Chapter 118
1 Блажени непорочнии в путь, ходящии в законе Господни.
Original Hebrew
2 Блажени испытающии свидения Его, всем сердцем взыщут Его.
Original Hebrew
3 Не делающии бо беззакония в путех Его ходиша.
Original Hebrew
4 Ты заповедал еси заповеди Твоя сохранити зело:
Original Hebrew
5 дабы исправилися путие мои, сохранити оправдания Твоя.
Original Hebrew
6 Тогда не постыжуся, внегда призрети ми на вся заповеди Твоя.
Original Hebrew
7 Исповемся Тебе в правости сердца, внегда научитимися судбам правды Твоея.
Original Hebrew
8 Оправдания Твоя сохраню: не остави мене до зела.
Original Hebrew
9 В чесом исправит юнейший путь свой? Внегда сохранити словеса Твоя.
Original Hebrew
10 Всем сердцем моим взысках Тебе: не отрини мене от заповедий Твоих.
Original Hebrew
11 В сердцы моем скрых словеса Твоя, яко да не согрешу Тебе.
Original Hebrew
12 Благословен еси, Господи: научи мя оправданием Твоим.
Original Hebrew
13 Устнама моима возвестих вся судбы уст Твоих.
Original Hebrew
14 На пути свидений Твоих насладихся, яко о всяком богатстве.
Original Hebrew
15 В заповедех Твоих поглумлюся, и уразумею пути Твоя.
Original Hebrew
16 Во оправданиих Твоих поучуся: не забуду словес Твоих.
Original Hebrew
17 Воздаждь рабу Твоему: живи мя, и сохраню словеса Твоя.
Original Hebrew
18 Открый очи мои, и уразумею чудеса от закона Твоего.
Original Hebrew
19 Пришлец аз есмь на земли: не скрый от мене заповеди Твоя.
Original Hebrew
20 Возлюби душа моя возжелати судбы Твоя на всякое время.
Original Hebrew
21 Запретил еси гордым: прокляти уклоняющиися от заповедий Твоих.
Original Hebrew
22 Отими от мене понос и уничижение, яко свидений Твоих взысках.
Original Hebrew
23 Ибо седоша князи и на мя клеветаху, раб же Твой глумляшеся во оправданиих Твоих:
Original Hebrew
24 ибо свидения Твоя поучение мое есть, и совети мои оправдания Твоя.
Original Hebrew
25 Прильпе земли душа моя: живи мя по словеси Твоему.
Original Hebrew
26 Пути моя возвестих, и услышал мя еси: научи мя оправданием Твоим.
Original Hebrew
27 Путь оправданий Твоих вразуми ми, и поглумлюся в чудесех Твоих.
Original Hebrew
28 Воздрема душа моя от уныния: утверди мя в словесех Твоих.
Original Hebrew
29 Путь неправды отстави от мене и законом Твоим помилуй мя.
Original Hebrew
30 Путь истины изволих и судбы Твоя не забых.
31 Прилепихся свидением Твоим, Господи, не посрами мене.
32 Путь заповедий Твоих текох, егда разширил еси сердце мое.
33 Законоположи мне, Господи, путь оправданий Твоих, и взыщу и выну:
34 вразуми мя, и испытаю закон Твой и сохраню и всем сердцем моим.
35 Настави мя на стезю заповедий Твоих, яко тую восхотех.
36 Приклони сердце мое во свидения Твоя, а не в лихоимство.
37 Отврати очи мои еже не видети суеты: в пути Твоем живи мя.
38 Постави рабу Твоему слово Твое в страх Твой.
39 Отими поношение мое, еже непщевах: яко судбы Твоя благи.
40 Се, возжелах заповеди Твоя: в правде Твоей живи мя.
41 И да приидет на мя милость Твоя, Господи, спасение Твое по словеси Твоему:
42 и отвещаю поношающым ми слово, яко уповах на словеса Твоя.
43 И не отими от уст моих словесе истинна до зела, яко на судбы Твоя уповах:
44 и сохраню закон Твой выну, в век и в век века.
45 И хождах в широте, яко заповеди Твоя взысках:
46 и глаголах о свидениих Твоих пред цари и не стыдяхся:
47 и поучахся в заповедех Твоих, яже возлюбих зело:
48 и воздвигох руце мои к заповедем Твоим, яже возлюбих, и глумляхся во оправданиих Твоих.
49 Помяни словеса Твоя рабу Твоему, ихже упование дал ми еси.
50 То мя утеши во смирении моем, яко слово Твое живи мя.
51 Гордии законопреступоваху до зела: от закона же Твоего не уклонихся.
52 Помянух судбы Твоя от века, Господи, и утешихся.
53 Печаль прият мя от грешник, оставляющих закон Твой.
54 Пета бяху мне оправдания Твоя на месте пришелствия моего.
55 Помянух в нощи имя Твое, Господи, и сохраних закон Твой.
56 Сей бысть мне, яко оправданий Твоих взысках.
