¹ Men Anden segjer klårleg, at i dei komande tider skal sume falla frå trui og halda seg til dårande ånder og lærdomar av djevlar

² ved hykling av falske lærarar, som er brennemerkte i sitt eige samvit,

³ som forbyd å gifta seg og påbyd å halda seg frå mat, som Gud hev skapt til å verta motteken med takk av deim som trur og hev lært sanningi å kjenna.

⁴ For all Guds skapning er god, og inkje er til å vanda, når det vert motteke med takk;

⁵ for det vert helga med Guds ord og bøn.

⁶ Når du lærer brørne dette, so er du ein god Jesu Kristi tenar, med di du vert uppfødd med ordi av trui og den gode lærdomen som du hev fylgt.

⁷ Men haldt deg frå dei vanheilage og kjerringslege eventyr, men tem deg derimot upp i gudlegdom!

⁸ For den likamlege tamen er gagnleg til lite, men gudlegdom er gagnleg til alt; med di han hev lovnad for det livet som no er og for det som kjem.

⁹ Det ord er sant og all fagning verdt.

¹⁰ For difor både arbeider me og lid hæding, for di me hev sett vår von til den livande Gud, som er frelsar for alle menneskje, mest dei truande.

¹¹ Dette skal du bjoda og læra.

¹² Lat ingen vanvyrda deg for din ungdom, men ver eit fyredøme for dei truande i tale, i ferd, i kjærleik, i tru, i reinleik!

¹³ Til dess eg kjem, so legg vinn på fyrelesnaden, på påminningi, på læra!

¹⁴ Vanskøyt ikkje den nådegåva som er i deg, som vart gjevi deg ved profetord med handpåleggjing av dei eldste!

¹⁵ Tenk på dette, liv i dette, so din framgang kann vera kunnig for alle!

¹⁶ Gjev agt på deg sjølv og på læra, haldt ved med det! for når du det gjer, skal du frelsa både deg sjølv og deim som høyrer deg.