¹ I ME, ri ai saraui kan, komail me pwaisanekier en lang a eker, komail madamadaua duen wanporon o samero lapalap en atail lamalam: Iesus.

² Me melel ong i me kasapwilada i, dueta Moses me melel wasa karos nan tanpas en Kot.

³ Pwe lingan en Ol men et me lapa sang lingan en Moses, dueta aramas amen, me wiadar im eu, me kaka sang im o.

⁴ Pwe im karos wiauieda ren aramas amen, a me wiadar meakan karos, iei Kot.

⁵ A Moses me melel ni a koaki tanpas en Kot, dueta papa amen, pwen saunkadede en meakan me pan lokido.

⁶ A Kristus me udan Na, ap melel nan pein tanpas a. A tanpas a iei kitail, ma kitail kolekoleta poson o peren en kaporopor lao lel imwi.

⁷ I me Ngen saraui kotin masani: Ran wet, ma komail pan rong kapitie,

⁸ Komail der kapitakaila mongiong omail, due ni ansau en kaongiong ni ran en songesong nan sap tan.

⁹ Wasa me sam omail akan kakaudud o kasosong ia o irail kilanger ai wiawia kan saunpar paeisok.

¹⁰ Iei me I makaraki pan ti o, ap inda: Mongiong arail kin poden sapungla. A irail solelapokki ai al akan.

¹¹ Iei me I kaukila ni ai makar: Irail sota pan konodi ai moleilei.

¹² Kalaka ri ai kan, pwe mongiong en amen de suedela, ap so poson o muei wei sang Kot ieias.

¹³ A komail panau pena ran karos arain omail kak inda: Ran wet; pwe amen de kapitakai kila widing en dip.

¹⁴ Pwe kitail wialar kisan Kristus, ma kitail kolekoleta tapin atail liki lao imwisokela.

¹⁵ Duen a lokido: Ran wet, ma komail pan rong kapitie, komail de kapitakaila mongiong omail, due ni ansau en kaongiong.

¹⁶ A is irail, me kaudud ong i ni ar rongadar? Kaidin irail karos, me ko wei sang Äkipten ren Moses?

¹⁷ A is irail, me a kotin ongiong kidar par paeisok? Kaidin irail, me wiadar dip, me war arail pupedi nan sap tan?

¹⁸ A is irail, me a kotin kaukila, me re sota pan konodi a moleilei? Kaidin irail eta, me sota peiki ong i.

¹⁹ Ari, kitail diarada, me re sota kak, konodi, aki ar so poson.