¹ ¶ Nau hetpris i tok, Ol dispela samting i olsem?

² Na em i tok, Ol man, ol brata, na ol papa, harim. God bilong glori i kamap ples klia long tumbuna papa bilong yumi Ebraham, taim em i stap long Mesopotemia, bipo em i stap long Karan,

³ Na tokim em, Yu go ausait na lusim kantri bilong yu, na lusim ol kandre bilong yu, na kam insait long dispela hap mi bai soim yu.

⁴ Nau em i kam ausait long hap bilong ol Kaldia, na stap long Karan. Na long dispela ples, taim papa bilong em i dai pinis, em i rausim em i kam insait long dispela hap, we yupela i stap long en nau.

⁵ Na em i no givim em wanpela samting papa i givim pikinini insait long en, nogat, i no hap liklik long putim lek bilong em. Tasol em i promis long em bai givim dispela long em bilong wanpela holimpas, na long tumbuna pikinini bilong em bihain long em, taim em i no gat pikinini yet.

⁶ Na God i toktok long dispela pasin, Long tumbuna pikinini bilong em i mas stap waira long narakain hap, na long ol i mas mekim ol i kamap slev, na mekim nogut long ol 400 yia.

⁷ Na dispela kantri long husat ol bai stap slev bilong ol bai mi jasim, God i tok. Na bihain long dispela ol bai kam ausait, na bihainim mi long dispela ples.

⁸ Na em i givim em dispela kontrak bilong katim skin. Na olsem tasol Ebraham i kamapim Aisak, na katim skin bilong em long namba et de. Na Aisak i kamapim Jekop. Na Jekop i kamapim dispela twelpela nambawan tumbuna papa.

⁹ Na ol nambawan tumbuna papa, taim mangal tingting i muvim ol, i salim Josep long mani i go long Isip. Tasol God i stap wantaim em,

¹⁰ Na em i kisim bek em ausait long olgeta taim hevi bilong em, na givim em gutpela amamas na save tru long ai bilong Fero, king bilong Isip. Na em i mekim em nambawan gavman long bosim Isip na olgeta hauslain bilong em.

¹¹ Nau i gat i kam wanpela taim bagarap antap long olgeta hap bilong Isip na Kenan, na bikpela taim bilong kisim hevi. Na ol tumbuna papa bilong yumi i no gat kaikai.

¹² Tasol taim Jekop i harim long i gat wit samting long Isip, em i salim ol tumbuna papa bilong yumi pastaim.

¹³ Na long namba tu taim Josep i mekim ol brata bilong em save long em. Na ol kandre bilong Josep, em i mekim Fero save long ol.

¹⁴ Nau Josep i salim tok, na singautim papa bilong em Jekop long kam long em, na olgeta kandre bilong em, 75 tewel.

¹⁵ Olsem na Jekop i go daun long Isip, na em i dai pinis, em, na ol tumbuna papa bilong yumi,

¹⁶ Na ol i karim ol i go hapsait i go long Saikem, na slipim long dispela matmat Ebraham i baim long wanpela hap mani long ol pikinini man bilong Emor, papa bilong Saikem.

¹⁷ ¶ Tasol taim taim bilong promis i wok long kam klostu, dispela God i bin wokim strongpela promis long Ebraham long en, ol manmeri i go bikpela na kamap planti moa insait long Isip,

¹⁸ Inap long taim narapela king i kirap, husat i no save long Josep.

¹⁹ Em stret i yusim tingting i antap tumas long ol kandre bilong yumi, na mekim nogut long ol tumbuna papa bilong yumi, inap long ol i rausim ol yangpela pikinini bilong ol i go ausait, inap long dispela as, long ol i no ken stap laip.

²⁰ Long dispela taim mama i karim Moses, na em i naispela planti moa yet, na em i kisim kaikai long haus bilong papa bilong em tripela mun.

²¹ Na taim ol i rausim em i go ausait, pikinini meri bilong Fero i kisim em i go antap, na givim kaikai long em bilong stap pikinini man bilong em yet.

²² Na Moses i kisim skul long olgeta save tru bilong ol lain Isip, na em i strong long ol toktok na long ol wok.

²³ Na taim em i gat 40 krismas olgeta, em i kam insait long bel bilong em long go lukim ol brata bilong em, ol pikinini bilong Isrel.

²⁴ Na taim em i lukim wanpela bilong ol i karim pen long rong, em i pait long lukautim em, na bekim pe nogut long helpim em husat i kisim taim, na paitim man Isip.

²⁵ Long wanem, em i ting olsem ol brata bilong em i bin save olsem long God, long han bilong em, bai kisim bek ol olsem wanem. Tasol ol i no save.

²⁶ Na long de bihain em i soim em yet long ol taim ol i pait, na em i gat laik long mekim ol wanbel gen, i spik, Ol bikman, yupela i stap ol brata. Bilong wanem yupela mekim rong wanpela i go long narapela?

²⁷ Tasol em husat i mekim rong long man i stap klostu long em i subim em i go, i spik, Husat i mekim yu hetman na jas long bosim mipela?

²⁸ Ating yu bai kilim mi, olsem yu mekim long man Isip asde?

