¹ DER kadeikada, pwe komail der pakadeikada.

² Pwe duen kadeik, me komail kadeikekida aramas, iduen komail pan pakadeikada, o duen men song, me komail kin songki, iduen a pil pan song ong komail,

³ A menda koe kilikilang diper ni mas en ri om ol, a sota kan ataut o ni mas om?

⁴ De iaduen koe pan indang ri om ol: Aui mas, i pan ki sang diper ni mas om. A kilang, ataut apot mi ni pein mas om?

⁵ Malaun amen koe, ki sang mas ataut ni mas om, koe ap pan kak kilang, duen om pan kak ki sang diper ni mas en ri om ol,

⁶ Komail der ki ong kidi me saraui kot! O omail pai kan der kasedi ong mon pwik kan, pwe ren de tiak pasang, ap saupeido ngalis komail pasang.

⁷ Poeki, a komail pan tungole; rapaki, a komail pan diarada; letelet, a a pan ritida mo omail.

⁸ Pwe karos, me poekipoeki, kin tungole; o me kin raparapaki, kin diarada; o me kin letelet, nan a pan ritida mo a.

⁹ De is aramas nan pung omail, ma na putak pan poeki kisin prot, pan ki ong i takai eu?

¹⁰ De ma a poeki mam amen, pan ki ong i serpent amen?

¹¹ Ari, ma komail me song sued, ap asa, ki ong noumail seri kan kisakis mau, melel kaualap Sam omail, me kotikot nanlang, pan kotiki ong, me poeki re a me mau kan.

¹² Ari meakaros, me komail men, aramas en wiai ong komail, i me komail en wiai ong irail, pwe iei kapung o saukop akan,

¹³ Pedelong ong nan wanim tätik! Pwe wanim me walek o al me tälap, me kodilang mela, o irail me toto, me kin pedelong ong wasa o.

¹⁴ A wanim me watikitik, o al me tätik, me ko ong maur o irail me malaulau, me kin diarada.

¹⁵ Komail kalaka saukop likam akan, me kin pwara dong komail ni likau en sip, a lole irail song en kidi komad.

¹⁶ Komail pan asa kin irail ni arail wa. Pwe da, aramas pan kak dolung sang wain ni karer, de pik sang ni tuka kamadak?

¹⁷ Nan iduen tuka mau karos kin wa mau, a tuka sued kin wa sued.

¹⁸ Tuka mau sota kak wa sued, o tuka sued sota kak wa mau.

¹⁹ Ari tuka karos, me so wa mau pan paledi o lokidokila nuni iai.

²⁰ Ari, komail pan asa kin irail ni arail wa.

²¹ Kaidin karos, me kin kasokasoi ong ia: Maing, Maing, pan pedelong ong nan wein nanlang, a me kin wiawia kupur en Sam ai, me kotikot nanlang.

²² Me toto pan kasoi ong ia ni ran o: Maing, Maing, kit so kokopadar ni mar omiu, o ni mar omui kausaki tewil akan, o ni mar omui wia kidar manaman toto?

²³ I ap pan indai ong irail: I sota mail asa komail, kowei sang ia, komail me kin wiada me sued.

²⁴ A meumen rongada ai padak pukut ap peiki ong, I pan karasai ong i ol lolokong amen, me kauada im a pon paip,

²⁵ Katau lao moredi, o lakape pwilipwiledo, o ang me iripoki dong im o, a sota rongki pasang, pweki a kakauda pon paip.

²⁶ O meamen rongada ai padak pukat, ap sota kapwaiada, nan a pan rasong ol pweipwei men, me kauada im a pon pik en oror.

²⁷ Katau lao moredi o lapake pwilipwilido, o ang ma irepoki dong im o, a rongki pasang; o a rongk laud melel,

²⁸ Kadekadeo Iesus lao kaimwisokela masan pukat, pokon o ap puriamuiki kaualap sapwilim a padak o.

²⁹ Pwe a kotin kawewe ong irail ni manaman, a sota dueta arail saunkawewe kan.