¹ ¶ Na taim em i bin singautim twelpela disaipel bilong em i kam long em, em i givim ol pawa long birua long ol spirit i no klin, long rausim ol, na long oraitim olgeta kain kain sik na olgeta kain kain sik nogut.

² Nau ol nem bilong dispela twelpela aposel em i olsem, namba wan, Saimon, husat ol i kolim Pita, na brata bilong em Andru, Jems, pikinini man bilong Sebedi, na brata bilong em Jon,

³ Filip, na Bartolomyu, Tomas, na man bilong kisim takis Matyu, Jems, pikinini man bilong Alfias, na Lebias, husat narapela nem bilong em em Tadias.

⁴ Man Kenan Saimon, na Judas Iskariot, husat tu i putim em long han bilong birua.

⁵ ¶ Ol dispela twelpela Jisas i salim i go ausait, na tok strong long ol, i spik, No ken go long rot bilong ol man i no Ju, na insait long wanpela biktaun bilong ol lain Samaria yupela i no ken go.

⁶ Tasol mobeta, go long ol sipsip i lus bilong hauslain bilong Isrel.

⁷ Na taim yupela i go, autim tok, i spik, Kingdom bilong heven i stap klostu.

⁸ Oraitim ol sikman, klinim ol lepraman, kirapim ol daiman, rausim ol spirit nogut. Yupela i bin kisim nating, givim nating.

⁹ Na tu no ken redim gol, o silva, o bras insait long ol paus mani bilong yupela,

¹⁰ O liklik bek bilong wokabaut bilong yupela, o tupela saket, o ol su, o yet ol stik wokabaut. Long wanem, wokman em i gat namba inap long kisim kaikai bilong em.

¹¹ Na insait long wanem biktaun o taun yupela bai go insait, askim long husat insait long en em i gat namba inap long. Na long dispela hap stap inap long yupela i lusim dispela ples i go.

¹² Na taim yupela i kam insait long wanpela hauslain, tok gude long en.

¹³ Na sapos dispela hauslain i gat namba inap, larim bel isi bilong yupela kam antap long en. Tasol sapos em i no gat namba inap, larim bel isi bilong yupela kam bek long yupela.

¹⁴ Na husat man i no laik kisim yupela, o harim ol toktok bilong yupela, taim yupela i lusim dispela hauslain o biktaun, seksekim das i lusim ol lek bilong yupela.

¹⁵ Tru tumas, mi tokim yupela, Em bai stap orait moa long hap graun bilong Sodom na Gomora long de bilong kot, moa long dispela biktaun.

¹⁶ ¶ Lukim, mi salim yupela i go ausait olsem sipsip namel long ol wolf. Olsem na yupela i mas stap ol saveman olsem ol snek, na samting i no inap bagarapim liklik olsem ol balus.

¹⁷ Tasol lukaut gut long ol man. Long wanem, ol bai givim yupela i go long ol kaunsil, na ol bai wipim yupela long ol sinagog bilong ol.

¹⁸ Na ol bai bringim yupela long ai bilong ol nambawan gavman na ol king bilong tingim mi, bilong wanpela testimoni i birua long ol na ol man i no Ju.

¹⁹ Tasol taim ol i givim yupela i go, no ken tingting planti long yupela bai toktok wanem o olsem wanem. Long wanem, God bai givim long yupela long dispela aua stret wanem samting yupela bai toktok.

²⁰ Long wanem, em i no yupela husat i toktok, tasol Spirit bilong Papa bilong yupela husat i toktok insait long yupela.

²¹ Na brata bai givim brata i go long dai, na papa pikinini. Na ol pikinini bai kirap na birua long ol papamama bilong ol, na mekim long ol i ken mekim ol long dai.

²² Na olgeta man bai hetim yupela bilong tingim nem bilong mi. Tasol em husat i stap strong yet inap long pinis bai God i kisim bek.

²³ Tasol taim ol i givim hevi long yupela long dispela biktaun, yupela ranawe i go long narapela. Long wanem, tru tumas, mi tokim yupela, Yupela bai i no inap go long ol biktaun bilong Isrel pinis, inap long Pikinini Man bilong man i kam.

²⁴ Disaipel i no antap long tisa bilong em, o wokboi antap long bikman bilong em.

²⁵ Em inap long disaipel long em i ken stap olsem tisa bilong em, na wokboi olsem bikman bilong em. Sapos ol i bin kolim bikman bilong haus Bielsebap, hamas moa bai ol i kolim ol bilong hauslain bilong em?

²⁶ Olsem na no ken pret long ol. Long wanem, i no gat wanpela samting ol i karamapim, long em bai i no inap kamap ples klia, na hait, long ol man bai i no inap save long en.

²⁷ Wanem samting mi tokim yupela long tudak, yupela toktok long dispela long lait. Na wanem samting yupela i harim long ia, yupela autim tok long dispela antap long ol antap bilong haus.

²⁸ Na no ken pret long ol husat i kilim bodi, tasol ol i no inap long kilim tewel. Tasol mobeta yupela i pret long em husat em inap long bagarapim tewel olgeta na bodi wantaim long hel.

²⁹ Ating i yes long ol i salim tupela spero long wanpela fating? Na wanpela bilong ol bai i no inap pundaun long graun na Papa bilong yupela i no save.

³⁰ Tasol olgeta gras stret bilong het bilong yupela God i kaunim pinis.

³¹ Olsem na yupela i no ken pret, yupela i dia moa long planti spero.

³² Olsem na husat man bai tok yes long mi long ai bilong ol man, em bai mi tok yes long em tu long ai bilong Papa bilong mi husat i stap long heven.

³³ Tasol husat man bai tok nogat long mi long ai bilong ol man, bai mi tok nogat long em tu long ai bilong Papa bilong mi husat i stap long heven.

³⁴ No ken ting long mi kam long salim bel isi long dispela graun. Mi no kam long salim bel isi, tasol wanpela bainat.

³⁵ Long wanem, mi kam long putim wanpela man long stap narakain i birua long papa bilong em, na pikinini meri i birua long mama bilong em, na tambu pikinini meri i birua long tambu mama bilong em.

³⁶ Na ol birua bilong wanpela man bai i stap ol man bilong hauslain bilong em yet.

³⁷ Em husat i laikim tru papa o mama moa long mi em i no gat namba inap long mi. Na em husat i laikim tru pikinini man o pikinini meri moa long mi em i no gat namba inap long mi.

³⁸ Na em husat i no kisim diwai kros bilong em, na bihainim mi, em i no gat namba inap long mi.

³⁹ Em husat i painim pinis laip bilong em bai lusim dispela. Na em husat i lusim laip bilong em bilong bai painim dispela pinis.

⁴⁰ Em husat i kisim yupela i kisim mi, na em husat i kisim mi i kisim em husat i salim mi.

⁴¹ Em husat i kisim profet long nem bilong profet bai kisim wanpela pe bilong profet. Na em husat i kisim stretpela man long nem bilong stretpela man bai kisim wanpela pe bilong stretpela man.

⁴² Na husat man bai givim wanpela kap kol wara tasol long dring long wanpela bilong ol dispela liklik pikinini long nem bilong wanpela disaipel, tru tumas, mi tokim yupela, bai i no gat rot olgeta long pe bilong em i ken lus.