¹ ¶ Na BIKPELA i kamap ples klia long em long ol ples stret bilong Mamri. Na em i sindaun long dua bilong haus sel long taim bilong de san i hat moa.

² Na em i apim tupela ai bilong em na i lukluk, na, harim, tripela man i sanap klostu long em. Na taim em i lukim ol, em i lusim dua bilong haus sel na ran bilong bungim ol, na lindaunim em yet i go long graun,

³ Na tok, Bikpela bilong mi, sapos nau mi bin painim pinis amamas long ai bilong Yu, mi askim Yu plis, Yu no ken lusim wokboi bilong Yu.

⁴ Larim mi go kisim liklik wara, mi askim yupela plis, na wasim ol lek bilong yupela, na yupela i ken malolo aninit long diwai.

⁵ Na mi bai go kisim wanpela hap bret, na yupela i ken givim bel isi long ol bel bilong yupela. Bihain long dispela yupela i bai lusim hia. Long wanem, olsem na yupela i kam long wokboi bilong yupela. Na ol i tok, Mekim olsem, olsem yu bin tok.

⁶ Na Ebraham i hariap i go insait long haus sel i go long Sara, na tok, Redim hariap tripela skel bilong naispela plaua, wokim dispela, na wokim ol liklik kek antap long ples paia.

⁷ Na Ebraham i ran i go long lain bulmakau, na kisim wanpela yangpela bulmakau i malumalu na gutpela, na givim dispela long wanpela yangpela man. Na em i hariap long redim dispela.

⁸ Na em i kisim bata na susu, na dispela yangpela bulmakau husat em i bin redim, na putim dispela long ai bilong ol. Na em i sanap klostu long ol aninit long diwai, na ol i bin kaikai.

⁹ ¶ Na ol i tokim em, Meri bilong yu Sara i stap we? Na em i tok, Lukim, insait long haus sel.

¹⁰ Na Em i tok, Tru tumas, Mi bai kam bek long yu long bihainim taim bilong laip. Na, harim, meri bilong yu Sara bai karim wanpela pikinini man. Na Sara i harim dispela insait long dua bilong haus sel, dispela i stap baksait bilong Em.

¹¹ Nau Ebraham na Sara i lapun pinis na tupela i gat planti krismas pinis. Na pasin bilong ol meri i pinis long Sara.

¹² Olsem na Sara i lap insait long em yet, i spik, Bihain long mi wok long kamap lapun pinis bai mi gat amamas, na taim bikman bilong mi i stap lapun tu?

¹³ Na BIKPELA i tokim Ebraham, Bilong wanem Sara i lap, i spik, Tru tumas, bai mi karim pikinini, husat i lapun pinis?

¹⁴ Ating i gat wanpela samting i hat tumas long BIKPELA? Long taim Mi makim Mi bai kam bek long yu, long bihainim taim bilong laip, na Sara bai karim wanpela pikinini man.

¹⁵ Na Sara i tok nogat, i spik, Mi no lap. Long wanem, em i pret. Na Em i tok, Nogat. Tasol yu bin lap.

¹⁶ ¶ Na ol man i kirap long dispela hap, na lukluk i go long Sodom. Na Ebraham i go wantaim ol bilong bringim ol i go long rot.

¹⁷ Na BIKPELA i tok, Bai Mi haitim long Ebraham dispela samting, dispela Mi mekim,

¹⁸ Taim yumi luksave long, tru tumas, Ebraham bai kamap wanpela bikpela na strongpela kantri, na olgeta kantri bilong dispela graun bai kisim blesing insait long em ?

¹⁹ Long wanem, Mi save long em, long em bai tok strong long ol pikinini bilong em na hauslain bilong em bihain long em, inap long ol bai holimpas pasin bilong BIKPELA, bilong mekim stretpela kot na pasin bilong jasim. Inap long BIKPELA i ken bringim antap long Ebraham dispela samting Em i bin toktok long sait bilong em.

²⁰ Na BIKPELA i tok, Bikos krai bilong Sodom na Gomora i bikpela, na bikos sin bilong ol i strongpela tru,

²¹ Mi bai go daun nau, na luksave long ol i mekim olgeta samting bilong bihainim krai bilong en, o nogat, dispela i kam long Mi. Na sapos nogat, Mi bai save.

²² Na ol man i tanim ol pes bilong ol bilong lusim dispela ples, na go long Sodom. Tasol Ebraham i sanap yet long ai bilong BIKPELA.

²³ ¶ Na Ebraham i go klostu, na tok, Ating Yu bai bagarapim olgeta ol stretpela man wantaim ol man nogut?

²⁴ Sapos i gat 50-pela stretpela man insait long dispela biktaun, bai Yu bagarapim dispela ples olgeta tu na Yu no inap larim dispela ples i stap bilong tingim dispela 50-pela stretpela man husat i stap insait long en?

²⁵ Dispela i stap longwe long Yu bilong mekim samting i bihainim dispela kain pasin, bilong kilim i dai ol stretpela man wantaim ol man nogut. Na inap long ol stretpela man i ken stap olsem ol man nogut, dispela i stap longwe long Yu? Ating Jas bilong dispela graun olgeta bai i no inap mekim stretpela pasin?

²⁶ Na BIKPELA i tok, Sapos long lukim insait long Sodom 50-pela stretpela man insait long biktaun, orait Mi bai marimari long dispela ples olgeta bilong tingim ol.

²⁷ Na Ebraham i bekim na i tok, Lukim nau, mi bin kisim antap bilong mi bilong toktok i go long Bikpela, husat i stap das na sit bilong paia tasol.

²⁸ Sapos ol dispela bai sot long faipela bilong dispela 50-pela stretpela man, bai Yu bagarapim olgeta olgeta bilong dispela biktaun bikos faipela i sot? Na Em i tok, Sapos Mi lukim 45-pela, Mi bai i no inap bagarapim dispela olgeta.

²⁹ Na Ebraham i toktok i go long Em gen tasol, na tok, Sapos Yu bai lukim 40-pela manmeri long dispela hap. Na Em i tok, Mi bai i no inap mekim dispela bilong tingim 40-pela.

³⁰ Na em i tokim Em, O no ken larim Bikpela i ken kros, na mi bai tok, Sapos Yu lukim 30-pela long dispela hap. Na Em i tok, Mi bai i no inap mekim dispela, sapos Mi lukim 30-pela long dispela hap.

³¹ Na em i tok, Lukim nau, mi bin kisim antap long mi bilong toktok long Bikpela. Sapos Yu lukim 20-pela long dispela hap. Na Em i tok, Mi bai i no inap bagarapim dispela olgeta bilong tingim 20-pela.

³² Na em i tok, O no ken larim Bikpela i ken kros, na mi bai toktok yet dispela wanpela taim tasol. Sapos Yu lukim tenpela long dispela hap. Na Em i tok, Mi bai i no inap bagarapim dispela olgeta bilong tingim tenpela.

³³ Na BIKPELA i go long rot bilong Em, taim stret long Em i bin lusim pasin bilong toktok poroman wantaim Ebraham. Na Ebraham i go bek long ples bilong en.