¹ ¶ Na Belam i tokim Belak, Wokim bilong mi hia sevenpela alta, na redim bilong mi hia sevenpela bulmakau man na sevenpela meme man.

² Na Belak i mekim olsem Belam i bin toktok. Na Belak na Belam i ofaim long olgeta wan wan alta wanpela bulmakau man na wanpela sipsip man.

³ Na Belam i tokim Belak, Sanap klostu long ofa i kuk olgeta bilong yu, na mi bai go. Sapos i gat sans long BIKPELA bai kam long bungim mi. Na wanem samting Em i soim mi mi bai tokim yu. Na em i go long wanpela ples antap.

⁴ Na God i bungim Belam. Na em i tokim Em, Mi bin redim sevenpela alta. Na mi bin ofaim antap long olgeta wan wan alta wanpela bulmakau man na wanpela sipsip man.

⁵ Na BIKPELA i putim wanpela tok insait long maus bilong Belam, na tok, Go bek long Belak, na yu bai toktok olsem.

⁶ Na em i go bek long em, na, harim, em i sanap klostu long sakrifais i kuk olgeta bilong em, em, na olgeta hetman bilong Moap.

⁷ Na em i kisim i go antap tok piksa bilong em, na tok, Belak, king bilong Moap, i bin bringim mi i lusim Aram, ausait long ol maunten bilong hap is, i spik, Kam, toknogutim Jekop bilong helpim mi, na kam, duim Isrel.

⁸ Mi bai toknogutim em husat God i no bin toknogutim olsem wanem? O mi bai duim em husat BIKPELA i no bin duim olsem wanem?

⁹ Long wanem, long antap bilong ol ston mi lukim em, na long antap bilong ol liklik maunten mi lukim em. Harim, ol manmeri bai stap wanpis, na ol bai i no inap kaunim ol namel long ol kantri.

¹⁰ Husat i ken kaunim das bilong Jekop, na namba bilong namba foa hap bilong Isrel? Larim mi dai long dai bilong ol stretpela man, na larim pinis bilong mi i stap olsem em!

¹¹ Na Belak i tokim Belam, Yu bin mekim wanem long mi? Mi kisim yu bilong toknogutim ol birua bilong mi, na, lukim, Yu bin blesim ol olgeta.

¹² Na em i bekim na tok, Ating i yes long mi mas was gut long toktok long dispela samting BIKPELA i bin putim insait long maus bilong mi, a?

¹³ ¶ Na Belak i tokim em, Kam, mi askim yu plis, wantaim mi i go long narapela ples, we long en yu ken lukim ol. Yu bai lukim las hap bilong ol tasol, na yu no ken lukim ol olgeta. Na toknogutim ol bilong helpim mi long dispela ples.

¹⁴ Na em i bringim em i go long ples kunai bilong Sofim, long antap bilong Pisga, na em i wokim sevenpela alta, na ofaim wanpela bulmakau man na wanpela sipsip man antap long olgeta wan wan alta.

¹⁵ Na em i tokim Belak, Sanap hia klostu long ofa i kuk olgeta bilong yu, taim mi bungim BIKPELA long hap.

¹⁶ Na BIKPELA i bungim Belam, na putim wanpela tok insait long maus bilong em, na tok, Go gen long Belak, na tok olsem.

¹⁷ Na taim em i kamap long em, lukim, em i sanap klostu long ofa i kuk olgeta bilong em, na ol hetman bilong Moap wantaim em. Na Belak i tokim em, BIKPELA i bin toktok wanem?

¹⁸ Na em i kisim i go antap tok piksa bilong em, na tok, Kirap, Belak, na harim. Harim long mi, yu pikinini man bilong Sipor.

¹⁹ God i no wanpela man, inap long Em i ken giaman. Na tu Em i no pikinini man bilong man, inap long Em i mas tanim bel. Em i bin tok, na ating i yes long Em bai mekim? O ating Em i bin toktok, na i yes long Em bai mekim dispela i gutpela?

²⁰ Lukim, mi bin kisim tok strong long blesim. Na Em i bin blesim. Na mi no inap tanim dispela i go bek.

²¹ Em i no bin lukim sin nogut insait long Jekop, na tu Em i no bin lukim pasin paul insait long Isrel. BIKPELA, God bilong em, em i stap wantaim em, na singaut bilong wanpela king i stap namel long ol.

²² God i bringim ol ausait long Isip. Em i gat strong i samting olsem strong bilong wail abus i gat wanpela kom.

²³ Tru tumas, i no gat poisin i ken birua long Jekop, na tu i no gat wanpela glasman pasin i ken birua long Isrel. Bilong bihainim dispela taim ol bai tok olsem long Jekop na long Isrel, God i bin wokim wanem!

²⁴ Lukim, dispela lain manmeri bai kirap olsem wanpela bikpela laion, na litimapim em yet olsem wanpela yangpela laion. Em bai i no inap slipim bodi inap long em i kaikai long prais bilong pait, na dringim blut bilong dispela em i kilim i dai.

²⁵ Na Belak i tokim Belam, No ken toknogutim ol liklik, o blesim ol liklik.

²⁶ Tasol Belam i bekim na tokim Belak, Ating i yes long mi tokim yu, i spik, Olgeta samting BIKPELA i toktok, dispela mi mas mekim?

²⁷ Na Belak i tokim Belam, Kam, mi askim yu plis, mi bai bringim yu long narapela ples. Sapos i gat sans long em bai amamasim bel bilong God long yu ken toknogutim ol bilong helpim mi long dispela ples.

²⁸ Na Belak i bringim Belam i go long antap bilong Pior, dispela i lukluk i go long Jesimon.

²⁹ Na Belam i tokim Belak, Wokim bilong mi hia sevenpela alta. Na redim bilong mi hia sevenpela bulmakau man na sevenpela sipsip man.

³⁰ Na Belak i mekim olsem Belam i bin tok, na ofaim wanpela bulmakau man na wanpela sipsip man long olgeta wan wan alta.