¹ ¶ Na em i kamap olsem long ol dispela de, long i gat wanpela strongpela tokaut i kam long Sisa Ogastas, long olgeta dispela graun i mas baim takis.

² (Na dispela pasin bilong baim takis ol i wokim pastaim taim Sairenias em i nambawan gavman bilong Siria.)

³ Na olgeta i go long baim takis, olgeta wan wan man i go long biktaun bilong em yet.

⁴ Na Josep tu i go antap i lusim Galili, ausait long biktaun bilong Nasaret, i go long Judia, i go long biktaun bilong Devit, dispela ol i kolim Betlehem, (bilong wanem, em i bilong hauslain na lain tumbuna bilong Devit.)

⁵ Em i go long baim takis wantaim Maria, meri bilong em long kontrak, taim bel bilong meri i bikpela wantaim pikinini.

⁶ Na em i olsem, long, taim ol i stap long dispela hap, ol de bilong em i kamap pinis long em i mas karim pikinini.

⁷ Na em i karim namba wan pikinini man bilong em, na raunim em insait long ol klos bilong raunim bebi, na slipim em long bokis kaikai bilong ol bulmakau samting. Bilong wanem, i no gat spes long ol long haus pasindia.

⁸ ¶ Na i gat i stap long dispela hap graun stret ol wasman bilong sipsip i stap long ples kunai, taim ol i was long ol lain sipsip bilong ol long nait.

⁹ Na, harim, ensel bilong Bikpela i kam long ol, na glori bilong Bikpela i lait raun nabaut long ol. Na ol i pret tru.

¹⁰ Na ensel i tokim ol, No ken pret. Long wanem, lukim, mi bringim gutpela nius long yupela bilong bikpela amamas tru, dispela bai i stap bilong olgeta manmeri.

¹¹ Long wanem, long yupela tude mama i karim long biktaun bilong Devit wanpela Man Bilong Kisim Bek, husat em i Kraist Bikpela.

¹² Na dispela bai stap wanpela mak i go long yupela. Yupela bai lukim dispela bebi i pas raun nabaut long ol klos bilong raunim bebi, taim em i slip long bokis kaikai bilong ol bulmakau samting.

¹³ Na wantu i gat i stap wantaim dispela ensel wanpela bikpela lain tru bilong ami bilong heven i litimapim nem bilong God, na spik,

¹⁴ Glori i go long God i antap moa olgeta, na long dispela graun bel isi, gutpela bel i go long ol man.

¹⁵ Na em i kamap olsem, taim ol ensel i lusim ol i go long heven pinis, ol wasman bilong sipsip i tok wanpela i go long narapela, Yumi go nau, yes, long Betlehem, na lukim dispela samting, dispela i kamap olsem, dispela Bikpela i bin mekim yumi long save long en.

¹⁶ Na ol i kam hariap, na lukim Maria, na Josep, na bebi i slip long bokis kaikai bilong ol bulmakau samting.

¹⁷ Na taim ol i bin lukim dispela, ol i mekim ol lain ausait long save dispela toktok ensel i tokim ol long sait bilong dispela Pikinini.

¹⁸ Na ol olgeta husat i harim dispela i tingting planti long ol dispela samting, dispela ol wasman bilong sipsip i tokim ol.

¹⁹ Tasol Maria i holimpas olgeta dispela samting na em i tingim na skelim ol insait long bel bilong em.

²⁰ Na ol wasman bilong sipsip i go bek, na givim glori na litimapim nem bilong God long olgeta dispela samting ol i bin harim na lukim, olsem ensel i tokim ol.

²¹ ¶ Na taim etpela de i kamap pinis bilong ol i mas katim skin bilong Pikinini, ol i kolim nem bilong em JISAS, dispela em i nem olsem em i kisim long ensel bipo mama i kisim bel na em i kam insait long bel.

²² Na taim ol de bilong kamap klin bilong meri bilong bihainim lo bilong Moses i kamap pinis, ol i bringim em long Jerusalem, bilong givim em long Bikpela,

²³ (Olsem rait i stap pinis long lo bilong Bikpela, Olgeta wan wan man husat i opim bel bilong mama ol bai kolim holi long Bikpela,)

²⁴ Na long ofaim wanpela sakrifais bilong bihainim dispela samting lo bilong Bikpela i tok long en, Tupela balus turtel, o tupela yangpela balus pidgin.

²⁵ ¶ Na, lukim, i gat wanpela man long Jerusalem, husat nem bilong em em Simion. Na dispela man stret em i stretpela na strong long bihainim God, taim em i wetim dispela bel isi bilong Isrel. Na Holi Spirit i stap antap long em.