57 Часть моя еси, Господи: рех сохранити закон Твой.
58 Помолихся лицу Твоему всем сердцем моим: помилуй мя по словеси Твоему.
59 Помыслих пути Твоя и возвратих нозе мои во свидения Твоя.
60 Уготовихся и не смутихся сохранити заповеди Твоя.
61 Ужя грешник обязашася мне, и закона Твоего не забых.
62 Полунощи востах исповедатися Тебе о судбах правды Твоея.
63 Причастник аз есмь всем боящымся Тебе и хранящым заповеди Твоя.
64 Милости Твоея, Господи, исполнь земля: оправданием Твоим научи мя.
65 Благость сотворил еси с рабом Твоим, Господи, по словеси Твоему:
66 благости и наказанию и разуму научи мя, яко заповедем Твоим веровах.
67 Прежде даже не смиритимися, аз прегреших: сего ради слово Твое сохраних.
68 Благ еси Ты, Господи: и благостию Твоею научи мя оправданием Твоим.
69 Умножися на мя неправда гордых: аз же всем сердцем моим испытаю заповеди Твоя.
70 Усырися яко млеко сердце их: аз же закону Твоему поучихся.
71 Благо мне, яко смирил мя еси, яко да научуся оправданием Твоим.
72 Благ мне закон уст Твоих паче тысящ злата и сребра.
73 Руце Твои сотвористе мя и создасте мя: вразуми мя, и научуся заповедем Твоим.
74 Боящиися Тебе узрят мя и возвеселятся, яко на словеса Твоя уповах.
75 Разумех, Господи, яко правда судбы Твоя, и воистинну смирил мя еси.
76 Буди же милость Твоя, да утешит мя, по словеси Твоему рабу Твоему:
77 да приидут мне щедроты Твоя, и жив буду, яко закон Твой поучение мое есть:
78 да постыдятся гордии, яко неправедно беззаконноваша на мя: аз же поглумлюся в заповедех Твоих.
79 Да обратят мя боящиися Тебе и ведящии свидения Твоя.
80 Буди сердце мое непорочно во оправданиих Твоих, яко да не постыжуся.
81 Изчезает во спасение Твое душа моя, на словеса Твоя уповах:
82 изчезоша очи мои в слово Твое, глаголюще: когда утешиши мя?
83 Зане бых яко мех на слане: оправданий Твоих не забых.
84 Колико есть дний раба Твоего? Когда сотвориши ми от гонящих мя суд?
85 Поведаша мне законопреступницы глумления, но не яко закон Твой, Господи.
86 Вся заповеди Твоя истина: неправедно погнаша мя, помози ми.
87 Вмале не скончаша мене на земли: аз же не оставих заповедий Твоих.
88 По милости Твоей живи мя, и сохраню свидения уст Твоих.
89 Во век, Господи, слово Твое пребывает на небеси.
90 В род и род истина Твоя: основал еси землю, и пребывает.
91 Учинением Твоим пребывает день: яко всяческая работна Тебе.
92 Яко аще бы не закон Твой поучение мое был, тогда убо погибл бых во смирении моем:
93 во век не забуду оправданий Твоих, яко в них оживил мя еси.
94 Твой есмь аз, спаси мя: яко оправданий Твоих взысках.
95 Мене ждаша грешницы погубити мя: свидения Твоя разумех.
96 Всякия кончины видех конец: широка заповедь Твоя зело.
97 Коль возлюбих закон Твой, Господи: весь день поучение мое есть.
98 Паче враг моих умудрил мя еси заповедию Твоею, яко в век моя есть.
99 Паче всех учащих мя разумех, яко свидения Твоя поучение мое есть.
100 Паче старец разумех, яко заповеди Твоя взысках.
101 От всякаго пути лукава возбраних ногам моим, яко да сохраню словеса Твоя:
102 от судеб Твоих не уклонихся, яко Ты законоположил ми еси.
103 Коль сладка гортани моему словеса Твоя: паче меда устом моим.
104 От заповедий Твоих разумех: сего ради возненавидех всяк путь неправды.
105 Светилник ногама моима закон Твой, и свет стезям моим.
106 Кляхся и поставих сохранити судбы правды Твоея.
107 Смирихся до зела: Господи, живи мя по словеси Твоему.
108 Вольная уст моих благоволи же, Господи, и судбам Твоим научи мя.
109 Душа моя в руку Твоею выну, и закона Твоего не забых.
110 Положиша грешницы сеть мне: и от заповедий Твоих не заблудих.
111 Наследовах свидения Твоя во век, яко радование сердца моего суть:
112 приклоних сердце мое сотворити оправдания Твоя в век за воздаяние.
113 Законопреступныя возненавидех, закон же Твой возлюбих.
114 Помощник мой и заступник мой еси Ты: на словеса Твоя уповах.
115 Уклонитеся от мене, лукавнующии, и испытаю заповеди Бога моего.
