¹ ¶ Long ol dispela de Jon dispela Baptist i kam, na autim tok long ples i no gat man bilong Judia,

² Na tok, Yupela tanim bel. Long wanem, kingdom bilong heven i stap klostu.

³ Long wanem, dispela em em husat profet Eseas i toktok long En, i spik, Nek bilong wanpela i singaut long ples i no gat man, Yupela redim rot bilong Bikpela, mekim ol liklik rot bilong em stretpela.

⁴ Na dispela Jon stret i gat ol klos bilong em bilong gras bilong kemel, na wanpela bikpela let bilong skin bilong animal i pas nabaut long namel bilong bel bilong em. Na kaikai bilong em em ol lokas na wail hani.

⁵ Nau olman bilong Jerusalem i go ausait long em, na olgeta Judia, na olgeta hap graun raun nabaut long Jordan,

⁶ Na ol i kisim baptais long em long Jordan, taim ol i autim ol sin bilong ol.

⁷ ¶ Tasol taim em i lukim planti bilong ol Farisi na ol Sadyusi i kam long baptais bilong em, em i tokim ol, O lain tumbuna bilong ol vaipa, husat i bin tok lukaut long yupela long ranawe long dispela belhat tru long kamap bihain?

⁸ Olsem na karim ol kaikai i fit long pasin bilong tanim bel.

⁹ Na no ken tingting long toktok insait long yupela yet, Mipela i gat Ebraham i stap papa bilong mipela. Long wanem, mi tokim yupela, long God em inap long kirapim ol pikinini long Ebraham long ol dispela ston.

¹⁰ Na nau tu ol i slipim akis long rop daunbilo bilong ol diwai. Olsem na olgeta wan wan diwai husat i no karim gutpela kaikai ol i katim i go daun, na tromoi i go long paia.

¹¹ Em i tru long mi givim baptais long yupela wantaim wara i go long pasin bilong tanim bel. Tasol em husat i kam bihain long mi i strongpela moa long mi, husat ol su bilong em mi no gat namba inap long karim. Em bai givim baptais long yupela wantaim Holi Spirit, na wantaim paia.

¹² Husat samting bilong wokim win i stap long han bilong em, na em bai klinim olgeta hap bilong plua bilong em, na bungim wit bilong em i go insait long bakstua bilong wit. Tasol em bai kukim ol skin bilong wit olgeta wantaim paia i no inap long dai.

¹³ ¶ Nau Jisas i lusim Galili i kam long Jordan long Jon, long kisim baptais long em.

¹⁴ Tasol Jon i tok nogat long em, i spik, Mi gat nid long kisim baptais long yu, na yu kam long mi?

¹⁵ Na Jisas i bekim tok na tokim em, Larim dispela long stap olsem nau. Long wanem, em i gutpela long yumi olsem long inapim olgeta stretpela pasin. Nau em i larim em.

¹⁶ Na Jisas, taim em i kisim baptais, i go kwiktaim ausait long wara. Na, harim, ol heven i op long em, na em i lukim Spirit bilong God i kam daun olsem balus, na pundaun antap long em.

¹⁷ Na harim, wanpela nek i kam long heven, i spik, Dispela em i Pikinini Man bilong mi i stap klostu tru long bel bilong mi, long husat mi gat amamas tru.