¹ ¶ Nau BIKPELA i bin tokim Ebram, Kisim yu yet i go ausait long kantri bilong yu, na lusim ol kandre bilong yu, na lusim hauslain bilong papa bilong yu, i go long wanpela hap graun, dispela Mi bai soim yu.

² Na Mi bai mekim long yu wanpela bikpela kantri, na Mi bai blesim yu, na mekim nem bilong yu i kamap bikpela. Na yu bai stap wanpela blesing.

³ Na Mi bai blesim ol husat i blesim yu, na putim tok nogut antap long ol husat putim tok nogut antap long yu. Na insait long yu, olgeta famili bilong dispela graun bai kisim blesing.

⁴ ¶ Olsem na Ebram i lusim ples bilong em, olsem BIKPELA i bin tokim em. Na Lot i go wantaim em. Na Ebram i gat 75 krismas taim em i lusim Haran i go ausait.

⁵ Na Ebram i kisim Sarai, meri bilong em, na Lot, pikinini man bilong brata bilong em, na olgeta dispela kago ol i bin bungim, na ol dispela tewel ol i bin kisim long Haran. Na ol i go ausait i go long hap bilong Kenan. Na ol i kam long hap bilong Kenan.

⁶ ¶ Na Ebram i wokabaut namel long dispela hap graun i go long ples bilong Sikem, i go long ples bilong More. Na lain Kenan i stap nau long dispela hap graun.

⁷ Na BIKPELA i kamap ples klia long Ebram, na i tok, Bai Mi givim dispela hap graun long tumbuna pikinini bilong yu. Na long dispela hap em i wokim wanpela alta i go long BIKPELA, husat i bin kamap ples klia long em.

⁸ Na em i lusim dispela hap i go long wanpela maunten long hap sankamap bilong Betel, na sanapim haus sel bilong em, taim em i gat Betel long hap san i go daun, na Hai long hap sankamap. Na long dispela hap em i wokim wanpela alta i go long BIKPELA, na em i singaut long nem bilong BIKPELA.

⁹ Na Ebram i wokabaut i go, taim em i go yet long hap saut.

¹⁰ ¶ Na i gat wanpela bikpela taim hangre long dispela hap. Na Ebram i go daun long Isip bilong i stap waira long dispela hap. Long wanem, dispela bikpela taim hangre i strongpela long dispela hap.

¹¹ Na em i kamap olsem, taim em i kam klostu bilong go insait long Isip, em i tokim Sarai, meri bilong em, Lukim nau, Mi save long yu stap wanpela naispela meri bilong lukluk long en.

¹² Olsem na em bai kamap olsem, taim ol man Isip bai lukim yu, long ol bai tok, Dispela em i meri bilong em. Na ol bai kilim mi, tasol ol bai kisim bek yu i stap laip.

¹³ Toktok, mi askim plis, yu stap susa bilong mi. Inap long em i ken stap gut wantaim mi long sait bilong yu. Na tewel bilong mi bai stap laip bikos yu wokim olsem.

¹⁴ ¶ Na em i kamap olsem, long, taim Ebram i kam insait long Isip, ol man Isip i lukim dispela meri, long em i naispela tru.

¹⁵ Ol hetman tu bilong Fero i lukim em, na litimapim nem bilong em long ai bilong Fero. Na ol i kisim dispela meri i go insait long haus bilong Fero.

¹⁶ Na Fero i mekim gutpela pasin long Ebram bilong tingim nem bilong dispela meri. Na em i gat ol sipsip, na ol bulmakau man, na ol donki man, na ol wokboi, na ol wokmeri, na ol donki meri, na ol kemel.

¹⁷ Na BIKPELA i salim bikpela hevi long Fero na hauslain bilong em wantaim ol bikpela hevi tru, bilong tingim Sarai, meri bilong Ebram.

¹⁸ Na Fero i singautim Ebram, na tok, Dispela em wanem samting, dispela yu bin mekim long mi? Bilong wanem yu no bin tokim mi long em i meri bilong yu?

¹⁹ Bilong wanem yu tok, Em i susa bilong mi? Olsem tasol i gat sans long mi bin kisim em i kamap meri bilong mi. Olsem na nau yu lukim meri bilong yu, kisim em, na go long rot bilong yu.

²⁰ Na Fero i tok strong long ol man bilong em long sait bilong em. Na ol i salim em i go, na meri bilong em, na olgeta samting em i gat.