¹ ¶ Tok bilong BIKPELA i kam gen long mi, i spik,

² Yupela i gat wanem mining, long yupela i yusim dispela provep long sait bilong hap bilong Isrel, i spik, Ol papa i bin kaikai ol pikinini wain i pait, na ol tit bilong ol pikinini i skirap?

³ Olsem Mi stap laip, GOD Bikpela i tok, yupela bai i no inap gat taim bilong yusim dispela provep moa liklik insait long Isrel.

⁴ Lukim, olgeta tewel i bilong Mi. Olsem tewel bilong papa, olsem tu tewel bilong pikinini man i bilong Mi. Tewel husat i mekim sin, em bai dai.

⁵ Tasol sapos wanpela man i stap stretpela, na mekim dispela samting i bihainim lo na i stretpela,

⁶ Na em i no bin kaikai antap long ol maunten, na tu em i no bin litimapim tupela ai bilong em long ol piksa bilong god giaman bilong hauslain bilong Isrel, na tu em i no bin mekim doti meri bilong man i stap klostu long em, na tu em i no bin kam klostu long wanpela meri long taim blut bilong em,

⁷ Na em i no bin mekim wanpela long kisim taim, tasol em i bin givim bek mak bilong promis bilong man i gat dinau, em i no bin kisim ol kago long wanpela long pasin pait, em i bin givim kaikai long man i hangre, na em i bin karamapim man i skin nating wantaim wanpela klos,

⁸ Man husat i no bin givim dinau long kisim winmani, na tu em i no bin kisim wanpela winmani, husat i bin surikim han bilong em long ol sin nogut, em i bin mekim kot tru tru namel long man na man,

⁹ Em i bin wokabaut long ol lo bilong Mi Mi raitim, na em i bin holimpas ol kot bilong Mi, bilong mekim stretpela pasin, em i stretpela, tru tumas, em bai stap laip, GOD Bikpela i tok.

¹⁰ ¶ Sapos em i kamapim wanpela pikinini man husat i wanpela raskol stilman, wanpela man bilong kapsaitim blut, na husat i mekim kain pasin olsem wanpela bilong ol dispela samting,

¹¹ Na husat i no mekim wanpela bilong ol dispela wok stret bilong em, tasol yes, em i bin kaikai antap long ol maunten, na mekim doti meri bilong man i stap klostu long em,

¹² Em i bin mekim ol rabisman na ol man i gat nid i kisim taim, em i bin kisim ol kago long pasin pait, em i no bin givim bek mak bilong promis, na em i bin litimapim tupela ai bilong em long ol piksa bilong god giaman, em i bin mekim sting pasin,

¹³ Em i bin givim ol dinau long kisim winmani, na em i bin kisim winmani, em bai stap laip nau? Em bai i no inap i stap laip. Em i bin mekim olgeta dispela sting pasin. Tru tumas, em bai dai. Blut bilong em bai stap antap long em.

¹⁴ Nau, harim, sapos em i kamapim wanpela pikinini man, husat i luksave long olgeta sin bilong papa bilong em, dispela em i bin mekim, na em i tingim na skelim, na em i no mekim kain pasin olsem,

¹⁵ Husat i no bin kaikai antap long ol maunten, na tu em i no bin litimapim tupela ai bilong em long ol piksa bilong god giaman bilong hauslain bilong Isrel, em i no bin mekim doti meri bilong man i stap klostu long em,

¹⁶ Na tu em i no bin mekim wanpela long kisim taim, em i no bin holim bek mak bilong promis, na tu em i no bin kisim ol kago long pasin pait, tasol em i bin givim kaikai long man i hangre, na em i bin karamapim man i skin nating wantaim wanpela klos,

¹⁷ Husat i bin rausim han bilong em long ol rabisman, husat i no bin kisim winmani long dinau o winmani, husat i bin mekim ol kot bilong Mi, husat i bin wokabaut insait long ol lo bilong Mi Mi raitim, em bai i no inap dai long ol sin nogut bilong papa bilong em, tru tumas, em bai stap laip.

