¹ ¶ Na BIKPELA i toktok long Moses na tok,

² Toktok long ol pikinini bilong Isrel na tok, Sapos wanpela tewel bai i no save gut na sin long birua long wanpela samting bilong ol strongpela tok bilong BIKPELA na long ol samting em i no ken mekim na em i mekim samting i birua long wanpela bilong ol,

³ Sapos dispela pris ol i bin makim long wel em i mekim sin bilong bihainim sin bilong dispela manmeri, long dispela taim larim em i bringim, bilong sin bilong em em i bin mekim sin long dispela, wanpela yangpela bulmakau man i no gat wanpela mak nogut long em i kam long BIKPELA bilong i stap wanpela ofa bilong sin.

⁴ Na em i mas bringim dispela bulmakau man i kam long dua bilong haus sel holi bilong bung bilong ol manmeri long pes bilong BIKPELA. Na em i mas putim han bilong em antap long het bilong dispela bulmakau man na kilim i dai dispela bulmakau man long pes bilong BIKPELA.

⁵ Na dispela pris ol i bin makim long wel em i mas kisim sampela bilong ol blut bilong dispela bulmakau man na em i mas bringim dispela long haus sel holi bilong bung bilong ol manmeri.

⁶ Na dispela pris i mas putim pinga bilong em long dispela blut na tromoi isi isi sampela bilong blut sevenpela taim long pes bilong BIKPELA, em long pes bilong dispela laplap bilong ples holi.

⁷ Na pris i mas putim sampela bilong blut antap long ol kom bilong alta bilong switpela smel long pes bilong BIKPELA na dispela i stap insait long haus sel holi bilong bung bilong ol manmeri. Na em i mas kapsaitim olgeta bilong blut bilong dispela bulmakau man long as bilong alta bilong kukim ol ofa, na dispela i stap long dua bilong haus sel holi bilong bung bilong ol manmeri.

⁸ Na em i mas tekewe long em olgeta gris bilong dispela bulmakau man bilong ofa bilong sin, em gris i karamapim ol bel na olgeta gris i stap antap long bel,

⁹ Na tupela namba tri lewa kidni na gris i stap antap long ol, na dispela i stap klostu long ol sait na hap bilong bel ol i kolim kaul i stap antap long namba tu lewa liva wantaim tupela kidni, na em i mas tekewe dispela.

¹⁰ Em olsem pris i bin tekewe dispela long bulmakau man bilong sakrifais bilong ol ofa bilong givim bel isi. Na pris i mas kukim ol antap long alta bilong kukim ol ofa.

¹¹ Na skin bilong bulmakau man na olgeta mit bilong em wantaim het bilong em na wantaim ol lek bilong em na ol bel bilong em na pekpek bilong em,

¹² Em olgeta bilong dispela bulmakau man pris i mas karim dispela ausait long kem long wanpela klinpela ples em ples ol i bin kapsaitim ol sit bilong paia. Na pris i mas kukim bulmakau antap long diwai long paia. Em ples ol i bin kapsaitim ol sit bilong paia pris i mas kukim olgeta dispela bulmakau man.

¹³ ¶ Na sapos olgeta bilong bung bilong ol manmeri bilong Isrel i sin long ol i no bin save, na dispela samting i stap hait long ol ai bilong dispela bung, na ol i bin mekim sampela samting i birua long wanpela bilong ol dispela strongpela tok bilong BIKPELA long ol samting ol i no ken mekim na ol i gat asua long dispela,

¹⁴ Taim ol i save long dispela sin ol i bin mekim na i birua long ol strongpela tok bilong BIKPELA, long dispela taim bung bilong ol manmeri mas ofaim wanpela yangpela bulmakau man bilong dispela sin na bringim em long pes bilong haus sel holi bilong bung bilong ol manmeri.

¹⁵ Na ol lapun hetman bilong dispela bung bilong ol manmeri i mas putim ol han bilong ol antap long het bilong dispela bulmakau man long pes bilong BIKPELA. Na ol i mas kilim i dai dispela bulmakau man long pes bilong BIKPELA.

¹⁶ Na dispela pris i bin kisim mak long wel, em i mas bringim sampela blut bilong bulmakau man long haus sel holi bilong bung bilong ol manmeri.

¹⁷ Na dispela pris i mas putim pinga bilong em long sampela bilong dispela blut na tromoi isi isi dispela sevenpela taim long pes bilong BIKPELA, em long pes bilong laplap.

¹⁸ Na em i mas putim sampela bilong dispela blut antap long ol kom bilong alta i stap long pes bilong BIKPELA, na dispela i stap insait long haus sel holi bilong bung bilong ol manmeri. Na em i mas kapsaitim olgeta blut long as bilong alta bilong kukim ol ofa i stap long dua bilong haus sel holi bilong bung bilong ol manmeri.

