¹ I go long namba wan man bilong wokim Musik, long Jedutun, Wanpela Sam bilong Devit.¶ Tru, tewel bilong mi i wet long God. Kisim bek bilong mi i kam l ong Em.

² Em wanpela i stap bikpela ston bilong mi na kisim bek bilong mi. Em i man i sambai long mi. Bai mi no surik planti.

³ Hamas taim bai yupela i tingting long raskol pasin bilong birua long man? Bai ol i kilim yupela i dai, yupela olgeta. Yupela bai i stap olsem banis i lindaun, na olsem banis i laik pundaun.

⁴ Ol i kisim tok helpim bilong mekim em i lusim gutpela ples tru na pundaun, em tasol. Ol i laikim ol tok giaman. Long maus bilong ol, ol i autim blesing, tasol insait l ong bel ol i mekim tok nogut. Sela.

⁵ Tewel bilong mi, yu mas wet long God tasol. Long wanem, samting mi wetim em i kam long Em.

⁶ Em wanpela i stap bikpela ston bilong mi na kisim bek bilong mi. Em i man i sambai long mi. Bai mi no surik.

⁷ Kisim bek bilong mi na glori bilong mi i stap long God. Bikpela ston bilong strong bilong mi na ples bilong mi stap gut em i stap long God.

⁸ ¶ Yupela i mas putim bilip bilong yupela long Em olgeta taim. Yupela manmeri, yupela i mas kapsaitim ol hevi bilong bel bilong yupela long pes bilong Em. God em i ples bilong yumi stap gut. Sela.

⁹ Tru ol man i no gat nem ol i stap samting nating, na ol man i gat nem ol i stap samting giaman. Ol i slipim ol long skel, na hevi bilong ol wantaim i stap aninit long samting nating.

¹⁰ Yupela i no ken putim bilip bilong yupela long pasin bilong nogutim arapela givim hevi. Na yupela i no ken kamap olsem samting nating long pasin stil. Sapos ol mani samting i kamap planti, yupela i no ken putim tingting bilong yupela planti long ol dispela.

¹¹ God i bin toktok wanpela taim. Tupela taim mi bin harim dispela, pawa i bilong God.

¹² Na tu, O Bikpela, sori i bilong Yu. Long wanem, Yu save bekim long olgeta wan wan man bilong bihainim wok bilong em.