¹ ¶ Na BIKPELA i tokim Moses, i spik,

² Toktok long ol pikinini bilong Isrel, na tokim ol, Taim wanpela man o meri bai brukim ol yet long wokim wanpela strongpela promis bilong wanpela Nasarait, long brukim ol yet i go long BIKPELA,

³ Em bai brukim em yet long wain na strongpela dring, na em bai i no inap dringim vinega bilong wain, o vinega bilong strongpela dring. Na tu bai em i no inap liklik long dringim strongpela wara bilong ol pikinini wain, o kaikai pikinini wain i gat wara, o i drai.

⁴ Olgeta de bilong bruk bilong em bai em i no inap kaikai wanpela samting ol i wokim long diwai wain, i stat long insait bilong wain, yes, i go long skin.

⁵ Olgeta de bilong strongpela promis bilong bruk bilong em bai i no gat wanpela resa i kam antap long het bilong em. Inap long ol de bilong em em i inap pinis, long ol dispela em i brukim em yet i go long BIKPELA, em bai stap holi, na bai em i larim ol rop bilong gras bilong het bilong em i go longpela.

⁶ Olgeta de long em i brukim em yet i go long BIKPELA em bai i no inap i kam klostu long wanpela daibodi.

⁷ Em no ken mekim em yet doti long papa bilong em, o long mama bilong em, long brata bilong em, o long susa bilong em, taim ol i dai. Bilong wanem, mekim i kamap holi bilong God bilong em em i stap antap long het bilong em.

⁸ Olgeta de bilong bruk bilong em em i holi i go long BIKPELA.

⁹ Na sapos wanpela man i dai wantu tru long han bilong em, na em i bin mekim doti het bilong mekim i kamap holi bilong em, orait em bai sevim het bilong em long dispela de bilong em bilong kamap klin. Long namba seven de em bai sevim dispela.

¹⁰ Na long namba et de em bai bringim tupela balus, o tupela yangpela balus pidgin, long pris, long dua bilong haus sel holi bilong bung bilong ol manmeri.

¹¹ Na pris bai ofaim wanpela bilong wanpela ofa bilong sin, na arapela bilong wanpela ofa i kuk olgeta, na wokim wanpela karamapim long mekim i kamap wanbel long em, long wanem, long em i mekim sin long daibodi, na em bai mekim het bilong em holi olgeta long dispela de stret.

¹² Na em bai mekim i kamap holi i go long BIKPELA ol de bilong bruk bilong em, na em bai bringim wanpela pikinini sipsip bilong namba wan yia long wanpela ofa bilong sakim lo. Tasol ol dispela de i stap bipo bai lus, bilong wanem, pasin bruk bilong em i kamap doti.

¹³ Na dispela em i lo bilong Nasarait, taim ol de bilong bruk bilong em i kamap inap pinis. Ol bai bringim em i kam long dua bilong haus sel holi bilong bung bilong ol manmeri.

¹⁴ Na em bai ofaim i go long BIKPELA, wanpela pikinini sipsip man bilong namba wan yia i no gat mak nogut bilong wanpela ofa i kuk olgeta, na wanpela pikinini sipsip meri bilong namba wan yia i no gat mak nogut bilong wanpela ofa bilong sin, na wanpela sipsip man i no gat mak nogut bilong wanpela ofa bilong givim bel isi,

¹⁵ Na wanpela basket bilong bret i no gat yis, ol kek bilong naispela plaua i bung wantaim wel, na ol liklik hap bilong bret i no gat yis ol i makim wantaim wel, na ol ofa bilong kaikai bilong ol, na ol ofa bilong dring bilong ol.

¹⁶ Na pris bai bringim ol long ai bilong BIKPELA, na em bai ofaim ofa bilong sin bilong em, na ofa i kuk olgeta bilong em.

¹⁷ Na em bai ofaim meme man bilong wanpela sakrifais bilong ol ofa bilong givim bel isi i go long BIKPELA, wantaim basket bret i no gat yis. Pris bai ofaim tu ofa bilong kaikai bilong em, na ofa bilong dring bilong em.

¹⁸ Na dispela Nasarait bai sevim het bilong bruk bilong em long dua bilong haus sel holi bilong bung bilong ol manmeri, na em bai kisim gras bilong het bilong bruk bilong em, na putim dispela insait long paia, dispela i stap aninit long sakrifais bilong ol ofa bilong givim bel isi.

¹⁹ Na pris bai kisim sol bilong han bilong meme man ol i boilim, na wanpela kek i no gat yis ausait long basket, na wanpela liklik hap bret i no gat yis, na ol bai putim ol antap long ol han bilong dispela Nasarait, bihain long gras bilong bruk bilong em em i sevim pinis.

²⁰ Na pris bai mekim ol i go i kam bilong wanpela ofa bilong i go i kam long ai bilong BIKPELA. Dispela em i holi bilong pris, wantaim bros i go i kam na sol bilong han bilong tromoi. Na bihain long dispela, Nasarait i ken dringim wain.

²¹ Dispela em i lo bilong Nasarait husat bin wokim strongpela promis, na bilong ofa bilong em i go long BIKPELA bilong bruk bilong em, i no kaunim dispela samting han bilong em bai kisim. Bilong bihainim strongpela promis, dispela em i wokim, olsem tasol em i mas mekim i bihainim lo bilong bruk bilong em.

²² ¶ Na BIKPELA i tokim Moses i spik,

²³ Toktok long Eron na ol pikinini man bilong em, i spik, Long dispela pasin yupela bai blesim ol pikinini bilong Isrel, i spik i go long ol,

²⁴ BIKPELA i ken blesim yu, na holimpas yu.

²⁵ BIKPELA i ken mekim pes bilong Em long lait tru antap long yu, na soim marimari long yu.

²⁶ BIKPELA i ken litimapim pes bilong Em i go long yu, na givim yu bel isi.

²⁷ Na ol bai putim nem bilong Mi antap long ol pikinini bilong Isrel. Na Mi bai blesim ol.