²⁹ Nau long dispela toktok, Moses i ranawe, na stap ausait man long hap bilong Midian, we em i kamapim tupela pikinini man.

³⁰ ¶ Na taim 40 yia i go pinis, wanpela ensel bilong Bikpela i kamap ples klia long em long ples i no gat man bilong maunten Sina insait long lait bilong paia insait long wanpela bus.

³¹ Na taim Moses i lukim dispela, em i tingting planti long dispela samting em i lukim. Na taim em i wok long go klostu bilong lukim dispela, nek bilong Bikpela i kam long em,

³² I spik, Mi God bilong ol tumbuna papa bilong yu, God bilong Ebraham, na God bilong Aisak, na God bilong Jekop. Nau Moses i guria, na em i no gat laik long lukluk.

³³ Nau Bikpela i tokim em, Rausim ol su bilong yu i lusim ol lek bilong yu. Long wanem, ples we yu sanap em i graun holi.

³⁴ Mi bin lukim, mi bin lukim taim hevi bilong ol manmeri bilong mi, dispela i stap long Isip, na mi bin harim ol krai wantaim pen bilong ol, na mi kam daun bilong kisim bek ol. Na nau kam, mi bai salim yu long Isip.

³⁵ Dispela Moses husat ol i tok nogat long en, i spik, Husat i mekim yu kamap hetman na jas? Em stret God i bin salim long stap hetman na man bilong kisim bek long han bilong dispela ensel i kamap ples klia long em insait long bus.

³⁶ Em i bringim ol ausait, bihain long em i bin soim ol samting bilong winim tingting na ol mak long hap bilong Isip, na long Retsi, na long ples i no gat man 40 yia.

³⁷ Dispela em dispela Moses, husat i tokim ol pikinini bilong Isrel, Wanpela profet bai Bikpela, God bilong yupela, kirapim long yupela long ol brata bilong yupela, wankain olsem mi. Em bai yupela i harim.

³⁸ Dispela em em, husat i stap insait long sios long ples i no gat man wantaim dispela ensel husat i toktok wantaim em long maunten Sina, na wantaim ol tumbuna papa bilong yumi, husat i kisim ol tok i pulap long laip long givim long yumi,

³⁹ Long husat ol tumbuna papa bilong yumi i tok nogat long bihainim tok, tasol ol i subim em i go lusim ol, na insait long ol bel bilong ol ol i tanim i go bek gen long Isip,

⁴⁰ I spik i go long Eron, Wokim ol god long mipela long go pas long mipela. Long wanem, long sait bilong dispela Moses, husat i bringim mipela ausait long hap bilong Isip, mipela i no save wanem samting i bin kamap long em.

⁴¹ Na ol i wokim wanpela pikinini bulmakau long ol dispela de, na ofaim sakrifais i go long dispela piksa bilong god giaman, na wokim amamas tru long ol wok bilong ol han bilong ol yet.

⁴² ¶ Nau God i tanim, na givim ol i go long lotuim ami bilong heven. Olsem rait i stap pinis long buk bilong ol profet, O yupela hauslain bilong Isrel, ating yupela i bin ofaim long mi ol animal yupela i kilim i dai na ol sakrifais long taim olsem 40 yia long ples i no gat man?

⁴³ Yes, yupela i kisim haus holi bilong Molek, na sta bilong god bilong yupela Remfan, ol dispela piksa yupela i wokim long lotuim ol. Na mi bai karim yupela i go hapsait long Babilon.

⁴⁴ Ol tumbuna papa bilong yumi i gat dispela haus sel holi bilong witnes long ples i no gat man, olsem em i bin makim, taim em i toktok long Moses, long em i mas wokim dispela bilong bihainim dispela kain lukluk em i bin lukim.

⁴⁵ Dispela tu ol tumbuna papa bilong yumi husat i kam bihain i bringim insait wantaim Jisas long holimpas bilong ol man i no Ju, husat God i ranim i go ausait long ai bilong pes bilong ol tumbuna papa bilong yumi, i go inap long ol de bilong Devit.

⁴⁶ Husat i painim gutpela amamas pinis long ai bilong God, na em i gat laik long painim pinis wanpela haus holi bilong God bilong Jekop.

⁴⁷ Tasol Solomon i wokim wanpela haus bilong em.

⁴⁸ Tasol God i Antap moa olgeta i no stap long ol tempel ol han i wokim, olsem profet i tok,

⁴⁹ Heven em i sia king bilong mi, na dispela graun em i liklik sia bilong putim lek bilong mi. Yupela bai wokim wanem haus long mi, Bikpela i tok? O ples malolo bilong mi em wanem?

⁵⁰ Ating i yes long han bilong mi i bin wokim olgeta dispela ol samting?

⁵¹ ¶ Yupela i gat strongpela nek na bel na ol ia i no katim skin, olgeta taim yupela i sanap na birua long Holi Spirit. Olsem ol tumbuna papa bilong yupela i bin mekim, olsem tasol yupela i mekim.

⁵² Husat bilong ol profet i no bin kisim hevi long ol tumbuna papa bilong yupela? Na ol i bin kilim i dai ol husat i soim bipo long taim dispela Stretpela Man i laik kam, bilong husat nau yupela i bin stap ol man bilong putim em long han bilong birua na ol man bilong kilim man,