116 Заступи мя по словеси Твоему, и жив буду: и не посрами мене от чаяния моего:
117 помози ми, и спасуся, и поучуся во оправданиих Твоих выну.
118 Уничижил еси вся отступающыя от оправданий Твоих: яко неправедно помышление их.
119 Преступающыя непщевах вся грешныя земли: сего ради возлюбих свидения Твоя.
120 Пригвозди страху Твоему плоти моя: от судеб бо Твоих убояхся.
121 Сотворих суд и правду: не предаждь мене обидящым мя.
122 Восприими раба Твоего во благо, да не оклеветают мене гордии.
123 Очи мои изчезосте во спасение Твое и в слово правды Твоея:
124 сотвори с рабом Твоим по милости Твоей, и оправданием Твоим научи мя.
125 Раб Твой есмь аз: вразуми мя, и увем свидения Твоя.
126 Время сотворити Господеви: разориша закон Твой.
127 Сего ради возлюбих заповеди Твоя паче злата и топазиа.
128 Сего ради ко всем заповедем Твоим направляхся, всяк путь неправды возненавидех.
129 Дивна свидения Твоя: сего ради испыта я душа моя.
130 Явление словес Твоих просвещает и вразумляет младенцы.
131 Уста моя отверзох и привлекох дух, яко заповедий Твоих желах.
132 Призри на мя и помилуй мя, по суду любящих имя Твое.
133 Стопы моя направи по словеси Твоему, и да не обладает мною всякое беззаконие:
134 избави мя от клеветы человеческия, и сохраню заповеди Твоя.
135 Лице Твое просвети на раба Твоего и научи мя оправданием Твоим.
136 Исходища водная изведосте очи мои, понеже не сохраних закона Твоего.
137 Праведен еси, Господи, и прави суди Твои:
138 заповедал еси правду свидения Твоя, и истину зело.
139 Истаяла мя есть ревность Твоя: яко забыша словеса Твоя врази мои.
140 Разжжено слово Твое зело, и раб Твой возлюби е.
141 Юнейший аз есмь и уничижен: оправданий Твоих не забых.
142 Правда Твоя правда во век, и закон Твой истина.
143 Скорби и нужди обретоша мя: заповеди Твоя поучение мое.
144 Правда свидения Твоя в век: вразуми мя, и жив буду.
145 Воззвах всем сердцем моим, услыши мя, Господи: оправдания Твоя взыщу.
146 Воззвах Ти, спаси мя, и сохраню свидения Твоя.
147 Предварих в безгодии и воззвах: на словеса Твоя уповах.
148 Предваристе очи мои ко утру, поучитися словесем Твоим.
149 Глас мой услыши, Господи, по милости Твоей: по судбе Твоей живи мя.
150 Приближишася гонящии мя беззаконием: от закона же Твоего удалишася.
151 Близ еси Ты, Господи, и вси путие Твои истина.
152 Исперва познах от свидений Твоих, яко в век основал я еси.
153 Виждь смирение мое и изми мя: яко закона Твоего не забых.
154 Суди суд мой и избави мя: словесе ради Твоего живи мя.
155 Далече от грешник спасение, яко оправданий Твоих не взыскаша.
156 Щедроты Твоя многи, Господи: по судбе Твоей живи мя.
157 Мнози изгонящии мя и стужающии ми: от свидений Твоих не уклонихся.
158 Видех неразумевающыя и истаях: яко словес Твоих не сохраниша.
159 Виждь, яко заповеди Твоя возлюбих: Господи, по милости Твоей живи мя.
160 Начало словес Твоих истина, и во век вся судбы правды Твоея.
161 Князи погнаша мя туне: и от словес Твоих убояся сердце мое.
162 Возрадуюся аз о словесех Твоих, яко обретаяй корысть многу.
163 Неправду возненавидех и омерзих: закон же Твой возлюбих.
164 Седмерицею днем хвалих Тя о судбах правды Твоея.
165 Мир мног любящым закон Твой, и несть им соблазна.
166 Чаях спасения Твоего, Господи, и заповеди Твоя возлюбих.
167 Сохрани душа моя свидения Твоя и возлюби я зело.
168 Сохраних заповеди Твоя и свидения Твоя, яко вси путие мои пред Тобою, Господи.
169 Да приближится моление мое пред Тя, Господи: по словеси Твоему вразуми мя.
170 Да внидет прошение мое пред Тя: Господи, по словеси Твоему избави мя.
171 Отрыгнут устне мои пение, егда научиши мя оправданием Твоим.
172 Провещает язык мой словеса Твоя, яко вся заповеди Твоя правда.
173 Да будет рука Твоя еже спасти мя, яко заповеди Твоя изволих.
174 Возжелах спасение Твое, Господи, и закон Твой поучение мое есть.
175 Жива будет душа моя и восхвалит Тя: и судбы Твоя помогут мне.
176 Заблудих яко овча погибшее: взыщи раба Твоего, яко заповедий Твоих не забых.