¹ A iet me i men inda: Soso men arain a seri, a so toror sang ladu men, ari so, a kaun en meakaros.

² A kin upa ong saunpadak o saunkoa kan lao lel ansau me sam a kileledier.

³ Iduen kitail ni atail kisin seri, kitail kin upai ong padak en sappa kan.

⁴ A ansau lao leler, Kot ap kotin poronedo sapwilim a Ol, me ipwidi sang ren li amen, ap mi pan kapung o.

⁵ Pwen kasaledoka ir ala, me mi pan kapung, pwe kitail en wiala sapwilim a seri.

⁶ Komail ari seri kan, i me Kot ap kotin poronedo Ngen en sapwilim a Ol nan mongiong atail, me kin likelikwir: Apa Sam!

⁷ Ari, solar ladu men, pwe seri ta; a ma seri nan pil seri soso en Kot.

⁸ A ni ansau o me komail sasa Kot, komail papaer me kaidin udan kot akan.

⁹ A metet komail asalar Kot, o Kot me kotin mangi komail melel, menda komail pil sapal lang lamalam sued o sakanekan, me komail men pur ong papa?

¹⁰ Komail kin kasarauiela ran akai, o saunipong kai, o ansau kai, o saunpar kai.

¹¹ I ngong kin komail, pwe ele ai dodok ong komail sota pan kadepa.

¹² Ri ai kan, i ngidingidi kin komail, en dueta ngai, pwe ngai kin dueta komail, pwe sota me sued kot, me komail wiai ong ia er.

¹³ A komail asa due i mas o, me i padaki ong komail er rongamau ni ai luet en pali uduk.

¹⁴ O komail sota mamaleki ai songesong ni uduk ai o tata kin ia; a komail apwali ia la dueta ngai tounlang en Kot amen, de dueta Iesus Kristus.

¹⁵ Iaduen wan omail pai ni ansau o! Pwe i kadede duen komail, ma a kak pa omail, komail pan pwadika sang por en mas omail ap ki ong ia.

¹⁶ Iaduen, i wiala omail imwintiti, pweki ai lokaia melel ong komail.

¹⁷ Arail nanantiong rapaki komail me sota mau; irail men kamueit kitail pasang, pwe komail en id idauen irail.

¹⁸ Me mau ansau karos en nantiong me mau kan, a kaidin ta ni ai mi re omail.

¹⁹ Nai seri kan! I naitik sapal komail ki madak, lao Kristus kawuk komail la ong pein mom a.

²⁰ I men mi re omail ansau wet o men kawukila ngil ai, pwe i sasalar ir omail.

²¹ Komail, me kin men mi pan kapung o, indang ia, ma komail sota kin rong kapung o?

²² Pwe a intingidier, me nain Apraam putak riamen mia, amen sang ren na lidu, a amen sang ren me maioda.

²³ A me song ren lidu ipwiki uduk, a me sang ren me maioda, ipwiki inau en Kot.

²⁴ Mepukat karasepa eu, pwe met inau riau, eu sang ni nana Sinai, me kin naitiki ong na kan papa, i me Akar.

²⁵ Pwe Akar nana Sinai nan Arapien, me rasong Ierusalem en met, o kin lidilidui iang na seri kan.

²⁶ A Ierusalem, me mi poa, me maioda iei in atail.

²⁷ Pwe a intingidier: Pereperen koe me li dapwan, me sota kin naitik, kadailong o werida koe, me so kaipwi ong, pwe nain li dapwan seri kan me toto sang me a warok mia.

²⁸ A komail ri ai ol akan, me rasong Isaak, me seri en inau kan.

²⁹ A duen mas o, me ipwiki uduk, me kailongki me ipwiki Ngen o, iduen ansau wet.

³⁰ A da me kisin likau o masani? Kasela li lidu o na putak! Pwe putak en lidu sota pan iang nain li me maioda sosoki.

³¹ Ari ri ai kan, kitail sota seri en lidu, pwe nain me maioda.