¹ I go long namba wan man bilong wokim Musik antap long Nekinot, Maskil, Wanpela Sam bilong Devit, taim ol lain Sif i bin i kam na tokim Sol, Ating Devit i no haitim em yet wantaim mipela, a?¶ O God, long nem bilong Yu, Yu mas kisim bek mi. Na long strong bilong Yu, Yu mas jasim mi.

² O God, Yu mas harim prea bilong mi. Yu mas harim ol tok bilong maus bilong mi.

³ Long wanem ol man bilong longwe ples ol i kirap na birua long mi. Na ol man bilong givim hevi ol i wok long kisim tewel bilong mi. Ol i no bin putim God i stap long ai bilong ol. Sela.

⁴ ¶ Harim, God i stap helpim bilong mi. Bikpela i stap wantaim ol man i strongim tewel bilong mi.

⁵ Bai Em i bekim pe nogut long ol birua bilong mi. Long tok tru bilong Yu, Yu mas rausim ol.

⁶ Bai mi amamas long wokim sakrifais long Yu. O BIKPELA, bai mi litimapim nem bilong Yu, long wanem em i gutpela.

⁷ Long wanem Em i bin tekewe mi i kamaut long olgeta hevi. Na ai bilong mi i bin lukim laik bilong Em i kamap long ol birua bilong mi.