¹ ¶ Na Josua, pikinini man bilong Nun, i salim i go ausait long Sitim tupela man long luk stil hait, i spik, Go na lukim dispela hap, yes, Jeriko. Na tupela i go, na kam insait long haus bilong wanpela pamuk meri, nem bilong em em Rehap, na slip long dispela hap.

² Na ol i tokim king bilong Jeriko, i spik, Lukim, i gat ol man i kam insait long hia long nait bilong ol pikinini bilong Isrel long painimaut tru long dispela kantri.

³ Na king bilong Jeriko i salim tok long Rehap, i spik, Bringim ausait ol man husat i kam long yu, husat i kam pinis insait long haus bilong yu. Long wanem, ol i kam long painimaut tru olgeta dispela kantri.

⁴ Na meri i kisim dispela tupela man, na haitim ol, na tok olsem, I gat ol man i kam long mi, tasol mi no save long ol i bilong we.

⁵ Na em i kamap olsem, klostu long taim bilong pasim dua bilong banis, taim em i tudak, long dispela tupela man i go ausait. We dispela tupela man i go, mi no save. Ran bihainim ol kwiktaim. Long wanem, yupela bai kamap long ol.

⁶ Tasol meri i bin bringim tupela antap long rup bilong haus, na haitim ol wantaim ol han bilong flaks, dispela em i bin slipim long lain gut antap long rup.

⁷ Na ol man i ran bihainim ol long rot i go long Jordan i go inap long ol ples bilong brukim wara. Na long taim stret long ol lain husat i ran bihainim ol i go ausait, ol i pasim dua bilong banis.

⁸ ¶ Na bipo ol i slipim bodi, meri i kam antap long ol long antap long rup.

⁹ Na em i tokim dispela tupela man, Mi save tru long BIKPELA i bin givim yupela dispela hap, na long pret nogut tru bilong yupela i stap antap long mipela, na long olgeta husat i stap long dispela hap i hap i dai taim ol i tingim yupela.

¹⁰ Long wanem, mipela i bin harim long BIKPELA i mekim i go drai wara bilong Retsi bilong helpim yupela olsem wanem, taim yupela i kam ausait long Isip, na wanem samting yupela i mekim long tupela king bilong ol lain Amor, husat i stap long hapsait long Jordan, Saihon na Ok, husat yupela i bagarapim olgeta.

¹¹ Na long taim stret long mipela i bin harim ol dispela samting, ol bel bilong mipela i bin kuk i kamap olsem wara, na tu i no gat strong bilong pait i stap yet moa liklik insait long wanpela man, bilong tingim yupela. Long wanem, BIKPELA, God bilong yupela, Em i God long heven antap, na long graun daunbilo.

¹² Olsem na nau, mi askim yupela plis, wokim strongpela promis i kam long mi long nem bilong BIKPELA, bikos mi bin soim gutpela pasin long yutupela, inap long yutupela tu bai soim gutpela pasin long hauslain bilong papa bilong mi, na givim mi wanpela trupela mak.

¹³ Na long yutupela bai kisim bek laip bilong papa bilong mi, na mama bilong mi, na ol brata bilong mi, na ol susa bilong mi, na olgeta husat ol i gat, na kisim bek ol laip bilong mipela long i dai.

¹⁴ Na dispela tupela man i bekim tok long em, Laip bilong mipela bilong bekim laip bilong yupela, sapos yupela i no toktok long dispela wok bilong mipela. Na em bai stap olsem, taim BIKPELA i bin givim mipela dispela hap, long mipela bai mekim gut na trutru long yu.

¹⁵ Nau meri i lusim ol i go daun long wanpela rop i go namel long windo. Long wanem, haus bilong em i stap antap long banis bilong taun, na em i stap antap long banis.

¹⁶ Na em i tokim ol, Yutupela go long ol maunten, nogut ol lain i ran bihainim yupela i bungim yupela. Na haitim yupela yet long dispela hap tripela de, inap long ol lain bilong ran bihainim yupela i kam bek. Na bihain long en yupela i ken go long rot bilong yupela.

¹⁷ Na tupela i tokim em, Mipela bai i no gat asua long dispela strongpela promis bilong yu, dispela yu bin mekim mipela long wokim.

¹⁸ Lukim, taim mipela i kam insait long dispela hap, yu bai pasim dispela rop bilong skalet tret long dispela windo yu bin lusim mipela i go daun long en. Na yu bai bringim papa bilong yu, na mama bilong yu, na ol brata bilong yu, na olgeta hauslain bilong papa bilong yu, i kam long haus bilong yu.

¹⁹ Na em bai stap olsem, long husat man bai go ausait long ol dua bilong haus bilong yu i go long rot, blut bilong em bai stap antap long het bilong em, na mipela bai i no gat asua. Na husat man bai stap wantaim yu insait long haus, blut bilong em bai stap antap long het bilong mipela, sapos wanpela han i go antap long em.

²⁰ Na sapos yu toktok long dispela wok bilong mipela, orait mipela bai i stap fri long dispela strongpela promis bilong yu yu bin mekim mipela long wokim.

²¹ Na em i tok, Bilong bihainim ol toktok bilong yutupela, larim i stap olsem. Na em i salim ol i go, na ol i go. Na em i pasim dispela skalet rop long windo.

²² ¶ Na ol i go, na kamap long maunten, na stap long dispela hap tripela de, inap long ol lain i ran bihainim ol i go bek. Na ol lain i ran bihainim ol i painim ol long olgeta hap bilong rot, tasol ol i no lukim ol.

²³ Olsem tasol dispela tupela man i go bek, na go daun bilong lusim maunten, na brukim wara i go hapsait, na kam long Josua, pikinini man bilong Nun, na tokim em long olgeta samting i kamap long ol.

²⁴ Na ol i tokim Josua, Tru tumas, BIKPELA i bin givim i kam long han bilong yumi olgeta dispela hap. Long wanem, yes, olgeta husat i stap long dispela kantri i hap i dai taim ol i tingim yumi.