¹ ¶ Nau klostu long dispela taim king Herot i stretim tupela han bilong em i go ausait long givim hevi long sampela bilong sios.

² Na em i kilim Jems, brata bilong Jon, wantaim bainat.

³ Na bikos em i luksave olsem dispela i amamasim ol Ju, em i go moa long kisim Pita tu. (Nau em i ol de bilong bret i no gat yis.)

⁴ Na taim em i bin kisim na holimpas em, em i putim em long kalabus, na givim em long fopela lain bilong ol soldia bilong lukautim em. Em i gat tingting long bringim em i kam long ol manmeri bihain long Ista.

⁵ ¶ Olsem na ol i holimpas Pita long kalabus. Tasol sios i no lusim pasin bilong wokim prea long God long helpim em.

⁶ Na taim Herot i gat laik long bringim em ausait, dispela nait stret Pita i slip namel long tupela soldia, pas wantaim tupela sen. Na ol wasman long ai bilong dua i lukautim kalabus.

⁷ Na, lukim, ensel bilong Bikpela i kam long em, na wanpela lait i lait insait long kalabus. Na em i paitim Pita long sait, na kirapim em, i spik, Kirap kwiktaim. Na ol sen bilong em i pundaun na lusim tupela han bilong em.

⁸ Na ensel i tokim em, Pasim klos long yu yet, na pasim ol rop samting long ol slipa long yu. Na em i mekim olsem. Na em i tokim em, Tromoi klos bilong yu nabaut long yu, na bihainim mi.

⁹ Na em i go ausait, na bihainim em. Na em i no save long em i tru, dispela samting ensel i wokim, tasol em i ting em i lukim wanpela driman samting.

¹⁰ Taim ol i abrusim mak bilong namba wan na namba tu ples wasman, ol i kamap long dispela dua bilong banis i ain i go long biktaun. Dispela i opim long strong bilong em yet. Na ol i go ausait, na wokabaut i go namel long wanpela rot. Na wantu dispela ensel i lusim em.

¹¹ Na taim save bilong Pita i kam long em yet gen, em i tok, Nau mi save em i tru tru, long Bikpela i bin salim ensel bilong em, na em i bin kisim bek mi ausait long han bilong Herot, na ausait long olgeta strongpela hop bilong ol manmeri bilong ol Ju.

¹² Na taim em i bin tingim na skelim dispela samting, em i kam long haus bilong Maria, mama bilong Jon, husat narapela nem bilong em em Mak, we planti i bung wantaim na beten.

¹³ Na taim Pita i paitim dua bilong dua bilong banis, wanpela yangpela meri i kam long harim, husat nem bilong em em Roda.

¹⁴ Na taim em i save long nek bilong Pita, em i no opim dua bilong banis, long wanem, em i amamas, tasol em i ran insait, na toksave long Pita i stap long ai bilong dua bilong banis olsem wanem.

¹⁵ Na ol i tokim em, Yu longlong. Tasol em i tok yes i go i go long, yes, em i stap olsem. Nau ol i tok, Em ensel bilong em.

¹⁶ Tasol Pita i paitim dua i go yet. Na taim ol i bin opim dua, na lukim em, ol i kirap nogut.

¹⁷ Tasol em, taim em i wokim mak wantaim han bilong em long ol long pasim ol maus bilong ol, em i tokaut long ol long Bikpela i bin bringim em ausait long kalabus olsem wanem. Na em i tok, Go soim ol dispela samting long Jems, na long ol brata. Na em i go, na go long narapela ples.

¹⁸ Nau long taim stret long em i san pinis, wari namel long ol soldia i no liklik, long wanem samting i bin kamap long Pita.

¹⁹ Na taim Herot i bin painim em, na em i no painim em pinis, em i skelim gut ol wasman, na tok strong long ol i mas mekim ol i dai. Na em i lusim Judia i go daun long Sisaria, na stap long dispela hap.

²⁰ ¶ Na ol man bilong Tair na Saidon i bagarapim tru amamas bilong Herot. Tasol ol i kam wantaim wanpela bel long em, na, taim ol i bin mekim Blastas, man bilong bosim rum bilong king, pren bilong ol, ol i askim long bel isi. Bilong wanem, kantri bilong ol i kisim kaikai long kantri bilong king.

²¹ Na long wanpela de ol i makim, Herot, taim em i werim ol naispela klos king, i sindaun antap long sia king bilong em, na wokim wanpela autim i go long ol.

²² Na ol manmeri i singaut, i spik, Em i nek bilong wanpela god, na i no bilong wanpela man.

²³ Na wantu ensel bilong Bikpela i paitim em, bilong wanem, em i no givim glori long God. Na ol liklik snek i kaikai em, na em i lusim spirit bilong em i go.

²⁴ Tasol tok bilong God i go bikpela na kamap planti moa.

²⁵ Na Banabas na Sol i lusim Jerusalem na go bek, taim ol i bin inapim wok bilong ol, na ol i kisim Jon i go wantaim ol, husat narapela nem bilong em em Mak.