¹ ¶ Na moa tu tok bilong BIKPELA i kam long Jeremaia namba tu taim, taim em i pas yet long ples op bilong kalabus, i spik,

² BIKPELA husat i wokim dispela, BIKPELA husat i wokim gut dispela, bilong strongim dispela, BIKPELA em i nem bilong Em, i tok olsem,

³ Singaut long Mi, na Mi bai bekim yu, na soim yu ol bikpela na strongpela samting, dispela yu no save long en.

⁴ Long wanem, BIKPELA, God bilong Isrel, i tok olsem long sait bilong ol haus bilong dispela biktaun, na long sait bilong ol haus bilong ol king bilong Juda, dispela ol i tromoi i go daun wantaim ol liklik maunten, na wantaim bainat,

⁵ Ol i kam bilong pait wantaim ol lain Kaldia, tasol em i bilong pulimapim ol wantaim ol daibodi bilong ol man, husat Mi bin kilim i dai long belhat bilong Mi na long belhat nogut tru bilong Mi, na bilong olgeta husat, bilong tingim pasin nogut bilong ol, Mi bin haitim pes bilong Mi long dispela biktaun.

⁶ Lukim, Mi bai bringim long en pasin bilong i no gat sik na i orait olgeta, na Mi bai oraitim ol, na Mi bai kamapim ples klia long ol dispela bel isi na pasin tru i planti moa yet.

⁷ Na Mi bai mekim kalabus bilong Juda na kalabus bilong Isrel long kam bek, na Mi bai wokim ol, olsem Mi mekim pastaim.

⁸ Na Mi bai klinim ol long olgeta sin nogut bilong ol, we long ol ol i bin mekim sin i birua long Mi. Na Mi bai lusim pe bilong olgeta sin nogut bilong ol, we long ol ol i bin mekim sin, na we long ol ol i bin kalapim lo i birua long Mi.

⁹ Na em bai stap long Mi wanpela nem bilong amamas tru, wanpela biknem na wanpela ona long ai bilong olgeta kantri long dispela graun, husat bai harim olgeta gutpela samting Mi mekim long ol. Na ol bai pret na guria long tingim olgeta dispela gutpela pasin na long tingim olgeta dispela gutpela sindaun Mi bai kisim i go long en.

¹⁰ ¶ BIKPELA i tok olsem, Na gen ol bai harim long dispela ples, dispela yupela i tok bai stap nating na i no gat man na i no gat animal, yes, long ol biktaun bilong Juda, na long ol rot bilong Jerusalem, dispela i stap nating, na i no gat man, na i no gat man i stap long en, na i no gat animal,

¹¹ Nek bilong amamas tru, na nek bilong amamas, na nek bilong man i laik marit, na nek bilong meri i laik marit, nek bilong ol husat bai tok, Litimapim nem bilong BIKPELA bilong ol ami. Long wanem, BIKPELA em i gutpela. Long wanem, sori bilong Em i stap strong yet oltaim oltaim. Na ol bai harim nek bilong ol husat bai bringim sakrifais bilong litimapim Em insait long haus bilong BIKPELA. Long wanem, Mi bai mekim kalabus bilong dispela hap long kam bek, olsem long pastaim, BIKPELA i tok.

¹² BIKPELA bilong ol ami i tok olsem, Na gen long dispela ples, dispela i stap nating na i no gat man na i no gat animal, na long olgeta biktaun bilong en, bai stap wanpela ples bilong ol wasman bilong sipsip bilong mekim ol lain sipsip bilong ol long slip i go daun.

¹³ Long ol biktaun bilong ol maunten, long ol biktaun bilong ol ples daun, na long ol biktaun bilong hap saut, na long hap bilong Benjamin, na long ol ples nabaut long Jerusalem, na long ol biktaun bilong Juda, bai ol lain sipsip i wokabaut gen aninit long ol han bilong em husat i kaunim ol, BIKPELA i tok.

¹⁴ Lukim, ol de i kam, BIKPELA i tok, long Mi bai wokim dispela gutpela samting Mi bin promis pinis long hauslain bilong Isrel na long hauslain bilong Juda.

¹⁵ Long ol dispela de, na long dispela taim, bai Mi mekim Han Diwai bilong stretpela pasin long go bikpela i go long Devit. Na em bai mekim kot na stretpela pasin long dispela hap.

¹⁶ Long ol dispela de Mi bai kisim bek Juda, na Jerusalem bai stap gut. Na dispela em i nem we ol man bai kolim antap long em, BIKPELA, stretpela pasin bilong mipela.

¹⁷ ¶ Long wanem, BIKPELA i tok olsem, Devit bai i no inap sot long wanpela man bilong sindaun antap long sia king bilong hauslain bilong Isrel.

¹⁸ Na tu ol pris, ol lain Livai, bai i no inap sot long wanpela man long sanap long ai bilong Mi bilong ofaim ol ofa i kuk olgeta, na bilong kirapim paia long kukim ol ofa bilong kaikai, na bilong wokim ol sakrifais olgeta taim.

¹⁹ Na tok bilong BIKPELA i kam long Jeremaia, i spik,

²⁰ BIKPELA i tok olsem, Sapos yupela i ken brukim kontrak bilong Mi wantaim san, na kontrak bilong Mi wantaim nait, na long bai i no ken gat san na nait long taim Mi makim bilong ol,

²¹ Orait tu kontrak bilong Mi wantaim wokboi bilong Mi Devit i ken bruk, inap long em i no gat ken wanpela pikinini man bilong em bilong bosim kingdom antap long sia king bilong em, na wantaim ol pris bilong lain Livai, ol wokman bilong Mi.

²² Olsem ol i no inap kaunim ami bilong heven, na tu ol i no inap skelim ol wesan bilong biksi, olsem tasol bai Mi mekim tumbuna pikinini bilong wokboi bilong Mi Devit, na ol lain Livai husat i wokim wok long Mi, long kamap planti moa.

²³ Na moa tu tok bilong BIKPELA i kam long Jeremaia, i spik,

²⁴ Ating i yes long yu tingim na skelim dispela lain manmeri i bin toktok wanem, i spik, Dispela tupela famili husat BIKPELA i bin makim, yes, Em i bin rausim ol i go ausait? Olsem tasol ol i bin tingim ol manmeri bilong Mi olsem ol i samting nating, inap long ol i no ken stap wanpela kantri moa long ai bilong ol.

²⁵ BIKPELA i tok olsem, Sapos kontrak bilong Mi i no stap wantaim san na nait, na sapos Mi no bin makim ol lo bilong heven na graun,

²⁶ Orait bai Mi rausim i go ausait tumbuna pikinini bilong Jekop, na wokboi bilong Mi Devit, inap long Mi bai i no inap kisim wanpela bilong tumbuna pikinini bilong em bilong stap ol hetman long bosim tumbuna pikinini bilong Ebraham, Aisak, na Jekop. Long wanem, Mi bai mekim kalabus bilong ol long kam bek, na Mi bai gat sori long ol.