¹ ¶ Olsem na yumi mas wok strong moa tru long bihainim ol dispela samting yumi bin harim, nogut long wanpela taim yumi ken larim ol i go lus.

² Long wanem, sapos dispela tok ol ensel i toktok em i sanap strong, na olgeta wan wan pasin bilong kalapim lo na pasin bilong sakim tok i kisim bekim pe bilong en i stretpela,

³ Yumi bai ranawe olsem wanem, sapos yumi i slek long kisim dispela nambawan kisim bek olsem, dispela Bikpela i stat pastaim long toktok long en, na ol husat i harim em i strongim dispela long yumi?

⁴ God tu i stap witnes long ol, wantaim ol mak na ol samting bilong winim tingting wantaim, na wantaim ol kain kain mirakel, na ol presen bilong Holi Spirit, bilong bihainim laik bilong em yet.

⁵ ¶ Long wanem, Em i no bin putim dispela skai na graun long kamap bihain aninit long ol ensel, we yumi toktok long en.

⁶ Tasol wanpela long wanpela ples stret i tokaut klia, i spik, Man em wanem, inap long yu gat tingting long em, o pikinini man bilong man, inap long yu kam lukim em?

⁷ Yu bin mekim namba bilong em i liklik moa long ol ensel. Yu putim hat king long em wantaim glori na ona, na yu bin putim em long bosim ol wok bilong tupela han bilong yu.

⁸ Yu bin putim olgeta samting aninit long tupela lek bilong em. Long wanem, bikos em i putim olgeta samting aninit long em, em i no lusim wanpela samting em i no putim aninit long em. Tasol nau yumi no lukim olgeta samting yet i go aninit long em.

⁹ Tasol yumi lukim Jisas, husat God i mekim i go aninit liklik long ol ensel inap long em i ken karim pen bilong dai, na God i ken putim hat king long em wantaim glori na ona. Inap long em, long marimari bilong God, i ken testim dai bilong helpim olgeta wan wan man.

¹⁰ ¶ Long wanem, dispela em inap long em, bilong helpim husat olgeta samting i stap, na long wok bilong husat olgeta samting i stap, long bringim planti pikinini man i go long glori, long mekim kepten bilong kisim bek bilong ol inap tru long ol pasin bilong karim pen.

¹¹ Long wanem, em husat i mekim i kamap holi na ol husat i kamap holi wantaim, olgeta i bilong wanpela. Long dispela as em i no gat sem long kolim ol ol brata,

¹² I spik, Mi bai tokaut long nem bilong yu long ol brata bilong mi, insait long namel bilong sios bai mi singim song bilong givim biknem long yu.

¹³ Na gen, Mi bai putim bilip bilong mi long em. Na gen, Lukim, mi na ol pikinini husat God i bin givim mi.

¹⁴ ¶ Nau bikos ol pikinini i kisim hap long bodi na blut, wankain olsem em tu em yet i kisim hap bilong dispela stret, inap long, long wok bilong dai em i ken bagarapim olgeta em husat i gat pawa bilong dai, em i olsem, Seten,

¹⁵ Na kisim bek ol husat long wok bilong pret long dai, olgeta taim bilong laip bilong ol ol i stap aninit long kalabus.

¹⁶ Long wanem, tru tumas, em i no kisim long em yet kain stret bilong ol ensel, tasol em i kisim long em yet long kamap tumbuna pikinini bilong Ebraham.

¹⁷ Olsem na long olgeta samting em i gutpela long em long kamap wankain olsem ol brata bilong em, inap long em i ken stap wanpela hetpris i pulap long sori na hetpris yu inap bilip long em long ol samting long sait bilong God, long mekim wanbel pasin i kamap gen taim em i rausim ol sin bilong ol manmeri.

¹⁸ Long wanem, bikos em yet i bin karim pen taim Seten i traim em, em i inap long helpim ol husat i kisim traim.