¹⁸ Long sait bilong papa bilong em, bikos em i mekim man i kisim taim wantaim pasin nogut tru, kisim ol kago bilong brata bilong em long pasin pait, na mekim dispela samting i no gutpela namel long ol lain bilong em, harim, yes, em bai dai long ol sin nogut bilong em.

¹⁹ Yet yupela i tok, Bilong wanem? Ating i yes long pikinini man i mas karim sin nogut bilong papa bilong em? Taim pikinini man i bin mekim dispela samting i bihainim lo na i stretpela, na em i bin holimpas olgeta lo bilong Mi Mi raitim, na em i bin mekim ol, tru tumas, em bai stap laip.

²⁰ Tewel husat i mekim sin, em bai dai. Pikinini man bai i no inap karim sin nogut bilong papa, na tu papa bai i no inap karim sin nogut bilong pikinini man. Stretpela pasin bilong stretpela man bai stap antap long em, na pasin nogut bilong man nogut bai stap antap long em.

²¹ ¶ Tasol sapos man nogut bai tanim long olgeta sin bilong em, dispela em i bin mekim, na holimpas olgeta ol bilong Mi Mi raitim, na mekim dispela samting i bihainim lo na i stretpela, em bai stap laip, tru tumas, em bai i no inap dai.

²² Olgeta pasin bilong em bilong kalapim lo, dispela em i bin mekim, ol man bai i no inap kolim ol liklik long em. Insait long ol stretpela pasin bilong em, dispela em i bin mekim, em bai stap laip.

²³ Ating Mi gat amamas liklik long man nogut i ken dai, GOD Bikpela i tok, na em i no long em i ken tanim bek long ol pasin bilong em, na i stap laip?

²⁴ Tasol taim stretpela man i tanim na lusim ol stretpela pasin bilong em, na mekim sin nogut, na mekim bilong bihainim olgeta sting pasin dispela man nogut i mekim, bai em stap laip? Olgeta stretpela pasin bilong em, dispela em i bin mekim, ol man bai i no inap kolim liklik. Long pasin bilong em bilong sakim lo, dispela em i bin mekim, na long ol sin bilong em, dispela sin em i bin mekim, insait long ol em bai dai.

²⁵ Yet yupela i tok, Pasin bilong Bikpela i no wanmak stret. Harim nau, O hauslain bilong Isrel, Ating i yes long pasin bilong Mi em i wanmak stret? Ating i yes long ol pasin bilong yupela i no wanmak stret?

²⁶ Taim wanpela stretpela man i tanim na lusim ol stretpela pasin bilong em, na mekim sin nogut, na dai insait long ol, long ol sin nogut bilong em, dispela em i bin mekim, em bai dai.

²⁷ Na gen, taim man nogut i tanim na lusim pasin nogut bilong em, dispela em i bin mekim, na em i mekim dispela samting i bihainim lo na i stretpela, em bai kisim bek tewel bilong em i stap laip.

²⁸ Bilong wanem, em i tingim na skelim na tanim na lusim olgeta pasin bilong em bilong kalapim lo, dispela em i bin mekim, tru tumas, em bai stap laip, em bai i no inap dai.

²⁹ Yet hauslain bilong Isrel i tok, Pasin bilong Bikpela i no wanmak stret. O hauslain bilong Isrel, ating i yes long ol pasin bilong Mi wanmak stret? Ating i yes long ol pasin bilong yupela i no wanmak stret?

³⁰ ¶ Olsem na Mi bai jasim yupela, O hauslain bilong Isrel, olgeta wan wan bilong bihainim ol pasin bilong em, GOD Bikpela i tok. Tanim bel, na tanim yupela yet long olgeta pasin bilong yupela long kalapim lo, inap long ol sin nogut bilong yupela bai i no inap stap bagarap olgeta bilong yupela.

³¹ Tromoi i go i lusim yupela olgeta pasin bilong yupela bilong kalapim lo, we yupela bin kalapim lo long en. Na mekim long yupela yet wanpela nupela bel na wanpela nupela spirit. Long wanem, bilong wanem yupela i laik dai, O hauslain bilong Isrel?

³² Long wanem, Mi no gat amamas long dai bilong man husat i dai, GOD Bikpela i tok. Olsem na tanim yupela yet, na yupela i ken stap laip.