¹ ¶ Nau ol Filistin i bungim wantaim ol ami bilong ol long pait, na ol i bung wantaim long Soko, dispela i bilong Juda, na sanapim haus sel namel long Soko na Aseka, long Efes-damin.

² Na Sol na ol man bilong Isrel i bung wantaim, na sanapim haus sel klostu long ples daun bilong Ila, na putim pait long lain i birua long ol Filistin.

³ Na ol Filistin i sanap long maunten long wanpela sait, na Isrel i sanap long maunten long arapela sait. Na i gat wanpela ples daun namel long ol.

⁴ Na i gat wanpela nambawan man bilong winim pait i go ausait long kem bilong ol Filistin, nem bilong en em Golaiat, bilong Gat, husat antap bilong em i sikispela kyubit na wanpela span.

⁵ Na em i gat hat ain antap long het bilong em, na em i werim klos pait long wanpela saket ain. Na hevi bilong dispela saket em 5,000 sekel bras.

⁶ Na em i gat ol kapa bras antap long tupela lek bilong em, na plang bilong han bras namel long tupela sol bilong han bilong em.

⁷ Na handel bilong spia bilong tromoi bilong em i stap olsem bikpela hap diwai bilong man bilong wokim laplap. Na hevi bilong het bilong spia bilong tromoi bilong em em 600 sekel ain. Na wanpela i karim wanpela plang i go pas long em.

⁸ Na em i sanap na singaut long ol ami bilong Isrel, na tokim ol, Bilong wanem yupela i kam ausait long putim ol soldia bilong yupela long lain? Ating i yes long mi wanpela Filistin, na yupela i ol wokboi bilong Sol? Yupela makim wanpela man bilong yupela, na larim em i kam daun long mi.

⁹ Sapos em i stap inap long pait wantaim mi, na long kilim mi, orait bai mipela i stap ol wokboi bilong yupela. Tasol sapos mi winim em, na kilim em, orait yupela bai stap ol wokboi bilong mipela, na bihainim mipela.

¹⁰ Na Filistin i tok, Mi duim ol ami bilong Isrel tude. Givim mi wanpela man, inap long mitupela i ken pait wantaim.

¹¹ Taim Sol na olgeta Isrel i harim ol dispela tok bilong dispela Filistin, ol i wari planti, na ol i gat bikpela pret.

¹² ¶ Nau Devit em i pikinini man bilong dispela man Efrat bilong Betlehem-juda, husat nem bilong em em Jesi. Na em i gat etpela pikinini man. Na dispela man i wokabaut namel long ol man olsem lapun man long taim bilong Sol.

¹³ Na tripela pikinini man bilong Jesi i bikpela moa i go na bihainim Sol long pait. Na ol nem bilong tripela pikinini man bilong em husat i go long pait em Eliap, namba wan pikinini, na bihain long em Abinadap, na namba tri Sama.

¹⁴ Na Devit em i las. Na tripela i bikpela moa i bihainim Sol.

¹⁵ Tasol Devit i bin lusim Sol na go bek long givim kaikai long ol sipsip bilong papa bilong em long Betlehem.

¹⁶ Na dispela Filistin i kam klostu moning na apinun tru, na soim em yet 40 de.

¹⁷ Na Jesi i tokim pikinini man bilong em Devit, Kisim nau bilong ol brata bilong yu wanpela ifa bilong dispela wit samting i drai olgeta, na dispela tenpela hap bret, na ran i go long kem bilong ol brata bilong yu.

¹⁸ Na karim dispela tenpela hap sis long kepten bilong 1,000 bilong ol, na luksave long ol brata bilong yu i stap olsem wanem, na kisim mak bilong promis bilong ol.

¹⁹ Nau Sol, na ol, na olgeta man bilong Isrel, i stap long ples daun bilong Ila, na pait wantaim ol Filistin.

²⁰ Na Devit i kirap long moning tru, na lusim ol sipsip long han bilong wanpela wasman, na kisim ol samting, na go, olsem Jesi i bin tok strong long em. Na em i kam long dispela baret bilong hait, taim ami i go ausait bilong pait, na singaut bilong pait.

²¹ Long wanem, Isrel na ol Filistin i bin putim ol lain bilong pait, ami i birua long ami.

²² Na Devit i lusim ol samting ol i karim bilong em long han bilong wasman bilong samting ol i karim, na ran i go insait long ami, na kam na tok gude long ol brata bilong em.

