¹ ¶ Olsem na, Jop, mi askim yu plis, harim ol toktok bilong mi, na harim gut olgeta toktok bilong mi.

² Lukim, nau mi bin opim maus bilong mi, tang bilong mi i bin toktok insait long maus bilong mi.

³ Ol toktok bilong mi bai stap long stretpela pasin bilong bel bilong mi. Na tupela lip bilong maus bilong mi bai kolim save tru klia.

⁴ Spirit bilong God i bin wokim mi, na win bilong Man i Gat Olgeta Strong i bin givim mi laip.

⁵ Sapos yu ken bekim tok long mi, putim ol toktok bilong yu long lain long ai bilong mi, sanap.

⁶ Lukim, bilong bihainim laik tru bilong yu, mi stap long ples bilong God. Mi tu God i wokim ausait long retpela graun.

⁷ Lukim, pret nogut tru bilong mi i no inap mekim yu pret, na tu han bilong mi i no inap stap hevi antap long yu.

⁸ ¶ Tru tumas, yu bin toktok long harim bilong mi, na mi bin harim nek bilong ol toktok bilong yu, i spik,

⁹ Mi stap klin na mi no kalapim lo, mi no mekim rong. Na tu i no gat sin nogut insait long mi.

¹⁰ Lukim, Em i painim ol sans long birua long mi, Em i kaunim mi olsem birua bilong Em.

¹¹ Em i putim tupela lek bilong mi insait long ol diwai i kalabusim hanlek, Em i makim olgeta liklik rot bilong mi.

¹² Lukim, long dispela yu no stap stretpela. Mi bai bekim tok long yu, long God i winim man.

¹³ Bilong wanem yu laik pait strong i birua long Em? Long wanem, Em i no mas givim stori gut long wanpela bilong ol samting Em i mekim.

¹⁴ ¶ Long wanem, God i toktok wanpela taim, yes, tupela taim, tasol man i no kisim save long dispela.

¹⁵ Insait long wanpela driman, long wanpela driman samting bilong nait, taim slip i dip tru i pundaun antap long ol man, insait long ol hap slip antap long bet,

¹⁶ Nau em i opim ol ia bilong ol man, na pasim tok bilong skul Em i givim ol,

¹⁷ Inap long Em i ken surikim man long as bilong wok Em i gat long ol, na haitim hambak pasin long man.

¹⁸ Em i holimpas tewel bilong em long bikpela hul, na laip bilong em long dai olgeta long bainat.

¹⁹ ¶ Man i kisim stik tu wantaim pen antap long bet bilong em, na long planti bun tru bilong em wantaim strongpela pen,

²⁰ Inap long laip bilong em i ting bret i sting olgeta, na tewel bilong em naispela kaikai.

²¹ Hangre i kaikai bodi bilong em olgeta, inap long ol i no inap lukim dispela. Na ol bun bilong em ol man i no lukim i kamap ples klia.

²² Yes, tewel bilong em i wok long go klostu long matmat, na laip bilong em long ol man bilong bagarapim olgeta.

²³ Sapos i gat wanpela mausman wantaim em, wanpela man bilong tanim tok, wanpela namel long 1,000, bilong soim man stretpela pasin bilong Em,

²⁴ Nau Em i soim marimari long em, na tok, Kisim bek em long em i no go daun long bikpela hul. Mi bin painim pinis wanpela pe bilong baim bek.

²⁵ Bodi bilong em bai stap nupela moa long bodi bilong wanpela pikinini. Em bai go bek long ol de bilong em bilong stap yangpela.

²⁶ Em bai beten i go long God, na Em bai mekim gutpela long em. Na em bai lukim pes bilong Em wantaim amamas tru. Long wanem, Em bai bekim stretpela pasin bilong man i go long em.

²⁷ Em i lukim ol man, na sapos wanpela i tok, Mi bin mekim sin, na paulim dispela samting i stretpela, na dispela i no helpim mi,

²⁸ Em bai kisim bek tewel bilong em long i go daun long bikpela hul, na laip bilong em bai lukim lait.

²⁹ ¶ Harim, olgeta dispela samting God i wokim planti taim wantaim man,

³⁰ Bilong bringim tewel bilong em i kam bek long bikpela hul, bilong kisim lait wantaim lait bilong ol man i stap laip.

³¹ Luksave gut, O Jop, harim gut long mi. Pasim maus bilong yu, na mi bai toktok.

³² Sapos yu gat wanpela samting long toktok, bekim tok long mi. Toktok, long wanem, mi gat laik long mekim yu kamap stretpela.

³³ Sapos nogat, harim gut long mi. Pasim maus bilong yu, na mi bai skulim yu long save tru.