¹ ¶ Na em i go insait long wanpela sip, na go hapsait, na kam insait long biktaun bilong em yet.

² Na, lukim, ol i bringim long em wanpela man i sik long sik palsi, i slip long dispela bet. Na taim Jisas i lukim bilip tru bilong ol em i tokim man i sik long sik palsi, Pikinini man, stap wantaim gutpela amamas. Mi lusim ol sin bilong yu.

³ Na, lukim, sampela bilong ol man bilong rait i toktok insait long ol yet, Dispela man i tok bilas.

⁴ Na Jisas, taim em i save long ol tingting bilong ol, i tok, Olsem wanem na yupela i tingting nogut insait long ol bel bilong yupela?

⁵ Long wanem, wanem em i isi moa, long tok, Mi lusim ol sin bilong yu, o long tok, Kirap, na wokabaut?

⁶ Tasol inap long yupela i ken save long Pikinini Man bilong man i gat pawa long dispela graun long lusim ol sin, (nau em i tokim man i sik long sik palsi,) Kirap, kisim bet bilong yu i go antap, na go long haus bilong yu.

⁷ Na em i kirap, na lusim dispela hap i go long haus bilong em.

⁸ Tasol taim ol bikpela lain tru i lukim dispela, ol i tingting planti, na givim glori long God, husat i bin givim kain pawa olsem long ol man.

⁹ ¶ Na taim Jisas i wokabaut ausait i lusim dispela ples, em i lukim wanpela man, husat nem bilong emem Matyu, i sindaun bilong kisim kastam mani. Na em i tokim em, Bihainim mi. Na em i kirap, na bihainim em.

¹⁰ Na em i kamap olsem, taim Jisas i sindaun long kaikai long dispela haus, lukim, planti man bilong kisim takis na ol sinman i kam na sindaun wantaim em na ol disaipel bilong em.

¹¹ Na taim ol Farisi i lukim dispela, ol i tokim ol disaipel bilong em, Bilong wanem Tisa bilong yupela i kaikai wantaim ol man bilong kisim takis na ol sinman?

¹² Tasol taim Jisas i harim dispela, em i tokim ol, Ol husat i orait olgeta i no gat nid long wanpela dokta, tasol ol husat i sik i gat nid.

¹³ Tasol yupela go na lainim long dispela i mining wanem, Mi bai gat sori, na sakrifais nogat. Long wanem, mi no kam long singautim ol stretpela man, tasol ol sinman long tanim bel.

¹⁴ ¶ Nau ol disaipel bilong Jon i kam long em, i spik, Bilong wanem mipela na ol Farisi i tambuim kaikai planti taim, tasol ol disaipel bilong yu i no tambuim kaikai?

¹⁵ Na Jisas i tokim ol, Ating ol pikinini bilong rum bilong meri i laik marit bai soim sori, taim man i laik marit i stap yet wantaim ol? Tasol ol de bai kam, taim ol bai tekewe man i laik marit long ol, na nau ol bai tambuim kaikai.

¹⁶ I no gat man i putim nupela hap laplap i go long olpela klos, long wanem, dispela samting ol i putim insait long pulimapim dispela bai tekewe hap long dispela klos, na mekim bruk i nogut moa.

¹⁷ Na tu ol man i no putim nupela wain i go insait long ol olpela skin meme. Nogut ol skin meme i bruk, na wain i ran i go ausait, na ol skin meme i pinis olgeta. Tasol ol i putim nupela wain i go insait long ol nupela skin meme, na tupela wantaim i ken stap gut yet.

¹⁸ ¶ Taim em i tokim ol long ol dispela samting, lukim, i gat wanpela hetman i kam, na lotuim em, i spik, Pikinini meri bilong mi, yes, nau i dai pinis. Tasol kam na putim han bilong yu antap long em, na em bai stap laip.

¹⁹ Na Jisas i kirap, na bihainim em, na ol disaipel bilong em i mekim olsem.

²⁰ Na, lukim, wanpela meri, husat i gat sik nogut wantaim wanpela blut i kam ausait twelpela yia, i kam baksait long em, na tasim arere bilong klos bilong em.

²¹ Long wanem, em i tok insait long em yet, Sapos mi ken tasim klos bilong em tasol, mi bai stap orait olgeta.

²² Tasol Jisas i tanim em yet nabaut, na taim em i lukim em, em i tok, Pikinini meri, stap wantaim gutpela bel isi. Bilip tru bilong yu i bin mekim yu orait olgeta. Na dispela meri i kamap orait olgeta i stat long dispela aua stret.

²³ Na taim Jisas i kam insait long haus bilong dispela hetman, na lukim ol man bilong wokim musik na ol manmeri i wokim wanpela nois,

²⁴ Em i tokim ol, Givim spes. Long wanem, yangpela meri i no dai pinis, em i slip tasol. Na ol i lap long em inap long sem bilong tok bilas.

²⁵ Tasol taim em i rausim ol manmeri i go ausait, em i go insait, na kisim meri long han bilong em, na dispela yangpela meri i kirap.

²⁶ Na biknem tru bilong en i go ausait i go long olgeta dispela hap.

²⁷ ¶ Na taim Jisas i lusim dispela ples, tupela aipas man i bihainim em, na singaut, na tok, Yu Pikinini Man bilong Devit, sori long mitupela.

²⁸ Na taim em i kam insait long haus, tupela aipas man i kam long em. Na Jisas i tokim tupela, Yutupela i bilip long mi stap inap long mekim dispela? Ol i tokim em, Yes, Bikpela.

²⁹ Nau em i tasim ol ai bilong ol, i spik, Bilong bihainim bilip tru bilong yutupela em i ken kamap long yupela.

³⁰ Na ol ai bilong ol i op. Na Jisas i givim tok long ol stret, i spik, Lukaut gut long i no gat man i ken save long dispela.

³¹ Tasol ol, taim ol i lusim dispela hap, i mekim biknem tru bilong em long go nabaut ausait long olgeta dispela hap graun.

³² Taim ol i go ausait, lukim, ol i bringim long em wanpela mauspas man spirit nogut i holimpas.

³³ Na taim em i rausim dispela spirit nogut i go ausait, mauspas i toktok. Na dispela bikpela lain tru i tingting planti, i spik, Mipela i no bin lukim samting olsem bipo long Isrel.

³⁴ Tasol ol Farisi i tok, Em i rausim ol spirit nogut long wok bilong hetman bilong ol spirit nogut.

³⁵ ¶ Na Jisas i go nabaut long olgeta biktaun na vilis, na skulim ol manmeri insait long ol sinagog bilong ol, na autim gutnius bilong kingdom, na oraitim olgeta wan wan sik na olgeta wan wan sik nogut namel long ol manmeri.

³⁶ Tasol taim em i lukim ol bikpela lain tru, pasin sori i kirapim em long ol, bilong wanem, ol i hap i dai, na ol i bruk nabaut ausait, olsem ol sipsip taim ol i no gat wasman.

³⁷ Nau em i tokim ol disaipel bilong em, Tru tumas, kamautim bilong ol kaikai i planti tru, tasol ol man bilong hatwok i no planti.

³⁸ Olsem na yupela i mas beten long Bikpela bilong kamautim kaikai, inap long em bai salim ol man bilong hatwok i go ausait long kamautim bilong kaikai bilong em.