¹⁹ Na pris i mas kisim olgeta gris bilong bulmakau na kukim dispela antap long alta.

²⁰ Na pris i mas mekim long dispela bulmakau man olsem em i bin mekim long bulmakau man bilong ofa bilong sin, em i mas mekim olsem long dispela. Na pris i mas mekim ofa bilong karamapim long mekim i kamap wanbel i bilong ol, na BIKPELA bai pogivim ol long dispela sin.

²¹ Na pris i mas karim dispela bulmakau man i go ausait long kem na kukim em olsem em i kukim dispela namba wan bulmakau man. Dispela em i ofa bilong sin bilong dispela bung bilong ol manmeri.

²² ¶ Taim wanpela hetman i bin mekim sin na em i no save tasol em i bin mekim sampela samting i birua long wanpela bilong ol strongpela tok bilong BIKPELA, em God bilong em, long ol samting em i no ken mekim na em i gat asua long dispela,

²³ O sapos em i kisim save long sin bilong em long samting em i mekim sin, em i mas bringim ofa bilong em, em wanpela pikinini man bilong ol meme na em i no gat mak nogut long em.

²⁴ Na em i mas putim han bilong em antap long het bilong dispela meme na kilim em i dai long ples ol i kilim i dai ofa i kuk olgeta long pes bilong BIKPELA. Dispela em i wanpela ofa bilong sin.

²⁵ Na pris i mas kisim sampela bilong blut bilong dispela ofa bilong sin long pinga bilong em na putim dispela antap long ol kom bilong alta bilong kukim ol ofa, na em i mas kapsaitim blut bilong dispela meme long as bilong alta bilong kukim ol ofa.

²⁶ Na pris i mas kukim olgeta gris bilong meme antap long alta, olsem gris bilong dispela sakrifais bilong ol ofa bilong givim bel isi. Na pris i mas mekim ofa bilong karamapim long mekim i kamap wanbel i bilong em long daunim sin bilong em na BIKPELA bai pogivim em long dispela.

²⁷ ¶ Na sapos wanpela bilong ol manmeri i no gat namba i no save na mekim sin taim em i mekim sampela samting i birua long wanpela bilong ol strongpela tok bilong BIKPELA long ol samting em i no ken mekim na em i gat asua long dispela,

²⁸ O sapos em i kisim save long sin bilong em, em i bin mekim, long dispela taim em i mas bringim ofa bilong em, em wanpela pikinini meri bilong ol meme na em i no gat mak nogut, na dispela em i bilong sin bilong em i bin mekim.

²⁹ Na em i mas putim han bilong em antap long het bilong dispela ofa bilong sin na kilim i dai dispela ofa bilong sin long ples bilong kukim ofa.

³⁰ Na pris i mas kisim sampela bilong blut bilong dispela long pinga bilong em na putim dispela antap long ol kom bilong alta bilong kukim ofa, na em i mas kapsaitim olgeta blut bilong em long as bilong alta.

³¹ Na em i mas tekewe olgeta gris bilong dispela olsem ol i tekewe gris bilong dispela sakrifais bilong ol ofa bilong givim bel isi, na pris i mas kukim dispela antap long alta bilong wanpela switpela smel i go long BIKPELA. Na pris i mas mekim ofa bilong karamapim long mekim i kamap wanbel i bilong em. Na BIKPELA bai pogivim em long dispela.

³² Na sapos em i bringim wanpela pikinini sipsip bilong wanpela ofa bilong sin, em i mas bringim wanpela i meri na i no gat wanpela mak nogut long em.

³³ Na em i mas putim han bilong em antap long het bilong dispela ofa bilong sin na kilim i dai dispela bilong i stap wanpela ofa bilong sin long ples ol i kilim i dai ofa bilong kuk olgeta.

³⁴ Na pris i mas kisim sampela bilong blut bilong dispela ofa bilong sin long pinga bilong em na putim dispela antap long ol kom bilong alta bilong kukim ofa. Na em i mas kapsaitim olgeta blut bilong dispela long as bilong alta.

³⁵ Na em i mas tekewe olgeta gris bilong dispela, olsem em i tekewe gris bilong pikinini sipsip i sakrifais bilong i stap ofa bilong givim bel isi. Na pris i mas kukim ol antap long alta bilong bihainim ol ofa em i mekim long paia na i go long BIKPELA. Na pris i mas mekim ofa bilong karamapim long mekim i kamap wanbel i bilong sin bilong em, em i bin mekim, na BIKPELA bai pogivim em long dispela.