¹ DE ri ai kan, komail sota asa — i kin peidok ren me asa kapung o — me kapung o kin poedi aramas arain a memaur?

² Pwe li amen, me a warok mia, kin kaupingki kapung en a warok arain a memaur. A ma a warok melar, a muei sanger kapung en a warok.

³ A ma a pan paudeki amen ol ni a warok memaur, a pan adaneki kamal amen; a ma a warok melar, a muei sanger kapung, ap sota pan kamal amen, ma a pan pur ong amen ol.

⁴ Ari ri ai kan, iduen pil komail mekilar kapung o pweki war en Kristus, pwen wiala nain amen, iet, me iasadar sang ren me melar akan, pwen kaparapar ong Kot.

⁵ Pwe ni at kekeideki tiak en pali uduk, inong en dip me kelail nan kokon atail pweki kapung o, pwen kaparapar ong mela.

⁶ A met kitail muei sanger kapung o, pwe sal pat ong mela olar, pwe kitail en papa ong tiak kap en ngen, a kaidin ong tiak maring en inting.

⁷ Ari, da me kitail en inda? Me dip kapung o? O so! A i pan sasa dip, ma so kapung. Pwe i pan sasa duen inong sued, ma kapung so kalok kidar: Koe der norok!

⁸ A dip kadiarok kidar kusoned, ap kainong ong ia song en inong sued karos, pwe ma sota kapung dip mela.

⁹ Pwe mas o i sota mi pan kapung, ap mamaureta, a kusoned lao mia, dip ai ap diarokadar.

¹⁰ A ngai melar; kusoned, me loki dong ia, pwe i en maure kida, kare ong ia mela.

¹¹ Pwe dip kadiarok kidar kusoned liapai ia dar, ap kame ia lar.

¹² Ari, kapung o me saraui o kusoned me saraui, a pung o mau.

¹³ A iaduen me mau kot kare ong ia mela? O so! A dip en sansale kida me kamau o ni a kare ong ia mela, pwe dip en sansale kida kusoned.

¹⁴ Pwe kitail asa, me kapung o me ngenin, a ngai me uduken o netilang dip.

¹⁵ Pwe i sota asa, da me i en wia. Pwe kaidin me i mauki, me i kin wiada, a me i kin suedeki, iei me i kin wia.

¹⁶ Ari, ma i kin wiada, me i kang wia, nan i kin kasansaleda, me kapung me mau.

¹⁷ A ma i wiadar, me i sota men wia, kaidin ngai me wiadar, a dip me mimi lol i.

¹⁸ Pwe i asa, me sota mau kot mi lol i nan uduk ai, pwe i kin men wiada me mau, a en angada me pung i sota kak ong.

¹⁹ Pwe me mau o, me i men wiada, i sota kin kapwaida, a me sued, me i kang, i me i kin wiada.

²⁰ A ma i wiada, me i so men wiada, kaidin ngai me wiada, a dip me mi lol i.

²¹ Iet me kapung kadiarok ong ia: Ni ai men wiada me mau, me sued mimi re i.

²² Pwe i kin mauki kapung en Kot pali lol en aramas.

²³ I ap diaradar eu kapung ni ai kokon akan, me kin palian kapung en loli, ap kalua ia di pan kapung en dip, me mi nan ai kokon akan.

²⁴ O ngai aramas luet amen! Is me pan kamaio wei ia sang ni war mela wet!

²⁵ I danke Kot pweki Iesus Kristus atail Kaun. Nan lol i i kin papang kapung en Kot, a ni pali uduk kapung en dip.