Buk Bilong

Malakai

¹ ¶ Hevi bilong tok bilong BIKPELA i go long Isrel long maus bilong Malakai.

² Mi bin laikim tru yupela, BIKPELA i tok. Tasol yupela i tok, Yu bin laikim tru mipela insait long wanem samting? Ating i yes long Iso em i brata bilong Jekop, BIKPELA i tok? Tasol Mi laikim tru Jekop,

³ Na Mi hetim Iso, na Mi mekim ol maunten bilong em na ples bilong em long stap nating bilong helpim ol dregon bilong ples i no gat man.

⁴ We Idom i tok olsem, Mipela i kamap rabis tru, tasol mipela bai go bek na wokim ol ples i stap nating olgeta, BIKPELA bilong ol ami i tok olsem, Ol bai wokim, tasol Mi bai tromoi i go daun. Na ol bai kolim ol, Hap arere bilong pasin nogut, na, Lain manmeri husat BIKPELA i gat bel nogut i birua long ol oltaim oltaim.

⁵ Na ol ai bilong yupela bai lukim, na yupela bai tok, BIKPELA bai kisim biknem long hap arere bilong Isrel.

⁶ ¶ Pikinini man i save givim ona long papa bilong em, na wokboi bosman bilong em. Sapos nau Mi stap wanpela Papa, ona bilong Mi i stap we? Na sapos Mi stap wanpela bosman, pret long Mi i stap we? BIKPELA bilong ol ami i tokim yupela, O ol pris, husat i tingim nem bilong Mi olsem i samting nating. Na yupela i tok, Mipela i bin tingim nem bilong Yu i samting nating insait long wanem samting?

⁷ Yupela i ofaim bret i doti pinis antap long alta bilong Mi. Na yupela i tok, Mipela i bin mekim Yu doti insait long wanem samting? Long dispela, yupela i tok, Tebol bilong BIKPELA em i samting bilong bikpela sem.

⁸ Na sapos yupela i ofaim ol aipas long sakrifais, ating i yes long dispela em i pasin nogut? Na sapos yupela i ofaim ol lek nogut na samting i sik, ating i yes long dispela em i pasin nogut? Ofaim dispela nau long nambawan gavman bilong yu. Bai em i stap amamas long yu, o orait long namba bilong yu, BIKPELA bilong ol ami i tok?

⁹ Na nau, Mi askim yu plis, askim God long daun pasin long Em i bai soim pasin bilong marimari long yumi. Dispela i bin kam long ol rot bilong yupela. Bai Em i tingim gut ol namba bilong yupela, BIKPELA bilong ol ami i tok?

¹⁰ Husat i stap, yes, namel long yupela husat i gat laik long pasim ol dua nating? Na tu yupela i no kirapim paia nating long alta bilong Mi. Mi no gat amamas liklik long yupela, BIKPELA bilong ol ami i tok, na tu bai Mi no inap orait long wanpela ofa long han bilong yupela.

¹¹ Long wanem, i stat long taim san i kam antap, yes, i go inap long em stret i go daun, nem bilong Mi bai stap bikpela namel long ol man i no Ju. Na insait long olgeta wan wan ples ol bai ofaim insens long nem bilong Mi, na wanpela ofa i klin. Long wanem, nem bilong Mi bai stap bikpela namel long ol haiden, BIKPELA bilong ol ami i tok.

¹² Tasol yupela i bin mekim dispela long sting, long dispela, yupela i tok, Tebol bilong BIKPELA em i doti pinis. Na kaikai bilong en, yes, kaikai bilong Em, em i samting bilong bikpela sem.

¹³ Yupela i tok tu, Lukim, wanem kain pasin bilong pilim les tru em dispela! Na yupela i bin pulim nus long en, BIKPELA bilong ol ami i tok. Na yupela i bringim dispela samting skin i bruk, na i lek nogut, na i sik. Olsem tasol yupela i bringim wanpela ofa. Ating Mi bai orait long dispela long han bilong yupela, BIKPELA i tok?

¹⁴ Tasol tok nogut i stap long man bilong giaman, husat i gat long lain sipsip bilong em wanpela sipsip man, na em i wokim strongpela promis, na em i wokim sakrifais i go long Bikpela long wanpela samting i sting. Long wanem, Mi wanpela nambawan King, BIKPELA bilong ol ami i tok, na nem bilong Mi em i samting bilong pret tru namel long ol haiden.