Namba Wan Pas Bilong Aposel Pol i Go Long

2 Timoti

¹ ¶ Pol, wanpela aposel bilong Jisas Kraist long laik bilong God, bilong bihainim dispela promis bilong laip i stap insait long Kraist Jisas,

² I go long Timoti, pikinini man bilong mi i stap klostu tru long bel bilong mi. Marimari, sori, na bel isi i kam long Papa God na Kraist Jisas, Bikpela bilong yumi.

³ Mi tok tenkyu long God, husat mi bihainim i stat long ol tumbuna papa bilong mi wantaim mausbel i klin, long mi no bin lusim pasin bilong holim tingting long yu long ol beten bilong mi nait na san.

⁴ Mi gat bikpela laik long lukim yu, taim mi tingting long ol aiwara bilong yu, inap long mi ken pulap wantaim amamas tru,

⁵ Taim mi tingim gen dispela bilip tru i no gat giaman i stap insait long yu, dispela i stap pastaim insait long bubu mama bilong yu Lois, na mama bilong yu Yunis. Na mi gat strongpela tingting pinis long em i stap insait long yu tu.

⁶ ¶ Olsem na mi mekim yu tingim gen long yu mas kirapim gut dispela presen bilong God i stap insait long yu taim mi putim tupela han bilong mi antap long yu.

⁷ Long wanem, God i no bin givim yumi spirit bilong pret, tasol bilong pawa, na bilong laikim tru, na bilong stretpela tingting.

⁸ Olsem na yu no ken sem long testimoni bilong Bikpela bilong yumi, o long mi, kalabusman bilong em. Tasol yu mas stap man bilong kisim hap bilong ol taim hevi bilong gutnius bilong bihainim pawa bilong God.

⁹ Husat i bin kisim bek yumi, na singautim yumi wantaim wanpela singaut i holi, i no bilong bihainim ol wok bilong yumi, tasol bilong bihainim tingting bilong mekim samting bilong em yet na marimari, dispela em i givim yumi insait long Kraist Jisas bipo dispela graun i stat,

¹⁰ Tasol nau em i kamap ples klia taim Man Bilong Kisim Bek bilong yumi Jisas Kraist i kamap ples klia, husat i bin pinisim dai olgeta, na husat i bin bringim laip na pasin bilong i no ken dai long lait long wok bilong gutnius.

¹¹ We God i makim mi wanpela man bilong autim tok long en, na wanpela aposel, na wanpela tisa bilong ol man i no Ju.

¹² Long dispela as mi karim hevi tu long ol dispela samting. Tasol mi no sem. Long wanem, mi save long husat mi bin putim bilip, na mi gat strongpela tingting pinis long em i inap long holimpas dispela samting mi bin putim long han bilong em long redi long dispela de.

¹³ Holimpas strong dispela piksa tasol bilong ol stretpela toktok, dispela yu bin harim long mi, long dispela bilip tru na laikim tru i stap insait long Kraist Jisas.

¹⁴ Dispela gutpela samting, dispela God i putim long han bilong yu, holimpas long wok bilong Holi Spirit, husat i stap insait long yumi.

¹⁵ ¶ Dispela yu save, long ol olgeta husat i stap long Esia i tanim na lusim mi, bilong husat em Fijelas na Hermojenis.

¹⁶ Bikpela i givim pasin sori long hauslain bilong Onesiforas. Long wanem, planti taim em i strongim mi gen, na em i no sem long sen bilong mi.

¹⁷ Tasol, taim em i stap long Rom, em i wok strong tru long painim mi, na em i painim mi pinis.

¹⁸ Bikpela i ken orait long em long em i ken painim pinis sori bilong Bikpela long dispela de. Na long hamas ol samting em i wokim wok long mi long Efesas, yu save gutpela tru.