i tromoi i go daun pinis, na ol i katim i go daun pinis dispela lain diwai i stap klostu long en, na namba tu bulmakau man ol i ofaim pinis antap long alta ol i wokim.

²⁹ Na ol i tok wanpela i go long narapela, Husat i mekim dispela samting? Na taim ol i askim nabaut na askim, ol i tok, Gidion, pikinini man bilong Joas, i bin mekim dispela samting.

³⁰ Nau ol man bilong biktaun i tokim Joas, Bringim pikinini man bilong yu i kam ausait, inap long em i ken dai. Bilong wanem, em i bin tromoi alta bilong Beal i go daun, na bilong wanem, em i bin katim i go daun dispela lain diwai i stap klostu long en.

³¹ Na Joas i tokim olgeta husat i sanap birua long em, Ating yupela bai toktok wantaim strongpela askim bilong helpim Beal, a? Ating yupela bai kisim bek em, a? Man husat i laik toktok wantaim strongpela askim bilong helpim em, larim ol i mekim em i dai taim em i stap moning yet. Sapos em i wanpela god, larim em i toktok wantaim strongpela askim bilong helpim em yet, bilong wanem, wanpela i bin tromoi alta bilong em i go daun.

³² Olsem na long dispela de em i kolim em Jerubeal, i spik, Larim Beal i toktok wantaim strongpela askim i birua long em, bilong wanem, em i bin tromoi i go daun alta bilong em.

³³ ¶ Nau olgeta lain Midian na ol lain Amalek na ol pikinini bilong hap is i bung wantaim, na go hapsait, na sanapim haus sel long ples daun bilong Jesril.

³⁴ Tasol Spirit bilong BIKPELA i kam antap long Gidion, na em i winim wanpela biugel. Na Abieser i bung bihainim em.

³⁵ Na em i salim ol mausman i go long olgeta hap bilong Manasa, husat tu i bung bihainim em. Na em i salim ol mausman i go long Aser, na i go long Sebyulan, na i go long Naptalai. Na ol i kam antap long bungim ol.

³⁶ Na Gidion i tokim God, Sapos Yu bai kisim bek Isrel long han bilong mi, olsem Yu bin tok,

³⁷ Lukim, mi bai putim wanpela hap gras bilong sipsip long plua. Na sapos wara bilong nait i stap antap long hap gras bilong sipsip tasol, na em i drai long olgeta graun klostu, orait bai mi save long Yu bai kisim bek Isrel long han bilong mi, olsem Yu bin tok.