¹ ¶ Na bihain long faipela de hetpris Ananaias i kam daun wantaim ol lapun hetman, na wantaim wanpela man bilong mekim tok, husat nem bilong em em Tertulas, husat i wokim toksave long nambawan gavman i birua long Pol.

² Na taim ol i singautim em i kam, Tertulas i stat long sutim tok long em, i spik, Taim mipela i luksave long wok bilong yu mipela i gat amamas long gutpela sindaun tru, na long ol gutpela wok tru i kamap long dispela kantri long samting yu givim,

³ Mipela i orait long en olgeta taim, na long olgeta ples, bikman moa Filiks, wantaim olgeta tok tenkyu.

⁴ Tasol, inap long mi no mekim yu kamap les moa, mi askim yu plis long yu ken harim liklik hap tok long mipela long pasin isi bilong yu.

⁵ Long wanem, mipela i bin lukim dispela man olsem wanpela man nogut, na man i kirapim pasin bilong bikhet long gavman namel long olgeta Ju long olgeta hap bilong dispela graun, na man bilong go pas long dispela lotu lain bilong ol lain Nasaret,

⁶ Husat tu i bin go nabaut bilong mekim tempel long sting. Husat mipela i kisim, na i gat laik long jasim bilong bihainim lo bilong mipela.

⁷ Tasol nambawan kepten Lisias i kam long mipela, na wantaim bikpela pasin pait em i tekewe em long ol han bilong mipela,

⁸ Na tok strong long ol man i sutim tok long em long kam long yu. Husat, long taim yu yet i skelim em gut yu ken kisim save long olgeta dispela samting, we mipela i sutim tok long em.

⁹ Na ol Ju tu i gat wanpela bel, taim ol i toktok long ol dispela samting i olsem.

¹⁰ ¶ Nau Pol, bihain long nambawan gavman i bin wokim mak wantaim han long em long toktok, i bekim tok, Bikos mi save long yu bin stap planti yia wanpela jas long dispela kantri, mi amamas moa long bekim tok long sait bilong mi yet,

¹¹ Bikos yu ken save, long i gat twelpela de tasol inap long mi bin go antap long Jerusalem long lotu.

¹² Na ol i no lukim mi tok pait insait long tempel wantaim wanpela man, na tu mi no kirapim ol manmeri, insait long ol sinagog, o insait long biktaun.

¹³ Na tu ol i no inap pruvim ol dispela samting we ol i sutim tok long mi long en nau.

¹⁴ Tasol dispela mi tok yes long en long yu, long i bihainim dispela rot ol i kolim giaman bilip, olsem tasol mi lotuim God bilong ol tumbuna papa bilong mi, taim mi bilipim olgeta dispela samting ol i raitim long lo na long ol profet.

¹⁵ Na mi gat hop i go long God, dispela ol yet tu i orait long en, long bai i gat wanpela kirap bek long dai, bilong stretpela man na man i no stretpela wantaim.

¹⁶ Na insait long hia mi hatwokim mi yet, long gat wanpela mausbel i sot olgeta olgeta taim long pasin bilong bagarapim bel i go long God, na i go long ol man.

¹⁷ Nau bihain long planti yia mi kam bilong bringim sori mani long kantri bilong mi, na ol ofa.

¹⁸ We long en sampela Ju bilong Esia i lukim mi taim mi stap klin insait long tempel, i no wantaim bikpela lain tru, o wantaim bikpela paul nabaut.

¹⁹ Husat i mas stap long hia long ai bilong yu, na tok birua, sapos ol i gat wanpela samting i birua long mi.

²⁰ O sapos nogat larim ol dispela stret hia tok, sapos ol i bin lukim wanpela pasin nogut insait long mi, taim mi sanap long ai bilong kaunsil,

²¹ Sapos em i no dispela wanpela nek, long mi singaut taim mi sanap namel long ol, Long sait bilong kirap bek long dai yupela i kotim mi tude.

²² ¶ Na taim Filiks i harim ol dispela samting, taim em i gat save i inap tru moa long dispela rot, em i mekim ol i wet, na tok, Taim nambawan kepten Lisias bai kam daun, mi bai save long las hap bilong samting bilong yupela.

²³ Na em i tok strong long wanpela kepten bilong 100 soldia long lukautim Pol, na long larim em i stap fri, na long em i no ken tambuim wanpela bilong ol lain em i save long kam wokim wok long em o kam long em.

²⁴ Na bihain long sampela de, taim Filiks i kam wantaim Drusila, meri bilong em, husat i meri Ju, em i salim tok long Pol long kam, na em i harim long em long sait bilong dispela bilip tru insait long Kraist.

²⁵ Na taim em i wok long stretim tok long stretpela pasin, pasin bilong bosim bodi gut, na kot i bai kamap bihain, Filiks i guria, na bekim tok, Go long rot bilong yu long dispela taim. Taim mi gat wanpela taim i fit long mi liklik, mi bai singautim yu.

²⁶ Em i gat hop tu long Pol i ken givim sampela mani long em, inap long em i ken lusim em. Olsem na em i salim tok long em long kam planti taim moa, na stori wantaim em.

²⁷ Tasol bihain long tupela yia Porsias Festas i kam kisim ples bilong Filiks. Na Filiks, taim em i gat laik long soim wanpela amamas i go long ol Ju, i larim Pol stap kalabus.