¹ Wanpela Sam o Song bilong Esap.¶ O God, Yu no ken pasim maus. O God, Yu no ken pasim maus na Yu no ken i stap isi.

² Long wanem, harim, ol birua bilong Yu i mekim nois. Na ol man i no laikim tru Yu ol i bin litimapim het.

³ Ol i bin bung hait bilong mekim tok helpim i birua long ol manmeri bilong Yu. Na ol i bin kibung bilong painim rot bilong birua long ol manmeri bilong Yu i stap hait.

⁴ Ol i bin tok, Kaman, yumi pinisim ol bai ol i no stap kantri moa. Olsem na bai ol man i no tingim gen nem bilong Israel moa.

⁵ Long wanem ol i bin kibung wantaim na kamap wanbel. Ol i poroman wantaim na birua long Yu.

⁶ Em ol haus sel bilong Edom na ol Ismael, na bilong ol Moap na ol Hagar.

⁷ Em Gebal na Amon na Amalek. Em ol Filistia wantaim ol manmeri bilong Taia.

⁸ Asur tu i bin join wantaim ol. Ol i bin helpim lain tumbuna pikinini bilong Lot. Sela.

⁹ ¶ Yu mas mekim long ol olsem Yu bin mekim long ol Midian na long Sisera na long Jabin long wara Kison.

¹⁰ Ol i bin i dai pinis long Endor. Ol i bin kamap olsem pekpek bilong givim gris long dispela graun.

¹¹ Yu mas mekim ol bikman bilong ol i stap olsem Orep na Sep. Yes, Yu mas mekim olgeta hetman bilong ol i stap olsem Seba na Salmuna.

¹² Ol i bin tok, Yumi kisim bilong yumi yet ol haus bilong God.

¹³ O God bilong mi, Yu mas mekim ol i stap olsem wil, na olsem gras i drai na win i subim em i go.

¹⁴ Olsem paia i kukim bus, na olsem lait bilong paia i kukim ol maunten,

¹⁵ Olsem long traipela win bilong Yu, Yu mas givim hevi long ol. Na long bikpela bikpela klaut i pairap bilong Yu, Yu mas pretim ol.

¹⁶ Yu mas mekim ol pes bilong ol i pulap long sem. Olsem na ol i ken wok long painim nem bilong Yu, O BIKPELA.

¹⁷ Ol i ken paul na stap bel hevi oltaim oltaim. Yes, ol i ken kisim sem, na ol i ken lus.

¹⁸ Olsem na ol man i ken save, Yu stap antap tru na antap long olgeta hap bilong dispela graun olgeta. Nem bilong Yu tasol em JEHOVA.