¹ Då no muren var uppbygd, sette eg inn dørerne. Og portvakti tilsett; like eins songarane og levitarne.

² Og eg sette yver Jerusalem Hanani, bror min, og Hananja, borghovdingen; han vart halden for ein framifrå truverdig og gudleg mann.

³ Og eg sagde til deim: «Portarne i Jerusalem må ikkje verta opna fyrr soli tek til å hita. Og medan vakti endå stend på post, skal dørerne verta stengde og læste, og nye vaktfolk skal stella seg upp av borgararne i Jerusalem, kvar på post, kvar utanfor sitt hus.»

⁴ Byen var vid og stor, men folket i honom var fåment, og husi var ikkje uppbygde.

⁵ Eg fekk då den inngivnad av min Gud at eg skulde stemna i hop dei adelborne og formennerne og heile folket til uppskriving i ættarlista. Då fann eg ættarlista yver deim som fyrst hadde fare heim. Og der fann eg skrive:

⁶ Her kjem talet på dei fylkesbuarne som for heim or utlægdi, dei som Nebukadnessar, kongen i Babel, hadde ført burt, og som no for heim att til Jerusalem og Juda, kvar til sin by.

⁷ Dei fylgde Zerubbabel og Jesua, Nehemia og Azarja, Ra’amja og Nahamani, Mordokai og Bilsan, Misperet og Bigvai, Nehum og Ba’ana. - Dette er manntalet yver alle mennerne i Israels-lyden:

⁸ Paros-sønerne, tvo tusund eit hundrad og tvo og sytti;

⁹ Sefatja-sønerne, tri hundrad og tvo og sytti;

¹⁰ Arahs-sønerne, seks hundrad og tvo og femti;

¹¹ Pahat-Moabs-sønerne, av Jesua- og Joabs-sønerne, tvo tusund åtte hundrad og attan;

¹² Elams-sønerne, eit tusund tvo hundrad og fire og femti;

¹³ Zattu-sønerne, åtte hundrad og fem og fyrti;

¹⁴ Zakkai-sønerne, sju hundrad og seksti;

¹⁵ Binnui-sønerne, seks hundrad og åtte og fyrti;

¹⁶ Bebai-sønerne, seks hundrad og åtte og tjuge;

¹⁷ Azgads-sønerne, tvo tusund tri hundrad og tvo og tjuge;

¹⁸ Adonikams-sønerne, seks hundrad og sju og seksti;

¹⁹ Bigvai-sønerne, tvo tusund og sju og seksti;

²⁰ Adins-sønerne, seks hundrad og fem og femti;

²¹ Aters-sønerne av Hizkia-ætti, åtte og nitti;

²² Hasums-sønerne, tri hundrad og åtte og tjuge;

²³ Besai-sønerne, tri hundrad og fire og tjuge;

²⁴ Harifs-sønerne, hundrad og tolv;

²⁵ Gibeons-sønerne, fem og nitti;

²⁶ mennerne frå Betlehem og Netofa, hundrad og åtte og åtteti;

²⁷ mennerne frå Anatot, hundrad og åtte og tjuge;

²⁸ mennerne frå Bet-Azmavet, tvo og fyrti;

²⁹ mennerne frå Kirjat-Jearim, Kefira og Be’erot, sju hundrad og tri og fyrti;

³⁰ mennerne frå Rama og Geba, seks hundrad og ein og tjuge;

³¹ mennerne frå Mikmas, hundrad og tvo og tjuge;

³² mennerne frå Betel og Aj, hundrad og tri og tjuge;

³³ mennerne frå det andre Nebo, tvo og femti;

³⁴ den andre Elam søner, eit tusund tvo hundrad og fire og femti;

³⁵ Harims-sønerne, tri hundrad og tjuge;

³⁶ Jeriko-sønerne, tri hundrad og fem og fyrti;

³⁷ Lods-, Hadids- og Ono-sønerne, sju hundrad og ein og tjuge;

³⁸ Sena’a-sønerne, tri tusund ni hundrad og tretti.

³⁹ Av prestarne: Jedaja-sønerne av Jesua-ætti, ni hundrad og tri og sytti;

⁴⁰ Immers-sønerne, eit tusund og tvo og femti;

⁴¹ Pashurs-sønerne, eit tusund tvo hundrad og sju og fyrti;

⁴² Harims-sønerne, eit tusund og syttan.

