¹ ¶ Nau Pita na Jon i go antap wantaim insait long tempel long aua bilong prea, em i namba nain aua.

² Na ol man i karim i kam wanpela man i lek nogut i stat long taim mama i karim em, husat ol i slipim olgeta wan wan de long dua bilong banis bilong tempel ol i kolim Naispela Tru, long askim sori mani long ol husat i go insait long tempel,

³ Husat taim em i lukim Pita na Jon i redi long go insait long tempel, em i askim long wanpela sori mani.

⁴ Na Pita, taim em i pasim strong tupela ai bilong em long em wantaim Jon, i tok, Lukluk long mitupela.

⁵ Na em was gut long ol, taim em i gat strongpela hop long em bai kisim samting long ol.

⁶ Nau Pita i tok, Silva na gol mi no gat, tasol kain samting mi gat bai mi givim yu. Long nem bilong Jisas Kraist bilong Nasaret kirap na wokabaut.

⁷ Na em i kisim em long han sut, na apim em. Na wantu tupela fut na ol skru bilong bun bilong fut bilong em i kisim strong.

⁸ Na taim em i kalap em i sanap, na wokabaut, na go wantaim ol insait long tempel, taim em i wokabaut, na kalap kalap, na litimapim nem bilong God.

⁹ Na olgeta manmeri i lukim em i wokabaut na litimapim nem bilong God.

¹⁰ Na ol i save long em i dispela man husat i save sindaun bilong kisim sori mani long dua bilong banis Naispela Tru bilong tempel. Na ol i pulap wantaim samting bilong winim tingting na samting bilong kirap nogut tru long dispela samting i bin kamap long em.

¹¹ Na taim dispela lek nogut man husat i kamap orait pinis i holim Pita na Jon, olgeta manmeri i ran wantaim i go long ol long dispela veranda ol i kolim Bilong Solomon, na tingting planti tru.

¹² ¶ Na taim Pita i lukim dispela, em bekim tok long ol manmeri, Yupela ol man bilong Isrel, bilong wanem yupela i tingting planti long dispela? O bilong wanem yupela i lukluk strong olsem long mitupela, olsem long mitupela i bin mekim dispela man wokabaut wantaim pawa o pasin holi bilong mitupela yet?

¹³ God bilong Ebraham, na bilong Aisak, na bilong Jekop, God bilong ol tumbuna papa bilong yumi, i bin givim glori long Pikinini Man bilong em Jisas, husat yupela i bin givim i go, na tok nogat long em long pes bilong Pailat, taim em i pasim tok long em yet bilong larim em i go fri.

¹⁴ Tasol yupela i tok nogat long dispela Man Holi na dispela Stretpela Man, na yupela i gat laik long Pailat i ken givim long yupela wanpela man bilong kilim man.

¹⁵ Na yupela i kilim Hetman bilong laip, husat God i bin kirapim long dai, we mipela em ol witnes long en.

¹⁶ Na nem bilong em, long bilip tru long nem bilong em, i bin mekim dispela man strong, husat yupela i lukim na save. Yes, dispela bilip tru i kam long em i bin givim em dispela strong i inap tru long pes bilong yupela olgeta.

¹⁷ Na nau, ol brata, mi save long yupela i no klia na mekim dispela, olsem ol hetman bilong yupela tu i bin mekim.

¹⁸ Tasol ol dispela samting, dispela God i bin soim bipo long maus bilong olgeta profet bilong em, inap long Kraist i mas karim pen, em i bin inapim olsem.

¹⁹ Olsem na yupela i mas tanim bel, na senisim bilip, inap long God i ken rausim i go ol sin bilong yupela, long taim ol taim bilong kisim strong gen bai kam long pes bilong Bikpela.

²⁰ Na em bai salim Jisas Kraist, husat bipo ol i bin autim long yupela,

²¹ Husat heven mas kisim inap long ol taim bilong stretim bek bilong olgeta samting, dispela God i bin toktok long en long maus bilong olgeta profet holi bilong em i stat long taim dispela graun i stat i kam inap long nau.

²² Long wanem, Moses i tok tru long ol tumbuna papa, Wanpela profet Bikpela, God bilong yupela, bai kirapim long yupela long ol brata bilong yupela, i wankain olsem mi. Em bai yupela i harim long olgeta wanem samting em bai tokim yupela.

²³ Na em bai kamap olsem, long olgeta wan wan tewel, husat i no laik harim dispela profet, ol bai bagarap olgeta long hap i namel long ol manmeri.

²⁴ Yes, na olgeta profet i stat long Samyuel i kam, na ol dispela husat i kam bihain, olsem hamas man i bin toktok, i bin autim tok profet wankain olsem long ol dispela de.

²⁵ Yupela i stap ol pikinini bilong ol profet, na bilong dispela kontrak God i wokim wantaim ol tumbuna papa bilong yumi, i spik go long Ebraham, Na long tumbuna pikinini bilong yu olgeta kandre bilong dispela graun bai kisim blesing.

²⁶ Long yupela pastaim God, taim em i kirapim Pikinini Man bilong em Jisas, i salim em long blesim yupela, long tanim yupela olgeta wan wan i go lusim ol sin nogut bilong em.