¹ ¶ Na em i kamap olsem, taim Devit na ol lain bilong em i kam long Siklak long namba tri de, long ol lain Amalek i bin kam insait long pait long hap saut, na Siklak, na paitim Siklak, na kukim dispela olgeta wantaim paia.

² Na ol i bin kisim ol meri i go kalabus, husat i stap insait long en. Ol i no kilim i dai wanpela, bikpela o liklik, tasol ol i karim ol i go, na ol i go long rot bilong ol.

³ Olsem na Devit na ol lain bilong em i kam long dispela biktaun, na, lukim, em i kuk olgeta wantaim paia. Na ol meri bilong ol, na ol pikinini man bilong ol, na ol pikinini meri bilong ol, ol lain kisim i go kalabus.

⁴ Nau Devit na ol lain husat i stap wantaim em i apim nek bilong ol na krai tru, inap long ol i no gat pawa moa long krai tru.

⁵ Na tupela meri bilong Devit ol i karim i go kalabus, meri Jesril Ahinoam, na Abigel, meri bilong man Karmel Nebal.

⁶ Na Devit i pilim bikpela wari tru. Long wanem, ol lain i toktok long tromoi ol ston long em, bilong wanem, tewel bilong olgeta lain i gat bel sori, olgeta wan wan man long tingim ol pikinini man bilong em na long tingim ol pikinini meri bilong em. Tasol Devit i strongim em yet insait long BIKPELA, God bilong em.

⁷ ¶ Na Devit i tokim pris Abaiatar, pikinini man bilong Ahimelek, Mi askim yu plis, bringim dispela ifat hia long mi. Na Abaiatar i bringim dispela ifat long Devit long dispela hap.

⁸ Na Devit i askim long BIKPELA, i spik, Bai mi go ran bihainim dispela liklik ami? Bai mi kamap long ol? Na Em i bekim tok long em, Ran bihainim. Long wanem, tru tumas, yu bai kamap long ol, na yu no inap fel long kisim bek gen olgeta samting.

⁹ Olsem na Devit i go, em na dispela 600 man husat i stap wantaim em, na kamap long liklik wara Besor, we ol i lusim ol dispela husat i stap bek yet.

¹⁰ Tasol Devit i ran bihainim ol, em na 400 man. Long wanem, 200 man i stap bek, husat i laik hap i dai inap long ol i no inap go hapsait long liklik wara Besor.

¹¹ Na ol i lukim wanpela man Isip long ples kunai, na bringim em long Devit, na givim em bret, na em i bin kaikai. Na ol i mekim em dring wara.

¹² Na ol i givim em wanpela hap bilong wanpela kek bilong ol fik, na tupela lain bung bilong ol resen. Na taim em i bin kaikai pinis, spirit bilong em i kam bek long em gen. Long wanem, em i no bin kaikai bret, o dringim wanpela hap wara, tripela de na tripela nait.

¹³ Na Devit i tokim em, Yu bilong husat? Na yu bilong we? Na em i tok, Mi wanpela yangpela man bilong Isip, wokboi bilong wanpela man Amalek. Na bikman bilong mi i lusim mi, bilong wanem, tripela de i go pinis mi kamap sik.

¹⁴ Mipela i go insait bilong pait long hap saut bilong ol lain Keretait, na long dispela hap arere i bilong Juda, na long hap saut bilong Kelep. Na mipela kukim Siklak wantaim paia.

¹⁵ Na Devit i tokim em, Yu inap long bringim mi daun long dispela lain soldia? Na em i tok, Wokim strongpela promis long mi long nem bilong God, long yu no inap kilim mi, o givim mi long han bilong bikman bilong mi tu, na mi bai bringim yu daun long dispela lain soldia.

¹⁶ Na taim em i bin bringim em i kam daun, lukim, ol i bruk nabaut antap long olgeta hap bilong graun, taim ol i kaikai na dring, na danis, bilong wanem, long tingim olgeta dispela bikpela kago bilong pait ol i bin kisim i kam ausait long hap bilong ol Filistin, na ausait long hap bilong Juda.

¹⁷ Na Devit i paitim ol i stat long las lait bilong apinun, yes, i go inap long apinun tru bilong de bihain. Na i no gat wanpela man i ranawe olgeta bilong ol, 400 yangpela man tasol, husat i ran antap long ol kemel, na ranawe.

¹⁸ Na Devit i kisim bek gen olgeta samting lain Amalek i bin karim i go. Na Devit i kisim bek tupela meri bilong em.

¹⁹ Na i no gat wanpela samting i sot long ol, liklik samting o bikpela samting tu, ol pikinini man o ol pikinini meri tu, o ol kago bilong pait tu, o wanpela samting long ol i bin kisim i kam long ol. Devit i kisim bek gen olgeta.

²⁰ Na Devit i kisim olgeta lain sipsip na lain bulmakau, dispela ol i ranim i go pas long ol dispela arapela bulmakau samting, na tok, Dispela em i kago bilong pait bilong Devit.

²¹ ¶ Na Devit i kam long dispela 200 man, husat i laik hap i dai inap long ol i no inap long bihainim Devit, husat ol i bin mekim ol tu long stap long liklik wara Besor. Na ol i kam ausait long bungim Devit, na long bungim ol lain husat i stap wantaim em. Na taim Devit i kam klostu long ol lain, em i tok gude long ol.

²² Nau olgeta man nogut na ol man bilong Belial, bilong ol dispela husat i go wantaim Devit, i bekim na tok, Bikos ol i no go wantaim yumi, yumi bai i no inap givim ol wanpela hap bilong dispela kago bilong pait yumi bin kisim bek gen, long olgeta wan wan man tasol meri bilong em, na ol pikinini bilong em, inap long ol i ken karim ol i go, na lusim dispela hap.

²³ Nau Devit i tok, Yupela i no ken mekim olsem, ol brata bilong mi, wantaim dispela samting BIKPELA i bin givim yumi, husat i bin mekim yumi stap gut yet, na givim dispela lain soldia husat i kam birua long yumi long han bilong yumi.

²⁴ Long wanem, husat bai harim long yupela long dispela samting? Tasol olsem hap bilong man husat i go daun long pait, olsem tasol bai hap i stap bilong husat man i stap yet klostu long kago. Tupela bai brukim wankain.

²⁵ Na em i stap olsem, long dispela de i go, long em i mekim dispela wanpela lo ol i raitim na wanpela lo ol i makim bilong Isrel inap long tude.

²⁶ Na taim Devit i kam long Siklak, em i salim bilong dispela kago bilong pait i go long ol lapun hetman bilong Juda, yes, long ol pren bilong em, i spik, Lukim presen bilong yupela bilong kago bilong pait bilong ol birua bilong BIKPELA,

²⁷ Long ol husat i stap long Betel, na long ol husat i stap long hap saut bilong Ramot, na long ol husat i stap long Jatir,

²⁸ Na long ol husat i stap long Aroa, na long ol husat i stap long Sipmot, na long ol husat i stap long Estemoa,

²⁹ Na long ol husat i stap long Rakal, na long ol husat i stap long ol biktaun bilong ol lain Jeramel, na long ol husat i stap long ol biktaun bilong ol lain Ken,

³⁰ Na long ol husat i stap long Horma, na long ol husat i stap long Korasan, na long ol husat i stap long Atak,

³¹ Na long ol husat i stap long Hibron, na long olgeta ples we Devit em yet na ol lain bilong em i save gat laik long raun long en.