¹ ¶ Na Neomi i gat wanpela kandre bilong man bilong em, wanpela strongpela man bilong bikpela mani samting, bilong famili bilong Elimelek. Na nem bilong en em Boas.

² Na meri Moap Rut i tokim Neomi, Larim mi go nau long bikpela gaden, na mumutim las hap bilong ol ia bilong bali bihain long em husat mi bai painim pinis marimari long ai bilong em. Na em i tokim em, Go, pikinini meri bilong mi.

³ Na em i go, na kamap, na mumutim las hap bilong kaikai long bikpela gaden bihain long ol man bilong kamautim kaikai. Na hap bilong em em bilong kamap long wanpela hap bilong bikpela gaden i bilong Boas, husat i kandre bilong Elimelek.

⁴ ¶ Na, lukim, Boas i lusim Betlehem i kam, na tokim ol man bilong kamautim kaikai, BIKPELA i ken stap wantaim yupela. Na ol i bekim tok long em, BIKPELA i ken blesim yu.

⁵ Nau Boas i askim wokboi bilong em husat em i putim long bosim ol man bilong kamautim kaikai, Dispela yangpela meri em i bilong husat?

⁶ Na wokboi husat em i putim long bosim ol man bilong kamautim kaikai i bekim na tok, Em i dispela yangpela meri Moap husat i kam bek wantaim Neomi ausait long kantri bilong Moap.

⁷ Na meri i bin tok, Mi askim yu plis, larim mi mumutim las hap bilong kaikai na bungim namel long ol mekpas bihain long ol man bilong kamautim kaikai. Olsem tasol em i kam, na em i bin stap olsem, yes, i stat long moning i kam inap long nau, long em i stap yet liklik insait long haus.

⁸ Nau Boas i tokim Rut, Ating i yes long yu harim, pikinini meri bilong mi? No ken go mumutim las hap bilong kaikai long narapela bikpela gaden, o lusim hia, tasol stap hia pas klostu long ol yangpela meri bilong mi.

⁹ Larim tupela ai bilong yu stap long dispela bikpela gaden ol i kamautim kaikai long en, na yu go bihainim ol. Ating i yes long mi bin givim tok long ol yangpela man long ol bai i no ken tasim yu? Na taim yu stap nekdrai, go long ol sospen samting, na dring long dispela samting ol yangpela man i bin pulimap.

¹⁰ Nau meri i pundaun long pes bilong em, na lindaunim em yet long graun, na tokim em olsem, Bilong wanem mi bin painim pinis marimari long tupela ai bilong yu, inap long yu ken luksave long mi, taim yu luksave olsem mi ausait meri?

¹¹ Na Boas i bekim na tokim em, Ol i bin soim mi olgeta long olgeta samting yu bin mekim long tambu mama bilong yu, long taim man bilong yu i dai pinis i kam inap long nau, na long yu bin lusim papa bilong yu na mama bilong yu olsem wanem, na hap we mama i bin karim yu, na yu bin kam long wanpela lain manmeri husat yu no save long ol bipo.

¹² BIKPELA i ken bekim pe long wok bilong yu, na wanpela pe i pulap God BIKPELA bilong Isrel i ken givim long yu, aninit long ol wing bilong husat yu bin putim bilip bilong yu.

¹³ Nau meri i tok, Larim mi painim gutpela amamas long ai bilong yu, bikman bilong mi. Long dispela, yu bin givim bel isi long mi, na long dispela, yu bin toktok olsem pren long wokmeri bilong yu, maski mi no stap olsem wanpela bilong ol wokmeri bilong yu.

¹⁴ Na Boas i tokim em, Long taim bilong kaikai yu kam long hia, na kaikai long bret, na putim hap bret bilong yu liklik long vinega. Na meri i sindaun klostu long ol man bilong kamautim kaikai. Na man i givim bali i drai olgeta long meri, na meri i bin kaikai, na em i inap, na sampela i stap yet.

¹⁵ Na taim meri i kirap long go mumutim las hap bilong kaikai, Boas i mekim strongpela tok long ol yangpela man bilong em, i spik, Larim meri mumutim las hap kaikai, yes, namel long ol mekpas, na no ken givim sem long em.

¹⁶ Na larim i pundaun tu sampela han i pulap bilong helpim em, na lusim ol, inap long em i ken mumutim las hap bilong kaikai bilong ol, na no ken hatim em.

¹⁷ ¶ Olsem na meri i mumutim las hap bilong kaikai long bikpela gaden inap long apinun tru, na paitim dispela em i bin mumutim. Na dispela i kamap klostu olsem wanpela ifa bilong bali.

¹⁸ Na em i kisim dispela, na em i go insait long biktaun. Na tambu mama bilong em i lukim wanem samting em i bin mumutim. Na em i bringim ausait, na givim long em dispela em i bin holim bek bihain long em i kisim inap.

¹⁹ Na tambu mama bilong em i askim em, Yu bin mumutim las hap bilong kaikai we tude? Na yu wok we? Blesing i stap long em husat i bin luksave long yu. Na em i soim tambu mama bilong em long em i bin wok wantaim husat, na tok, Nem bilong man husat mi wok wantaim tude em Boas.

²⁰ Na Neomi i tokim tambu pikinini meri bilong em, Blesing i stap long em long BIKPELA, husat i no bin lusim gutpela pasin bilong em long ol lain i stap laip na long ol lain i dai pinis. Na Neomi i tokim em, Dispela man em i wanpela kandre klostu bilong yumi, wanpela kandre klostu tru bilong yumi.

²¹ Na meri Moap Rut i tok, Em i tokim mi tu, Yu bai stap pas klostu long ol yangpela man bilong mi, inap long ol i bin kamautim pinis olgeta kaikai bilong mi.

²² Na Neomi i tokim tambu pikinini meri bilong em Rut, Em i gutpela, pikinini meri bilong mi, long yu go ausait wantaim ol yangpela meri bilong em, inap long ol i no bungim yu long wanpela arapela bikpela gaden.

²³ Olsem na em i stap pas klostu long ol yangpela meri bilong Boas long mumutim las hap bilong kaikai inap long pinis bilong taim bilong kamautim bali na bilong kamautim wit. Na em i stap wantaim tambu mama bilong em.