¹ ¶ Nau dispela em ol nem bilong ol lain. I stat long hap not i go long nambis bilong rot bilong Hetlon, olsem wanpela i go long Hemat, Hasar-enan, hap arere bilong Damaskas i go long hap not, i go long hap arere bilong Hemat, Long wanem, ol dispela em ol sait bilong em long is na wes, wanpela hap skel bilong Dan.

² Na klostu long hap arere bilong Dan, i stat long is sait i go long wes sait, wanpela hap skel bilong Aser.

³ Na klostu long hap arere bilong Aser, i stat long is sait, yes, i go inap long wes sait, wanpela hap skel bilong Naptalai.

⁴ Na klostu long hap arere bilong Naptalai, i stat long is sait i go inap long wes sait, wanpela hap skel bilong Manasa.

⁵ Na klostu long hap arere bilong Manasa, i stat long is sait i go inap long wes sait, wanpela hap skel bilong Ifraim .

⁶ Na klostu long hap arere bilong Ifraim, i stat long is sait, yes, i go inap long wes sait, wanpela hap skel bilong Ruben.

⁷ Na klostu long hap arere bilong Ruben, i stat long is sait i go inap long wes sait, wanpela hap skel bilong Juda.

⁸ Na klostu long hap arere bilong Juda, i stat long is sait i go inap long wes sait, bai ofa i stap, dispela yupela bai ofaim long brait i 25,000 tiktik, na longpela i olsem wanpela bilong ol arapela hap, i stat long is sait i go long wes sait. Na rum holi bai stap long namel bilong en.

⁹ Longpela bilong dispela ofa long yupela bai ofaim long BIKPELA bai stap 25,000, na brait bai stap 10,000.

¹⁰ Na bilong ol, yes, bilong ol pris, dispela ofa holi bai stap. I go long hap not, longpela i 25,000, na i go long hap wes, brait i 10,000, na i go long hap is, brait i 10,000, na i go long hap saut, longpela i 25,000. Na rum holi bilong BIKPELA bai stap insait long namel bilong en.

¹¹ Em bai stap bilong ol pris husat i kamap holi bilong ol pikinini man bilong Sedok, husat i bin holimpas wok bilong Mi, husat i no lusim rot taim ol pikinini bilong Isrel i lusim rot, olsem ol lain Livai i lusim rot.

¹² Na dispela ofa bilong dispela hap, dispela ol i ofaim, bai stap long ol wanpela samting i holi moa olgeta klostu long hap arere bilong ol lain Livai.

¹³ Na pas klostu long hap arere bilong ol pris, ol lain Livai bai gat wanpela hap longpela i 25,000, na brait i 10,000. Olgeta longpela bai stap 25,000, na brait 10,000.

¹⁴ Na ol bai i no inap salim hap bilong dispela long mani, o senisim, o mekim ol ausait man long kisim namba wan pikinini kaikai bilong dispela hap. Long wanem, em i holi long BIKPELA.

¹⁵ Na dispela 5,000, dispela i stap yet bilong brait i pas klostu long dispela 25,000, bai stap wanpela ples i no holi bilong biktaun, bilong man i ken i stap long en, na bilong ol ples arere bilong biktaun. Na biktaun bai stap insait long namel long en.

¹⁶ Na ol dispela bai stap ol skel bilong en. Long hap not sait 4,500, na long hap saut sait 4,500, na long is sait 4,500, na long wes sait 4,500.

¹⁷ Na ol ples arere bilong biktaun bai go long hap not 250, na i go long hap saut 250, na i go long hap is 250, na i go long hap wes 250.

¹⁸ Na longpela bilong hap i stap yet i pas klostu long ofa bilong hap skel i holi bai stap 10,000 i go long hap is, na 10,000 i go long hap wes. Na em bai stap pas klostu long ofa bilong hap skel i holi. Na ol win kaikai bilong en bai stap bilong kaikai bilong ol husat i wokim wok long biktaun.

¹⁹ Na ol lain husat i wokim wok long biktaun bai wokim dispela ausait long olgeta lain bilong Isrel.

²⁰ Olgeta dispela ofa bai stap 25,000 na 25,000. Yupela bai ofaim ofa holi i skwea long fopela sait, wantaim holimpas bilong biktaun.

²¹ Na hap i stap yet bai stap bilong dispela hetman, long wanpela sait na long arapela sait bilong ofa holi, na bilong dispela holimpas bilong biktaun, i pas klostu long 25,000 bilong ofa i go long hap arere is, na i go long hap wes i pas klostu long 25,000 i go long hap arere wes, i pas klostu long ol hap skel bilong dispela hetman. Na em bai stap ofa holi, na rum holi bilong dispela haus bai stap insait long namel bilong en.

²² Na moa tu i stat long holimpas bilong ol lain Livai, na i stat long holimpas bilong dispela biktaun, dispela i stap insait long namel bilong dispela samting i bilong dispela hetman, namel long hap arere bilong Juda na hap arere bilong Benjamin, bai bilong dispela hetman.

²³ Long sait bilong olgeta arapela lain, i stat long is sait i go inap long wes sait, Benjamin bai gat wanpela hap skel.

²⁴ Na klostu long hap arere bilong Benjamin, i stat long is sait i go inap long wes sait, Simion bai gat wanpela hap skel.

²⁵ Na klostu long hap arere bilong Simion, i stat long is sait i go inap long wes sait, Isakar bai gat wanpela hap skel.

²⁶ Na klostu long hap arere bilong Isakar, i stat long is sait i go inap long wes sait, Sebyulan bai gat wanpela hap skel.

²⁷ Na klostu long hap arere bilong Sebyulan, i stat long is sait i go inap long wes sait, Gat bai gat wanpela hap skel.

²⁸ Na klostu long hap arere bilong Gat, long hap saut sait i go long hap saut, hap arere bai stap, yes, i stat long Temar i go inap long ol wara bilong strongpela pait long Kedes, na long riva i go long dispela bikpela biksi.

²⁹ Dispela em i dispela hap yupela bai brukim long satu i go long ol lain bilong Isrel bilong samting papa i givim pikinini, na ol dispela em ol hap skel bilong ol, GOD Bikpela i tok.

³⁰ Na ol dispela em i ol rot bilong go ausait long biktaun long hap not, 4,500 skel.

³¹ ¶ Na ol dua bilong banis bilong biktaun bai bihainim ol nem bilong ol lain bilong Isrel. Tripela dua bilong banis i stap long hap not, wanpela dua bilong banis i bilong Ruben, wanpela dua bilong banis i bilong Juda, wanpela dua bilong banis i bilong Livai.

³² Na long is sait 4,500. Na tripela dua bilong banis i stap, na wanpela dua bilong banis i bilong Josep, wanpela dua bilong banis i bilong Benjamin, wanpela dua bilong banis i bilong Dan.

³³ Na long saut sait 4,500 skel. Na tripela dua bilong banis i stap, wanpela dua bilong banis i bilong Simion, wanpela dua bilong banis i bilong Isakar, wanpela dua bilong banis i bilong Sebyulan.

³⁴ Na long wes sait 4,500, wantaim tripela dua bilong banis bilong ol, wanpela dua bilong banis i bilong Gat, wanpela dua bilong banis i bilong Aser, wanpela dua bilong banis i bilong Naptalai.

³⁵ Dispela em i raun nabaut olsem 18,000 skel. Na nem bilong biktaun i stat long dispela de bai stap, BIKPELA i stap long dispela hap.