¹ ¶ Long dispela taim Jekop i go long wokabaut bilong em, na kam insait long hap graun bilong ol manmeri bilong hap sankamap.

² Na em i lukluk, na lukim wanpela hul wara i stap long ples kunai, na, harim, tripela lain sipsip i slip i stap klostu long en. Long wanem, ausait long dispela hul wara ol i save givim wara long ol lain sipsip. Na wanpela bikpela ston i stap antap long maus bilong hul wara.

³ Na long dispela hap ol i save bungim olgeta lain sipsip. Na ol i save tantanim ston i lusim maus bilong hul wara, na givim wara long ol sipsip, na putim ston gen antap long maus bilong hul wara long ples bilong en.

⁴ Na Jekop i tokim ol, Ol brata bilong mi, yupela i bilong wanem hap? Na ol i tok, Mipela i bilong Haran.

⁵ Na em i tokim ol, Yupela i save long Leban, pikinini man bilong Nehor? Na ol i tok, Mipela i save long em.

⁶ Na em i tokim ol, Em i stap orait? Na ol i tok, Em i stap orait. Na, lukim, Resel, pikinini meri bilong em, i kam wantaim ol sipsip.

⁷ Na em i tok, Harim, san i stap antap yet, na tu em i no taim bilong ol bulmakau samting i ken bung wantaim. Yupela givim wara long ol sipsip, na go na givim kaikai long ol.

⁸ Na ol i tok, Mipela i no inap, inap long olgeta lain sipsip i bung wantaim, na inap long ol i tantanim ston i lusim maus bilong hul wara. Nau mipela i givim wara long ol sipsip.

⁹ ¶ Na taim em i toktok yet wantaim ol, Resel i kam wantaim ol sipsip bilong papa bilong em. Long wanem, em i save lukautim ol.

¹⁰ Na em i kamap olsem, taim Jekop i lukim Resel, pikinini meri bilong Leban, brata bilong mama bilong em, na ol sipsip bilong Leban, brata bilong mama bilong em, long Jekop i go klostu, na tantanim ston i lusim maus bilong hul wara, na givim wara long lain sipsip bilong Leban, brata bilong mama bilong em.

¹¹ Na Jekop i givim kis long Resel, na litimapim nek bilong em, na krai tru.

¹² Na Jekop i tokim Resel long em i brata bilong papa bilong em, na long em i pikinini man bilong Rebeka. Na em i ran na tokim papa bilong em.

¹³ Na em i kamap olsem, taim Leban i harim stori bilong Jekop, pikinini man bilong susa bilong em, long em i ran bilong bungim em, na holimpas em, na givim kis long em, na bringim em i kam long haus bilong em. Na em i tokim Leban long olgeta dispela samting.

¹⁴ Na Leban i tokim em, Tru tumas, yu bun bilong mi na bodi bilong mi. Na em i stap wantaim em long taim olsem wanpela mun.

¹⁵ ¶ Na Leban i tokim Jekop, Bikos yu stap brata bilong mi, olsem na ating yu mas mekim wok nating long mi? Tokim mi, pe bilong wok bilong yu bai stap wanem?

¹⁶ Na Leban i gat tupela pikinini meri. Nem bilong namba wan pikinini em Lia, na nem bilong pikinini i yangpela moa em Resel.

¹⁷ Lia i gat ai i no strong long man. Tasol Resel i naispela tru na i luk gutpela tru.

¹⁸ Na Jekop i laikim tru Resel. Na em i tok, Mi bai wokim wok wokboi long yu sevenpela yia bilong kisim Resel, pikinini meri bilong yu i yangpela moa.

¹⁹ Na Leban i tok, Em i mobeta long mi givim em long yu, long mi ken givim em long narapela man. Stap wantaim mi.

²⁰ Na Jekop i wokim wok wokboi sevenpela yia bilong kisim Resel. Na ol i luk olsem long em olsem sampela de tasol, long dispela laikim tru em i gat long em.

²¹ Na Jekop i tokim Leban, Givim mi meri bilong mi, long wanem, mi inapim ol de bilong mi, inap long mi ken go insait i go long em.

²² Na Leban i bungim olgeta man bilong dispela ples wantaim, na wokim wanpela bikpela kaikai.

²³ Na em i kamap olsem long apinun tru, long em i kisim Lia, pikinini meri bilong en, na bringim em i go long em. Na em i go insait i go long em.

²⁴ Na Leban i givim long pikinini meri bilong em Lia Silpa, wokmeri bilong em, bilong wanpela wokmeri bilong em.

²⁵ Na em i kamap olsem, long moningtaim, lukim, em i Lia. Na Jekop i tokim Leban, Dispela em i wanem samting yu bin mekim long mi? Ating mi no bin wokim wok wokboi wantaim yu bilong kisim Resel? Bilong wanem yu bin trikim mi?

²⁶ Na Leban i tok, I no ken stap olsem long kantri bilong mipela, bilong givim pikinini meri i yangpela moa bipo long namba wan pikinini.

²⁷ Inapim wik bilong em, na mipela bai givim yu dispela tu bilong dispela wok wokboi yu bai mekim yet wantaim mi sevenpela arapela yia moa.

²⁸ Na Jekop i mekim olsem, na inapim wik bilong em. Na em i givim em Resel, pikinini meri bilong em bilong maritim tu.

²⁹ Na Leban i givim long Resel, pikinini meri bilong em, Bilha, wokmeri bilong em, bilong i stap wokmeri bilong em.

³⁰ Na em i go insait tu long i go long Resel, na em i laikim tru Resel tu moa long Lia, na wokim wok wokboi yet wantaim em sevenpela arapela yia.

³¹ ¶ Na taim BIKPELA i luksave long em i no laikim tru Lia, Em i opim bel bilong em. Tasol Resel i no inap karim pikinini.

³² Na Lia i kisim bel, na karim pikinini man, na em i kolim nem bilong em Ruben. Long wanem, em i tok, Tru tumas, BIKPELA i bin lukluk long taim hevi bilong mi. Olsem na nau man bilong mi bai laikim mi tru.

³³ Na em i kisim bel gen na karim pikinini man. Na em i tok, Bikos BIKPELA i bin harim long em i no laikim mi tru, olsem na Em i bin givim mi dispela pikinini man tu. Na em i kolim nem bilong em Simion.

³⁴ Na em i kisim bel gen na karim pikinini man. Na em i tok, Nau dispela taim man bilong mi bai pas wantaim mi, bilong wanem, mi bin karim tripela pikinini man long em. Olsem na em i kolim nem bilong em Livai.

³⁵ Na em i kisim bel gen, na karim pikinini man. Na em i tok, Nau bai mi litimapim nem bilong BIKPELA. Olsem na em i kolim nem bilong em Juda. Na em i lusim wok bilong karim pikinini.