¹ I go long namba wan man bilong wokim Musik antap long Nekinot, Wanpela Sam o Song bilong Esap.¶ Long Juda ol i save long God. Nem bilong Em i stap bikpela long Israel.

² Na tu haus sel bilong Em i stap long Salem. Na ples Em i save stap long en em i stap long Saion.

³ Long dispela hap, Em i bin brukim ol spia bilong banara, na hap plang, na bainat, na pait. Sela.

⁴ Glori na namba bilong Yu i winim ol maunten bilong ol prais ol i kisim long pait.

⁵ Ol i bin kisim ol samting bilong ol man i gat strongpela bel, ol dispela man i bin slip bilong slip bilong ol. Na i no gat wanpela namel long ol strongpela man i bin painim pinis ol han bilong ol.

⁶ O God bilong Jekop, taim Yu hatim ol, Yu mekim karis bilong pait wantaim hos i slip i dai tru.

⁷ ¶ Ol man i mas pret long Yu, yes Yu. Na husat inap sanap long ai bilong Yu taim Yu belhat?

⁸ Yu bin mekim ol i harim stretpela kot i kam long heven. Dispela graun i bin pret na stap isi,

⁹ Taim God i bin kirap bilong wokim kot, na bilong kisim bek olgeta manmeri bilong dispela graun i bihainim pasin isi. Sela.

¹⁰ Tru tumas belhat tru bilong man bai litimapim nem bilong Yu. Na bai Yu pasim belhat tru i stap yet.

¹¹ Mekim strongpela promis long God BIKPELA bilong yupela, na baim dispela. Larim olgeta man i stap nabaut long Em ol i mas bringim ol presen i kam long Man ol man i mas pret long Em.

¹² Bai Em i rausim spirit bilong ol hetman. Em i stap Man ol king bilong dispela graun i mas pret long Em.