¹ ¶ Na BIKPELA i tokim Moses, i spik,

² Tok strong long ol pikinini bilong Isrel, na tokim ol, Taim yupela i kam long hap bilong Kenan, (dispela em i dispela hap bai pundaun i go long yupela bilong wanpela samting papa i givim pikinini, yes, hap bilong Kenan wantaim ol arere bilong en,)

³ Orait hap saut graun bilong yupela bai stat long ples i no gat man bilong Sin i klostu long arere bilong Idom, na hap saut arere bilong yupela bai stap las hap arere bilong biksi sol i go long hap is.

⁴ Na arere bilong yupela bai tanim i lusim hap saut i go long antap bilong Akrabim, na ran i go inap long Sin. Na go ausait bilong en bai stat long hap saut i go long Kedes-bania, na bai go yet long Hasar-adar, na go yet long Asmon.

⁵ Na arere bai raunim hap i stat long Asmon i go inap long riva bilong Isip, na ol go ausait bilong en bai stap long biksi.

⁶ Na long sait bilong hap arere bilong hap wes, yes, yupela bai gat bikpela biksi bilong wanpela arere. Dispela bai stap arere bilong hap wes bilong yupela.

⁷ Na dispela bai stap arere bilong yupela long hap not. I stat long bikpela biksi, yupela bai makim maunten Hor long yupela.

⁸ I stat long maunten Hor yupela bai makim hap arere bilong yupela i go long dua bilong Hemat. Na go ausait bilong dispela arere bai go long Sedat.

⁹ Na arere bai go yet long Sifron, na ol go ausait bilong en bai stap long Hasar-enan. Dispela bai stap hap arere not bilong yupela.

¹⁰ Na yupela bai makim hap is arere bilong yupela i stat long Hasar-enan i go long Sefam.

¹¹ Na arere bai go daun i lusim Sefam i go long Ripla, long is sait bilong Ain. Na arere bai go daun, na bai go inap long sait bilong biksi bilong Kineret long hap is.

¹² Na arere bai go daun long Jordan, na ol go ausait bilong en bai stap long biksi sol. Dispela bai stap hap bilong yupela wantaim ol arere bilong en raun nabaut.

¹³ Na Moses i tok strong long ol pikinini bilong Isrel, i spik, Dispela em i dispela hap yupela bai kisim olsem samting papa i givim pikinini long satu, dispela BIKPELA i tok strong bilong givim i go long nainpela lain, na long hap lain.

¹⁴ Long wanem, lain bilong ol pikinini bilong Ruben bilong bihainim hauslain bilong ol tumbuna papa bilong ol, na lain bilong ol pikinini bilong Gat bilong bihainim hauslain bilong ol papa bilong ol, i bin kisim pinis samting papa i givim pikinini bilong ol. Na hap lain bilong Manasa i bin kisim samting tumbuna papa i givim pikinini bilong ol.

¹⁵ Dispela tupela lain na hap lain i bin kisim pinis samting papa i givim pikinini bilong ol long dispela sait Jordan klostu long Jeriko i go long hap is, i go long hap san i kam antap.

¹⁶ ¶ Na BIKPELA i tokim Moses, i spik,

¹⁷ Ol dispela em i ol nem bilong ol man husat bai brukim dispela hap long yupela, pris Eleasar, na Josua, pikinini man bilong Nun.

¹⁸ Na yupela bai kisim wanpela hetman bilong olgeta wan wan lain, long brukim dispela hap long samting papa i givim pikinini.

¹⁹ Na ol nem bilong ol man em i dispela. Bilong lain bilong Juda, Kelep, pikinini man bilong Jefune.

²⁰ Na bilong lain bilong ol pikinini bilong Simion, Semyuel, pikinini man bilong Amihut.

²¹ Bilong lain bilong Benjamin, Elidat, pikinini man bilong Kislon.

²² Na hetman bilong lain bilong ol pikinini bilong Dan, Buki, pikinini man bilong Jokli.

²³ Hetman bilong ol pikinini bilong Josep, bilong lain bilong ol pikinini bilong Manasa, Haniel, pikinini man bilong Ifot.

²⁴ Na hetman bilong lain bilong ol pikinini bilong Ifraim, Kemyuel, pikinini man bilong Siftan.

²⁵ Na hetman bilong lain bilong ol pikinini bilong Sebyulan, Elisafan, pikinini man bilong Parnak.

²⁶ Na hetman bilong lain bilong ol pikinini bilong Isakar, Paltiel, pikinini man bilong Asan.

²⁷ Na hetman bilong lain bilong ol pikinini bilong Aser, Ahihut, pikinini man bilong Selomi.

²⁸ Na hetman bilong lain bilong ol pikinini bilong Naptalai, Pedahel, pikinini man bilong Amihut.

²⁹ Ol dispela em i ol husat BIKPELA i tok strong long brukim samting papa i givim pikinini i go long ol pikinini bilong Isrel long hap bilong Kenan.