¹ ¶ Nau bipo long dispela bikpela kaikai bilong pasova, taim Jisas i save long aua bilong em i kam pinis long em i mas lusim dispela graun i go long Papa, taim em i bin laikim tru ol dispela bilong em yet husat i stap long dispela graun, em i laikim ol tru inap long pinis.

² Na taim apinun kaikai i pinis, Seten nau i putim insait long bel bilong Judas Iskariot, pikinini man bilong Saimon, long putim em long han bilong birua.

³ Taim Jisas i save long Papa i bin givim olgeta samting i go long tupela han bilong em, na long em i kam long God, na em i go long God,

⁴ Em i kirap i lusim apinun kaikai, na slipim ol klos bilong em long sait. Na em i kisim wanpela laplap, na pasim nabaut namel bilong em yet.

⁵ Bihain long dispela em i kapsaitim wara long wanpela traipela dis, na em i stat long wasim ol fut bilong ol disaipel, na long klinim ol wantaim dispela laplap we em i pas nabaut wantaim dispela.

⁶ Nau em i kam long Saimon Pita. Na Pita i tokim em, Bikpela, ating yu wasim tupela fut bilong mi?

⁷ Jisas i bekim na tokim em, Wanem samting mi mekim yu no save long en nau. Tasol yu bai save long en bihain long nau.

⁸ Pita i tokim em, Bai i no gat taim long yu wasim tupela fut bilong mi. Jisas i bekim tok long em, Sapos mi no wasim yu, yu no gat hap wantaim mi.

⁹ Saimon Pita i tokim em, Bikpela, i no tupela fut bilong mi tasol, tasol tu tupela han bilong mi na het bilong mi.

¹⁰ Jisas i tokim em, Em husat i waswas pinis i no gat nid long waswas, tupela fut bilong em tasol, tasol em i klin olgeta. Na yupela i stap klin, tasol i no yupela olgeta.

¹¹ Long wanem, em i save long husat bai putim em long han bilong birua. Olsem na em i tok, I no yupela olgeta i klin.

¹² Olsem tasol bihain long em i bin wasim ol fut bilong ol, na em i bin kisim ol klos bilong em, na sindaun gen, em i tokim ol, Yupela save long mi bin mekim wanem long yupela?

¹³ Yupela kolim mi Tisa na Bikpela. Na yupela i toktok gut. Long wanem, mi stap olsem.

¹⁴ Nau sapos mi, Bikpela na Tisa bilong yupela, i bin wasim ol fut bilong yupela, yupela tu i mas wasim ol fut bilong yupela wanpela i go long narapela.

¹⁵ Long wanem, mi bin givim yupela wanpela piksa, inap long yupela i ken mekim olsem mi bin mekim long yupela.

¹⁶ Tru tumas, tru tumas, mi tokim yupela, Wokboi i no winim bikman bilong em. Na tu em husat man i salim i no winim man husat i salim em.

¹⁷ Sapos yupela i save long ol dispela samting, amamas i stap long yupela sapos yupela i mekim ol.

¹⁸ ¶ Mi no toktok long sait bilong yupela olgeta. Mi save husat mi bin makim. Tasol inap long rait bilong God i ken kamap pinis, Em husat i kaikai bret wantaim mi i bin litimapim baksait bilong fut bilong em i birua long mi.

¹⁹ Nau mi tokim yupela bipo em i kamap, inap long, taim em i kamap olsem, yupela i ken save long mi stap dispela man.

²⁰ Tru tumas, tru tumas, mi tokim yupela, Em husat i kisim husat man mi salim i kisim mi. Na em husat i kisim mi i kisim em husat i salim mi.

²¹ Taim Jisas i bin tok olsem, em i pilim wari long spirit sait, na tokaut klia, na tok, Tru tumas, tru tumas, mi tokim yupela, long wanpela bilong yupela bai putim mi long han bilong birua.

²² Nau ol disaipel i lukluk wanpela i go long narapela, na ol i gat tupela tingting long em i toktok long husat.

²³ Nau i gat wanpela bilong ol disaipel bilong em i lindaun long bros bilong Jisas, husat Jisas i laikim tru.

²⁴ Olsem na Saimon Pita i wokim mak wantaim han long em, inap long em i ken askim long i mas husat husat em i toktok long en

²⁵ Nau em husat i slip long bros bilong Jisas i tokim em, Bikpela, em i husat?

²⁶ Jisas i bekim tok, Em i dispela, long husat mi bai givim samting bilong putim long sup, taim mi bin putim dispela long sup. Na taim em i bin putim samting long sup, em i givim long Judas Iskariot, pikinini man bilong Saimon.

²⁷ Na bihain long samting ol i putim long sup, Seten i go insait long em. Nau Jisas i tokim em, Dispela yu mekim, mekim kwiktaim.

²⁸ Nau i no gat man long tebol i save long wanem as em i tokim dispela toktok long em.

²⁹ Long wanem, sampela bilong ol i ting olsem, bikos Judas i bin holim bek, long Jisas i bin tokim em, Baim ol dispela samting long yumi gat nid long en long redi long taim bilong dispela bikpela kaikai. O, long em i mas givim samting long ol rabisman.

³⁰ Nau taim em bin kisim samting ol i putim long sup em go ausait wantu. Na em i nait.

³¹ ¶ Olsem na, taim em i go ausait pinis, Jisas i tok, Nau Pikinini Man bilong man i kisim glori, na God i kisim glori insait long em.

³² Sapos God i kisim glori insait long em, God bai givim glori tu long em insait long em yet, na kwiktaim em bai givim glori long em.

³³ Ol liklik pikinini, liklik taim yet mi stap wantaim yupela. Yupela bai painim mi. Na olsem mi tokim ol Ju pinis, We mi go, yupela i no inap kam. Olsem tasol nau mi tokim yupela.

³⁴ Wanpela nupela tok strong mi givim long yupela, Long yupela i mas gat laikim tru wanpela i go long narapela. Olsem mi bin laikim tru yupela, long yupela tu i mas gat laikim tru wanpela i go long narapela.

³⁵ Long dispela bai olgeta man i save long yupela i stap ol disaipel bilong mi, sapos yupela i gat laikim tru wanpela i go long narapela.

³⁶ ¶ Saimon Pita i tokim em, Bikpela, yu go we? Jisas i bekim tok long em, We mi go, yu no inap bihainim mi nau. Tasol yu bai bihainim mi bihain long en.

³⁷ Pita i tokim em, Bikpela, bilong wanem mi no inap bihainim yu nau? Mi bai givim laip bilong mi long tingim yu.

³⁸ Jisas i bekim tok long em, Yu bai givim laip bilong yu long tingim mi? Tru tumas, tru tumas, mi tokim yu, Kakaruk man bai i no inap singaut, inap long yu bin tok nogat long mi tripela taim.