²⁶ Na em i kamap ples klia long em long wok bilong Holi Spirit, long em bai i no ken lukim dai, bipo em i bin lukim dispela Kraist bilong Bikpela.

²⁷ Na em i kam long wok bilong Spirit insait long tempel. Na taim papamama i bringim dispela Pikinini Jisas insait, long mekim long em i bihainim kastam bilong lo,

²⁸ Nau em i kisim em i go long tupela han bilong em, na blesim God, na tok,

²⁹ Bikpela, nau yu ken larim wokboi bilong yu go wantaim bel isi, bilong bihainim tok bilong yu.

³⁰ Long wanem, tupela ai bilong mi i bin lukim kisim bek bilong yu,

³¹ Dispela yu bin redim long ai bilong pes bilong olgeta manmeri.

³² Wanpela lait bilong givim lait long ol man i no Ju, na glori bilong lain manmeri bilong yu Isrel.

³³ Na Josep na mama bilong em i tingting planti long ol dispela samting, ol dispela Simion i toktok long sait bilong em.

³⁴ Na Simion i blesim ol, na tokim mama bilong em Maria, Lukim, dispela Pikinini i sanap bilong pundaun na kirap gen bilong planti insait long Isrel. Na bilong wanpela mak, dispela ol bai toktok birua long en.

³⁵ (Yes, wanpela bainat bai sutim namel long tewel bilong yu tu,) inap long ol tingting bilong planti bel i ken kamap ples klia.

³⁶ Na i gat wanpela Ana, wanpela profet meri, pikinini meri bilong Fanyuel, bilong lain Aser. Em i gat planti krismas tru, na em i bin stap wantaim man bilong em sevenpela yia bihain long taim em i stap meri i no bin slip wantaim man.

³⁷ Na em i stap meri man bilong em i dai pinis klostu olsem 84 yia, husat i no lusim tempel, tasol em i wokim wok long God wantaim ol pasin bilong tambuim kaikai na ol prea nait na san.

³⁸ Na meri i kam long dispela taim stret na givim tok tenkyu wankain olsem i go long Bikpela, na toktok long sait bilong em long olgeta husat i lukluk long dispela baim bek insait long Jerusalem.

³⁹ Na taim ol i bin wokim olgeta samting bilong bihainim lo bilong Bikpela, ol i go bek long Galili, long biktaun bilong ol yet Nasaret.

⁴⁰ Na dispela Pikinini i go bikpela, na wok long kamap strong insait long spirit, pulap wantaim save tru. Na marimari bilong God i stap antap long em.

⁴¹ ¶ Nau papamama bilong em i go long Jerusalem olgeta wan wan yia long bikpela kaikai bilong pasova.

⁴² Na taim em i gat twelpela krismas, ol i go antap long Jerusalem i bihainim kastam bilong dispela bikpela kaikai.

⁴³ Na taim ol i bin inapim ol de pinis, taim ol i go bek, dispela pikinini Jisas i stap bek yet long Jerusalem. Na Josep na mama bilong em i no save long dispela.

⁴⁴ Tasol tupela, taim ol i ting olsem em i bin stap wantaim lain bilong ol, i go wanpela de wokabaut. Na ol i painim em namel long ol kandere bilong ol na ol man ol i save long ol.

⁴⁵ Na taim tupela i no lukim em, ol i tanim i go bek gen long Jerusalem, na painim em.

⁴⁶ Na em i kamap olsem, long bihain long tripela de ol i painim em pinis insait long tempel, taim em i sindaun namel long ol dokta, taim em i harim ol, na askim ol ol askim wantaim.

⁴⁷ Na olgeta husat i harim em i kirap nogut long save na ol bekim bilong em.

⁴⁸ Na taim ol i lukim em, ol i kirap nogut tru. Na mama bilong em i tokim em, Pikinini Man, bilong wanem yu bin mekim olsem long mipela? Lukim, papa bilong yu na mi i bin painim yu wantaim bel i pilim hevi.

⁴⁹ Na em i tokim tupela, Em i olsem wanem long yutupela i bin painim mi? Ating i yes long yupela i save long mi mas stap nabaut long wok bilong Papa bilong mi?

⁵⁰ Na ol i no save gut long dispela toktok em i tokim ol.

⁵¹ Na em i go daun wantaim ol, na kam long Nasaret, na stap aninit long ol. Tasol mama bilong em i holimpas olgeta dispela toktok insait long bel bilong em.

⁵² Na Jisas i kamap bikpela moa long save tru na longpela bilong bodi, na long gutpela amamas wantaim God na man.