¹ ¶ Olsem na sapos i gat wanpela samting bilong givim bel isi insait long Kraist, sapos i gat wanpela bel isi bilong laikim tru, sapos i gat wanpela pasin poroman bilong Spirit, sapos i gat wanpela bilong ol rop bilong bel na ol pasin sori,

² Yupela i mas inapim amamas tru bilong mi, taim yupela i gat dispela wankain tingting, taim yupela i gat wankain pasin bilong laikim tru, taimyupelai gat wanpela bel, long wanpela tingting.

³ No ken larim ol man i mekim wanpela samting long wok bilong strongpela pait o pasin bilong glori nating. Tasol long pasin daun bilong tingting larim olgeta wan wan tingim arapela i winim ol yet.

⁴ Olgeta wan wan man i no ken lukluk long ol samting bilong em yet, tasol olgeta wan wan man tu long ol samting bilong ol arapela.

⁵ Larim dispela tingting i stap insait long yupela, dispela i bin stap tu insait long Kraist Jisas,

⁶ Husat, taim em i stap kain olsem God, em i no ting olsem em i raskol stil pasin long stap wanmak stret wantaim God,

⁷ Tasol em i mekim em yet man i no gat biknem, na kisim long em yet kain olsem wanpela wokboi, na God i mekim em long kamap wankain olsem ol man.

⁸ Na taim ol i lukim em i stap long kain lukluk olsem man, em i daunim em yet, na kamap man bilong bihainim tok inap long dai, yes, dai bilong diwai kros.

⁹ Olsem na God tu i bin litimapim em antap tru, na givim em wanpela nem, dispela i stap antap long olgeta wan wan nem,

¹⁰ Inap long nem bilong Jisas olgeta wan wan skru i ken lindaun, bilong ol samting long heven, na ol samting bilong dispela graun, na ol samting aninit long dispela graun.

¹¹ Na long olgeta wan wan tang i ken tok yes long Jisas Kraist em i Bikpela, inap long God Papa i ken kisim glori.

¹² ¶ Olsem na, ol man i stap klostu tru long bel bilong mi, olsem yupela i bin bihainim tok olgeta taim, i no olsem long taim mi stap tasol, tasol hamas moa nau taim mi no stap, wokim pasin bilong kisim bek bilong yupela yet i ken kam ausait wantaim pret na guria.

¹³ Long wanem, em i God husat i wok insait long yupela, long laikim na long mekim wantaim, ol gutpela samting bilong amamasim bel bilong em.

¹⁴ ¶ Olgeta samting yupela i mekim i no ken gat ol tok baksait na ol tok pait,

¹⁵ Inap long yupela i ken stap man i no gat asua na man i no bagarapim narapela, ol pikinini man bilong God, na i no gat tok bilong hatim, insait long namel bilong wanpela kantri i krungut na paul, namel long husat yupela i lait olsem ol lait long dispela graun,

¹⁶ Taim yupela i holim klia dispela tok bilong laip, inap long mi ken wokim amamas tru long de bilong Kraist, long mi no bin ran nating, na tu mi no hatwok nating.

¹⁷ Yes, na sapos mi ofaim mi yet antap long dispela sakrifais na wok bilong bilip tru bilong yupela, mi amamas tru, na wokim amamas tru wantaim yupela olgeta.

¹⁸ Long dispela as stret tu yupela i amamas tru, na wokim amamas tru wantaim mi.

¹⁹ Tasol mi putim bilip long Bikpela Jisas long salim Timotias long yupela klostu nau, inap long mi tu i ken stap wantaim gutpela bel isi, taim mi save long sindaun bilong yupela.

²⁰ Long wanem, mi no gat narapela man i gat wankain tingting, husat bai gat pasin bilong lukautim sindaun bilong yupela.

²¹ Long wanem, olgeta i painim samting bilong ol yet, na i no ol dispela samting i bilong Jisas Kraist.

²² Tasol yupela i save long samting bilong truim bilong em, long, olsem wanpela pikinini man wantaim papa, em i bin wokim wok wantaim mi insait long gutnius.

²³ Olsem na mi gat hop long mi ken salim em klostu nau, taim stret long mi bai luksave long samting bai kamap olsem wanem long mi.

²⁴ Tasol mi putim bilip long Bikpela long mi tu mi yet bai kam klostu nau.

²⁵ Tasol mi ting olsem i gat nid long mi salim Epafrodaitas long yupela, brata bilong mi, na poroman bilong mi long hatwok, na wan soldia wantaim mi, tasol mausman bilong yupela, na em husat i wokim wok long ol nid bilong mi.

²⁶ Long wanem, bel bilong em i krai tru i bihainim yupela olgeta, na em i pulap long hevi, bikos yupela i bin harim long em i bin sik.

²⁷ Long wanem, em i tru em i bin sik klostu inap long dai. Tasol God i bin sori long em. Na i no long em tasol, tasol long mi tu, nogut mi ken gat bel hevi antap long bel hevi.

²⁸ Olsem na mi lukaut gut moa na salim em, long, taim yupela i lukim em gen, yupela i ken wokim amamas tru, na long mi ken gat bel hevi i liklik moa.

²⁹ Olsem na kisim em insait long Bikpela wantaim olgeta amamas. Na makim kain man olsem em i gat biknem.

³⁰ Bilong wanem, bilong tingim wok bilong Kraist em i bin stap klostu long dai, na em i no tingim gut laip bilong em, long inapim wok bilong yupela i kam long mi i sot.