⁴³ Av levitarne: Jesua-sønerne av Kadmiels-ætti, av Hodeva-sønerne, fire og sytti.

⁴⁴ Av songarane: Asafs-sønerne, hundrad og åtte og fyrti.

⁴⁵ Av dørvaktarane: Sallums-sønerne, Aters-sønerne, Talmons-sønerne, Akkubs-sønerne, Hatita-sønerne, Sobai-sønerne, hundrad og åtte og tretti.

⁴⁶ Av tempelsveinarne: Siha-sønerne, Hasufa-sønerne, Tabbaots-sønerne,

⁴⁷ Keros-sønerne, Sia-sønerne, Padons-sønerne,

⁴⁸ Lebana-sønerne, Hagaba-sønerne, Salmai-sønerne,

⁴⁹ Hanans-sønerne, Giddels-sønerne, Gahars-sønerne,

⁵⁰ Reaja-sønerne, Resins-sønerne, Nekoda-sønerne,

⁵¹ Gazzams-sønerne, Uzza-sønerne, Paseahs-sønerne,

⁵² Besai-sønerne, Me’unims-sønerne, Nefussims-sønerne,

⁵³ Bakbuks-sønerne, Hakufa-sønerne, Harhurs-sønerne,

⁵⁴ Basluts-sønerne, Mehida-sønerne, Harsa-sønerne,

⁵⁵ Barkos-sønerne, Sisera-sønerne, Tamahs-sønerne,

⁵⁶ Nesiahs-sønerne, Hatifa-sønerne.

⁵⁷ Av sønerne åt Salomo-sveinarne: Sotai-sønerne, Soferets-sønerne, Perida-sønerne,

⁵⁸ Ja’ala-sønerne, Darkons-sønerne, Giddels-sønerne.

⁵⁹ Sefatja-sønerne, Hattils-sønerne, Pokeret-Hassebajims-sønerne, Amons-sønerne.

⁶⁰ Alle tempelsveinarne og sønerne åt Salomo-sveinarne var i alt tri hundrad og tvo og nitti.

⁶¹ Frå Tel-Melah og Tel-Harsa, Kerub og Addon og Immer for dei ut dei som her skal nemnast; men dei kunde ingi greida gjeva um federne sine og ætti, - um dei i det heile høyrde Israels-folket til; det var:

⁶² Delaja-sønerne, Tobia-sønerne og Nekoda-sønerne, seks hundrad og tvo og fyrti,

⁶³ og av prestarne: Habaja-sønerne, Hakkos-sønerne, sønerne åt Barzillai, han som hadde teke ei av døtterne åt Gileads-mannen Barzillai til kona og fekk namn etter deim.

⁶⁴ Desse leita etter ættartavlorne sine, men kunde ikkje finna deim; difor vart dei kjende uverdige til å vera prestar.

⁶⁵ Jarlen dømde at dei ikkje måtte eta av det høgheilage fyrr det stod fram ein prest med urim og tummim.

⁶⁶ Heile lyden var i alt tvo og fyrti tusund tri hundrad og seksti,

⁶⁷ umfram trælarne og trælkvinnorne; talet på deim var sju tusund tri hundrad og sju og tretti. Dertil kom tvo hundrad og fem og fyrti songarar, karar og kvende.

⁶⁸ Dei hadde sju hundrad og seks og tretti hestar, tvo hundrad og fem og fyrti muldyr,

⁶⁹ fire hundrad og fem og tretti kamelar, og seks tusund sju hundrad og tjuge asen.

⁷⁰ Nokre av ættehovdingane ytte pengehjelp til arbeidet. Jarlen lagde i kassa fem tusund dalar i gull, femti skåler, og fem hundrad og tretti prestekjolar.

⁷¹ Og nokre av ættarhovdingarne lagde i byggjekassa hundrad tusund dalar i gull og seks og seksti tusund dalar i sylv.

⁷² Og det som hitt folket gav, var hundrad tusund dalar i gull, seksti tusund dalar i sylv, og sju og seksti prestekjolar.

⁷³ Prestarne og levitarne og dørvaktarane og songarane, og nokre av lyden, og tempelsveinarne og heile Israel elles sette då bu i sine byar. Då den sjuande månaden kom, var Israels-sønerne i sine byar.