²³ Na taim em i toktok wantaim ol, lukim, dispela man bilong winim pait i kam antap, dispela Filistin bilong Gat, nem bilong en em Golaiat, ausait long ol ami bilong ol Filistin, na toktok bilong bihainim ol dispela wankain toktok stret. Na Devit i harim ol toktok.

²⁴ Na olgeta man bilong Isrel, taim ol i lukim dispela man, i ranawe long em, na ol i pret tru.

²⁵ Na ol man bilong Isrel i tok, Ating yupela i bin lukim dispela man husat i kam antap? Tru tumas, em i kam antap long duim Isrel. Na em bai stap olsem, long husat man i kilim em, king bai mekim em i kamap maniman wantaim bikpela planti mani samting tru, na em bai givim pikinini meri bilong em long em, na mekim hauslain bilong papa bilong em fri insait long Isrel.

²⁶ Na Devit i tokim ol man husat i sanap klostu long em, i spik, Wanem samting bai kamap long man husat i kilim dispela Filistin, na tekewe dispela sem long Isrel? Long wanem, dispela Filistin i no katim skin em i husat, inap long em i ken duim ol ami bilong God i stap laip?

²⁷ Na ol lain i bekim tok long em i bihainim dispela pasin, i spik, Olsem tasol ol bai mekim dispela long man husat i kilim em.

²⁸ Na namba wan brata bilong em Eliap i harim taim em i toktok wantaim ol man. Na belhat bilong Eliap i kirap i birua long Devit, na em i tok, Bilong wanem yu kam daun long hia? Na yu bin lusim dispela liklik lain sipsip long ples i no gat man wantaim husat? Mi save long bikhet pasin bilong yu, na pasin nogut i stap insait long bel bilong yu. Long wanem, yu bin kam daun inap long yu ken lukim pait.

²⁹ Na Devit i tok, Mi bin mekim wanem nau? Ating i yes long i gat as bilong pait?

³⁰ Na em i tanim long em long go long narapela, na toktok long toktok i bihainim dispela wankain pasin. Na ol lain i bekim tok long em gen i bihainim dispela wankain pasin bilong bipo.

³¹ ¶ Na taim ol i harim ol dispela toktok Devit i tok, ol i stori gen long ol long ia bilong Sol. Na em i salim tok long bringim em i kam.

³² Na Devit i tokim Sol, No ken larim bel bilong wanpela man fel bikos em i tingim em. Wokboi bilong yu bai go na pait wantaim dispela Filistin.

³³ Na Sol i tokim Devit, Yu no stap inap long go birua long dispela Filistin long pait wantaim em. Long wanem, yu stap wanpela yangpela man tasol, na em i man bilong bikpela pait taim em i yangpela inap long nau.

³⁴ Na Devit i tokim Sol, Wokboi bilong yu i lukautim ol sipsip bilong papa bilong em, na wanpela laion i kam, na wanpela bea, na kisim wanpela pikinini sipsip ausait long lain sipsip.

³⁵ Na mi go ausait na bihainim em, na paitim em, na kisim bek dispela ausait long maus bilong em. Na taim em i kirap na birua long mi, mi holimpas em long mausgras bilong em, na paitim em, na kilim em i dai.

³⁶ Wokboi bilong yu i kilim i dai laion na bea wantaim. Na dispela Filistin i no katim skin bai stap olsem wanpela bilong ol, taim yumi luksave long em i bin duim ol ami bilong God i stap laip.

³⁷ Devit i tok moa tu, BIKPELA husat i kisim bek mi ausait long han bilong laion, na ausait long han bilong bea, Em bai kisim bek mi ausait long han bilong dispela Filistin. Na Sol i tokim Devit, Goan, na BIKPELA i ken stap wantaim yu.

³⁸ Na Sol i putim klos pait long Devit wantaim klos pait bilong em, na em i putim hat ain antap long het bilong em. Na tu em i putim klos pait long em wantaim wanpela saket ain.

³⁹ Na Devit i pasim bainat bilong em antap long klos pait bilong em, na em i laik traim pastaim long i go. Long wanem, em i no bin pruvim dispela. Na David i tokim Sol, Mi no ken go wantaim ol dispela samting. Long wanem, mi no bin pruvim ol. Na Devit i rausim ol long em.

⁴⁰ ¶ Na em i kisim stik bilong em long han bilong em, na makim bilong em faipela ston i no rap liklik i kam ausait long liklik wara, na putim ol long dispela bilum bilong wasman bilong sipsip em i gat, yes, insait long wanpela liklik bek. Na katapel bilong em i stap long han bilong em. Na em i wok long go klostu long dispela Filistin.