¹ ¶ Na ol pikinini bilong Isrel i mekim pasin nogut gen long ai bilong BIKPELA, taim Ihut i dai pinis.

² Na BIKPELA i salim ol olsem kago i go long han bilong Jebin, king bilong Kenan, husat i bosim kingdom long Hesor, husat kepten bilong ami bilong em em Sisera, husat i stap long Haroset bilong ol man i no Ju.

³ Na ol pikinini bilong Isrel i krai long BIKPELA. Long wanem, em i gat 900 karis ain. Na 20 yia em i givim hevi long ol pikinini bilong Isrel wantaim pawa.

⁴ ¶ Na Debora, wanpela profet meri, meri bilong Lapidot, em i jasim Isrel long dispela taim.

⁵ Na em i stap aninit long diwai palmen bilong Debora namel long Rama na Betel long maunten Ifraim. Na ol pikinini bilong Isrel i kam antap long em bilong kot.

⁶ Na em i salim tok na singautim Barak, pikinini man bilong Abinoam, ausait long Kedes-naptalai, na tokim em, Ating i yes long God BIKPELA bilong Isrel i bin tok strong, i spik, Go na wok long go long maunten Tabor, na kisim wantaim yu 10,000 man bilong ol pikinini bilong Naptalai na bilong ol pikinini bilong Sebyulan?

⁷ Na Mi bai pulim i kam long yu, long wara Kison, Sisera, kepten bilong ami bilong Jebin, wantaim ol karis bilong em na planti lain tru bilong em. Na Mi bai givim em i go long han bilong yu.

⁸ Na Barak i tokim em, Sapos yu laik go wantaim mi, orait mi bai go. Tasol sapos yu no gat laik long go wantaim mi, orait bai mi no inap go.

⁹ Na meri i tok, Tru tumas, mi bai go wantaim yu. Tasol dispela wokabaut yu wokim bai i no inap stap bilong givim ona long yu. Long wanem, BIKPELA bai salim Sisera olsem kago i go long han bilong wanpela meri. Na Debora i kirap, na go wantaim Barak long Kedes.

¹⁰ ¶ Na Barak i singautim Sebyulan na Naptalai long kam long Kedes. Na em i go antap wantaim 10,000 man long lek bilong em. Na Debora i go antap wantaim em.

¹¹ Nau man Ken Heber, husat em i bilong ol pikinini bilong Hobap, tambu papa bilong Moses, i bin brukim em yet long ol lain Ken, na sanapim haus sel bilong em long ples stret bilong Seanaim, dispela i klostu long Kedes.

¹² Na ol i soim Sisera long Barak, pikinini man bilong Abinoam, i go antap pinis long maunten Tabor.

¹³ Na Sisera i bungim olgeta karis bilong em wantaim, yes, 900 karis ain, na olgeta manmeri husat i stap wantaim em, i stat long Haroset bilong ol man i no Ju i go inap long riva bilong Kison.

¹⁴ Na Debora i tokim Barak, Kirap. Long wanem, dispela em i dispela de BIKPELA i bin givim Sisera i go long han bilong yu. Ating i yes long BIKPELA i go ausait long ai bilong yu? Olsem na Barak i go daun i lusim maunten Tebor, na 10,000 man bihain long em.

¹⁵ Na BIKPELA i bagarapim Sisera olgeta na olgeta karis bilong em, na olgeta ami bilong em, wantaim sap bilong bainat long ai bilong Barak, inap long Sisera i lusim karis bilong em i go daun, na ranawe i go long tupela lek bilong em.

¹⁶ Tasol Barak i ran bihainim ol karis, na bihainim ami, i go inap long Haroset bilong ol man i no Ju. Na olgeta ami bilong Sisera i pundaun antap long sap bilong bainat. Na i no gat wanpela man i stap yet.

¹⁷ ¶ Tasol Sisera i ranawe i go long tupela lek bilong em long haus sel bilong Jel, meri bilong man Ken Heber. Long wanem, i gat bel isi namel long Jebin, king bilong Hesor, na hauslain bilong man Ken Heber.

¹⁸ Na Jel i go ausait long bungim Sisera, na tokim em, Tanim insait, bikman bilong mi, tanim insait i kam long mi. No ken pret. Na taim em i bin tanim insait i go long em insait long haus sel, meri i karamapim em wantaim wanpela saket.

¹⁹ Na em i tokim meri, Givim mi, mi askim yu plis, liklik hap wara long dring. Long wanem, nek bilong mi i drai. Na em i opim wanpela skin meme i gat susu, na givim dring long em, na karamapim em.

²⁰ Na gen em i tokim meri, Sanap long dua bilong haus sel, na em bai kamap olsem, taim wanpela man i kam na askim long yu, na tok, I gat wanpela man long hia, inap long yu bai tok, Nogat?

²¹ Nau Jel, meri bilong Heber, i kisim wanpela nil bilong haus sel, na kisim hama long han bilong em, na go isi isi long em, na paitim nil i go insait long tupela tempel bilong het bilong em, na pasim strong dispela long graun. Long wanem, em i slip i dai tru na em i pilim les tru. Olsem na em i dai pinis.

²² Na, lukim, taim Barak i ran bihainim Sisera, Jel i kam ausait long bungim em, na tokim em, Kam, na mi bai soim yu dispela man husat yu painim. Na taim em i kam insait long haus sel bilong em, lukim, Sisera i dai pinis na slip long graun, na nil i stap insait long tupela tempel bilong het bilong em.

²³ Olsem tasol God i mekim Jebin, king bilong Kenan, stap aninit long ai bilong ol pikinini bilong Isrel long dispela de.

²⁴ Na han bilong ol pikinini bilong Isrel i kamap gutpela, na winim Jebin, king bilong Kenan, inap long ol i bin bagarapim Jebin, king bilong Kenan, olgeta.